小妹最鐘意食日本 🇯🇵 菜, 最近發現有一家新餐廳「岸久市場」係尖沙咀開業, 主打 浜燒海鮮 ,仲可以比食客自己 DIY , 啱晒貪玩貪吃嘅小妹啦! 😏 除左浜燒海鮮外, 仲有其他日本料理,如炊飯、鋤燒、燒物等。 🌟 推薦 ❗️ 蟹籽山青蘋果沙律( $68 ) 青蘋果沙律好少見, 仲要一有座蟹籽山, 卜卜脆嘅蟹籽混合酸酸甜甜嘅青蘋果 🍏 絲, 配上沙律菜和芒果粒,清新又開胃~ 🌟 推薦 ❗️ 甜甘蝦一合( $78 ) 嘩,無諗過一合有咁多隻甜蝦, 足足有 8-10 隻,仲要每隻都連蝦籽,好新鮮,好抵食呀! ❤️ 甜蝦香甜,肉質有獨有嘅鮮嫩幼滑感~ ☺️ 🌟 推薦 ❗️ 刺身盛合 4 點( $178 ) 有三文魚、油甘魚、帶子和牡丹蝦, 二人食啱啱好~ 刺身都算新鮮, 油甘魚肥美爽滑,魚油脂香, 帶子鮮甜嫩滑, 牡丹蝦好大隻,肉質鮮美爽彈,口感十足! 漁師特上丼飯 ( $218 ) 丼飯堆左一座由各式各樣嘅刺身製作而成嘅「山」, 份量澎湃都差不多要滿瀉~啱晒相機食先! 😏 魚蓉以是日新鮮刺身製成, 有吞拿魚、北寄貝、帆立貝、三文魚子、馬刀貝、 𩶘魚和紋甲魷魚等製成,入口幼滑鮮美。 仲附有原板金黃嘅韓國海膽, 除了一般嘅丼飯食法外, 更可以將紫菜自製成手卷, 最後添加茶漬湯製作茶漬飯呢~ 好玩又好食! ☺️ 🌟 推薦 ❗️ 火焰漁師野菜鍋 ( $138 ) 有自家製魚滑、青蔥腐皮卷、金菇、冬菇、雞髀菇、本菇、京蔥等十多種配料,好豐富! 湯底一開始加左少許酒, 店員會先舉行點火儀式 🔥 , 加入大蜆和魚頭,即場煮成湯, 無加入額外嘅調味,原汁原味~ 大蜆肉質飽滿,魚頭好多肉,鮮甜嫩滑~ 食完大蜆和魚頭, 就可以加入各款配料打邊爐, 蔬菜吸晒湯底嘅精華,正! 值得一讚係自家製魚滑, 加左芝麻係裏面,更添口感! 😏 吉列蟹肉忌廉餅( 2 件)( $38 ) 炸得香脆可口, 蟹肉唔係好多,不過都好 creamy , 好快凍,要襯熱食先好食。