本土品牌嘅「輕時光」由天后開到中環, 梗係要支持下啦! 🖐🏻 貫徹天后店小清新路線, 中環店除咗以粉色為主調外, 兩邊還有壁畫彩繪,真係好 instagramable! 加上店內擺放左各式各樣綠色嘅盆栽植物,格調清新~ 令人感覺像遠離塵囂一樣, 「輕時光」悠閒寫意、富文藝氣息, 啱晒文青黎打卡, 嘆一杯無添加嘅健康飲品~ 😎 「輕時光」主打乳酪、鮮果飲品, 堅持 ✊🏻 健康飲食理念, 飲品全部都以新鮮水果製作, 仲自家製桂花冰糖,更不含化學添味劑, 咁就加倍健康、安心啦! 除左有主打嘅優格果昔、優格蓋茶、水果茶、水果乳酸或水果冰昔茶和牛奶外, 還有咖啡、純茶、抹茶等, 仲在季節限定嘅特式飲品添~ 之前飲過由水果和乳酪混合嘅沙冰 — 優格果昔系列,覺得相當不錯 👍🏻 ! 今次就『飲』過返尋味啦! 😏 芒果紅火龍優格果昔( $40 ) 芒果紅火龍保留返水果嘅原本顏色, 乳酪加上層層黃色嘅芒果 🥭 和紫紅色嘅紅火龍嘅紅黃相間, 顏色仲好靚,真係睇得又『飲』得!打卡一流! ☺️ 水果保留返原本顏色之餘, 仲保留返水果嘅香甜和果香, 以乳酪取代雪糕, 乳酪打成嘅沙冰口感細滑順綿, 味道更 true 更健康,正! 👍🏻 優格蓋茶概念同坊間嘅奶蓋茶差唔多, 不過由於奶蓋太肥啦, 所以店家就採用低脂乳酪, 低脂乳酪與水果又夾,健康得黎又好味道! 優格蓋茶仲可以揀桂花烏龍或茉莉綠茶作為茶底。 蘋果優格蓋茶( $38 ) 飲優格蓋茶,第一啖一定要直接用杯飲, 唔好用飲筒 🙅🏽 , 獨特設計杯蓋,飲時以 45 度完美地送進口, 一同嘗到優格蓋和清香嘅茶底, 口感比普通奶蓋更為輕盈, 小編以桂花烏龍作茶底, 清甜嘅蘋果,配以清香嘅桂花烏龍, 口感似 smoothie ,但又不失烏龍茶嘅香醇, 反而多左一份乳酪嘅幼滑~ ☺️ 推薦! 👍🏾 地址: 輕時光 ( 中環 ) 中環威靈頓街 166 號地下後座 營業時間: 星期一至日: 11:00-19:30