同事介紹之下去左油麻地「九龍坎麻辣火鍋」食成都麻辣火鍋， 餐廳以中國宮廷風為主題， 店內裝潢古色古香，有大量打卡位，📸 食客可以打扮成不同角色，從優雅的宮女至威嚴的皇帝🫅。😂 調料及水果🍉係自助區～ 餐廳提供多款湯底如麻辣鍋、番茄、高湯等， 我地叫左個經典鴛鴦湯底（$116） 鍾意食辣嘅一定要試招牌牛油紅鍋， 紅鍋選用花椒、豆瓣和辣椒等十多種香料炒香而成， 辣度還原正宗成都風味，香麻惹味 高湯則有紅棗、杞子、粟米、紅白蘿白等，味道鮮甜。 鍾意食菇菌嘅朋友一定要試下店長推介嘅拼盤～ ⭐️推薦❗四菌子（$116） 原個寶盒上陣，賣相精緻～ 有黑皮雞樅菌、繡球菌、金耳及竹笙， 🔸黑皮雞樅菌具有很高食用和藥用價值，也是中國傳統的藥用真菌之一，口感鮮嫩醇香； 🔹繡球菌除了藥用價值外，亦含有膠原蛋白口感，菌香濃郁，肉質脆嫩； 🔸金耳含豐富的蛋白質，口感嫩滑； 🔹竹笙吸晒湯汁，口感脆嫩，肉嫩鮮美。 花雕雞件（$88） 雞件都算入味，份量適中。 脆鯇片（$128） 賣相唔錯，一啲腥味都冇， 不過冇脆鯇應有嘅脆嫩口感，而且價錢有啲貴。 ⭐️推薦❗午餐肉（小份）（$33） 份量都幾多，價錢合理。 ⭐️推薦❗鮮腐竹（$30） 幾有豆味，口感鮮嫩，不錯吃。 ⭐️推薦❗皇帝菜（小份）都幾新鮮～ 百香果手打檸檬茶（$32） 酸酸甜甜，解辣一流。 午市或宵夜火鍋放題都只係$98起。 地址： 九龍坎麻辣火鍋 (新光商業大廈) 油麻地彌敦道469號新光商業大廈3樓 營業時間： 星期一至日： 12:00-03:00