帶西貢小妹出城記🇭🇰

打風嘅時候， 媽咪話唔想煮飯， 所以就去左屋企附近搵食， 不過開嘅舖頭唔多， 所以就去左之前食過，覺得唔錯嘅「 Olive ERA 」。 我地叫左一份 set dinner 同散叫左客意大利飯。 點完菜之後， 店員就送上免費餐包。 是日餐湯為粟米忌廉湯 入口順滑，有粒粒粟米係裏面。 香煎芝麻吞拿魚配香芒沙沙 吞拿魚刺身嘅四邊略為煎香， 中間保持鮮嫩肥美， 淋上香芒沙沙，香甜醒胃， 作為頭盤最適合不過！ 香煎美國 🇺🇸 下肩舺翼板牛扒配青胡椒汁（ 8oz ）（ $246 ） Medium rare 熟成度拿捏得不錯， 切開還有血水滲出黎， 肉質軟嫩味美， 伴碟仲有沙律菜、薯條 🍟 ， 厚切薯條微脆，內裏的薯肉軟綿～ 龍蝦意大利飯（ $178 ） 有大大隻龍蝦，賣相好吸晴 👀 ， 意大利飯份量好多， 但口感比較軟腍，唔係小編杯茶， 不過勝在幾入味，味道不錯。 地址： Olive ERA ( 黃大仙 ) 黃大仙睦鄰街 8 號現崇山商場地下 G1-G2 號舗 營業時間： 星期一至五： 11:30-23:30 星期六、日： 11:00-23:30

家姐最鐘意食蟹 🦀 ， 所以就係佢生日嘅時候， 帶佢去屋企附近一家專食蟹、海鮮蒸氣鍋嘅專門店 — 「蟹仙海鮮蒸氣鍋」， 豪食一頓！ 😏 餐廳麻雀雖少，但五臟俱全， 有不少玻璃魚缸養住各式各樣嘅海鮮， 保證新鮮！ 😏 預先訂好枱，   甫入店，店員便親切地講解呢到嘅海鮮來源， 仲介紹我地食野生瀨尿蝦皇， 話有一隻前臂咁長， 😍 真係未食已經流晒口水啦～ 呢到有 4 個套餐，由 $298/ 位起，   有 10 款海鮮，好抵食呀！ ☺️☺️ 不過一分錢 一分貨， 由於我地想食野生瀨尿蝦皇， 所以就點左 $398/ 位嘅套餐～ 😎 越南頂角膏蟹 / 菲律賓大黃奄 野生瀨尿蝦皇 / 象拔蚌刺身 / 野生琵琶龍蝦 澳洲青年龍蝦 翡翠九孔鮑魚 泰國海中蝦 越南貴妃蚌 日本大元貝 / 紐西蘭大蟶子 韓國慶南蠔 / 紐西蘭青口 深海龍躉片 有機蔬菜籃 上海鮮之前，先上個粥底， 店員將米、南瓜粒、排骨預先放係鍋底， 等成個蒸鍋食完之後， 就可以品嚐到集海鮮嘅精華於一身嘅靚粥～ ☺️ 因為海鮮中最重味道嘅係蟹 🦀 ， 所以小編建議最後先食～ 野生瀨尿蝦皇 相機食先之後店員會幫我們剝殼，好細心呀！ ♥️ 咁我地就可以無障礙大快朵頤～ 入口啖啖肉， 肉質鮮嫩多汁，   完全唔需要蘸任何醬料， 原汁原味！ 👍🏻 翡翠九孔鮑魚 鮑魚新鮮，厚肉，軟腍得黎又不失咬口。 越南貴妃蚌大大隻， 肉質鮮美，好 juicy ， 可以連埋湯汁一起吃，鮮甜味美～ 韓國慶南蠔 原隻生蠔擺上去蒸， 蠔肉肥美，蠔身綿滑， 鮮甜並帶點海水味。 紐西蘭大蟶子 幾長幾大隻，蟶子肉爽嫩。 深海龍躉片 入口嫩滑鮮甜，魚皮膠質豐富。 澳洲青年龍蝦 正值青年嘅龍蝦，梗係最美好時代～ 雪白嘅龍蝦肉幼嫩鮮甜，爽口彈牙， 蝦頭仲有唔少膏～ 😍 最後， 輪到主角蟹出場啦！ ♥️ 越南頂角膏蟹 鐘意食膏嘅foodie一定唔可以錯過！

係 openrice 無意中搵到呢間隱世日本 🇯🇵 fusion 法國 🇫🇷 菜 — 「 Le Réve 」， 就帶小妹黎 chill 下～ 柔和嘅燈光和聚焦燈嘅配合下， 加上絲絨梳化椅和石製餐枱嘅搭配， 和餐廳各式各樣嘅擺設： 餐枱上嘅朴葉、雅致嘅蒲公英燈、火山石麵包碟、切合主題嘅羽毛餐巾圈都型格過人， 整個環境都相當有氣氛、有情調！ ☺️ 開放式廚房可以睇到廚師們做菜嘅情況， 見到佢哋嘅專注和用心。 👀 每張枱都會有位專責嘅店員， 會為食客介紹整頓晚餐嘅製作、構想等， 是日有一位比剛畢業，但 customer service 做得好好嘅女店員阿飛 serve 我地， 我同小妹都好滿意同覺得 impressed ～ 😌 首先介紹餐廳嘅概念，就係「 Le Réve 」在法文中意思解作「夢」， 所以餐廳亦用 dream catcher 作裝飾， 而店家就想比食客有一場如夢如醉嘅夢之宴。 食物方面， 有三個套餐可以選擇： 4 道菜（ $650 ）、 6 道菜（ $890 ）、 8 道菜（ $1190 ）， 主菜揀選鹿兒島 A5 和牛西冷需額外多付 $268 ， 我地揀左個中價嘅， 因為想試下 surprise dish ， Alcoholic 嘅小編仲加左個 wine pairing ！ 😂😂 Amuse Bouche 日本京葱蛋糕 口感鬆軟，蔥香開胃。 餐前麵包 打開麻布袋， 裏面有微溫嘅牛油麵包和牛角酥， 配上自家製忌廉牛油，入口香軟鬆脆～ Pan Seared Hokkaido Scallop 香煎珍寶帶子用上北海道帶子刺身級， 😯 煮至約七成熟， 入口軟嫩，咬開有一絲絲嘅口感，鮮甜味美， 加上三文魚子、青豆蓉、黑芥末籽等點綴， 口感和味道更多變化～ 😋 另一邊係風乾迷你日本小閘蟹， 入口醬油味香，口感卜卜脆。 帶子配上微甜清爽嘅意大利 🇮🇹 嘅 Provetto Spumante Bianco Brut ，更能提鮮～ 是日嘅 Surprise Dish 以龍蝦為主題， 龍