估唔到新蒲崗都有咁出色嘅居酒屋~☺️ 雖然餐廳叫「海膽仔」,但其實就如居酒屋般, 除咗有日本直送海膽外, 仲有刺身、壽司🍣、丼飯、日式串燒、天婦羅🍤、鍋物等, 定食都係$68起,跟湯及沙律, 原來係日本食材批發公司兼營餐廳,唔怪得價錢咁相宜啦~😳 一入門口,就已經見到擺放生蠔🦪嘅雪櫃, 除咗有日本生蠔之外, 仲有西班牙、法國生蠔,都只係$38起。 ⭐️推薦❗ 珍寶令和の怪物🦪($88/隻) 平時自己買返屋企處理都要呢個價錢,而家仲要幫你開埋,清洗埋,絕對值呀!😎 岩手縣手掌般大的蠔稱為「令和の怪物」, 有着岩蠔牛奶般嫩滑鮮甜嘅味道, 亦有真蠔濃厚嘅蠔味, 海水味適中,口感極度爽口。 蠔迷一定不可錯過!😊 ⭐️推薦❗原條伊佐木いさき刺身🐟($208) 伊佐木,又名雞魚, 雖然唔係好大條,不過份量足夠兩個人食,刺身約20片,質素相當好,性價比高!😋 肉質白嫩細緻,軟腍中帶微爽脆, 味道清甜而富有彈性,魚油適中。 ⭐️推薦❗倍化帶子吞海膽($98) 3L超厚帶子切開一半,夾上加拿大海膽, 帶子肥美,肉質柔軟, 加拿大🇨🇦海膽甘甜鮮美, 兩者鮮味交融,超正!🤤 ⭐️推薦❗燒菠蘿🍍($18)勁甜,又平! 燒油甘魚鮫($69) 唔係好大件,外皮微焦香,肉質都算嫩滑,不錯吃! 整體來說, 「海膽仔」食物質素好,價錢又相宜,絕對係區內數一數二嘅🇯🇵日本菜!😏 地址: 海膽仔 (新蒲崗) 新蒲崗衍慶街2-32號新蒲崗大廈地下Q號舖 營業時間: 星期一至日: 12:00-22:00