帶西貢小妹出城記🇭🇰

最近晚市冇堂食，日本洋風輕食店「一汁一菜」就啱晒啦！😎 「一汁一菜」（いちじゅういっさい）取名源自日本簡約飲食哲學， 一碗湯一碗飯，$49起，健康有營，簡單又滿足～☺️ 除咗「一汁一菜」， 餐廳亦有推出其他套餐， 湯＋一品料理＋日本米飯🍚，$69起， 湯＋自家製日式咖喱飯🍛，$89起， 上班族又多個午餐選擇啦～😜 「一汁一菜」只設外賣，不設堂食， 外賣包裝衛生又穩陣，唔洗驚倒瀉！😏 唔好以為飲湯唔飽， 「一汁一菜」嘅湯品全部都好足料，又夠大碗！ 🌟推薦❗️北海道產甜粟雞肉豆乳濃湯（Hokkaido Sweet Corn & Chicken Soy Milk Potage）（$39） 小編最鍾意飲粟米🌽湯，好有家鄉嘅感覺～ 記得每次去北海道滑雪⛷️， 都會喺自動售賣機撳幾罐熱辣辣嘅粟米湯飲，暖暖手腳暖暖胃，夠晒窩心☺️。 粟米🌽濃湯入口幾creamy，味道清甜， 有齊粟米粒、蔬菜、3-4塊雞肉，材料幾足！ 配返個飯就可以show me your love～😏😏 🌟推薦❗️一汁一菜和牛羅宋湯（Wagyu Beef Borscht soup）（$49） 和牛羅宋湯不愧為「一汁一菜」嘅皇牌！ 羅宋湯採用牛肉和多款蔬菜如洋蔥、西芹、甘筍熬製，肉香濃郁，味道酸甜醒胃， 和牛大大件，肉質軟腍入味，必試之選！ 期間限定！花菜巴馬火腿濃湯（Broccoli & Parma Ham Potage） 以西蘭花🥦、椰菜花、薯仔熬製而成， 入口啖啖菜花和薯肉， 加上鹹香嘅巴馬火腿，健康又美味！ 地址： 一汁一菜 (銅鑼灣) 銅鑼灣怡和街1-1L號香港大廈地下A3號舖 營業時間： 星期一至日： 12:30-20:00

 講起戚風蛋糕，小編最鍾意食「La Famille」～ 因為「La Famille」嘅小蛋糕，只係$58起， 啱晒兩三個人share，價錢合理，性價比高！👍🏻 而且蛋糕款式選擇多， 最重要係多分店，港、九、新界都有，拎蛋糕夠晒方便！😏 最欣賞係「La Famille」對食客嘅貼心，對蛋糕口感嘅堅持✊🏻！毋忘初心！ 「La Famille」嘅小蛋糕， 全部都會蓋上自家設計嘅保濕玻璃罩， 為咗防止忌廉或蛋糕被雪櫃吹乾，令食客品嚐戚風蛋糕嘅最佳口感～ 唔怪得之，「La Famille」嘅戚風蛋糕，全部都咁鬆軟！☺️ 最重要係蛋糕可以逐個一件裝盒包裝，啱晒做散水餅，perfect！ 疫情底下最需要獨立包裝！😆 皇牌士多啤梨（$58） 粉紅色嘅蛋糕士多啤梨味🍓好true！😳 蛋糕以多角度呈現士多啤梨嘅味道和口感， 配上原粒士多啤梨和啫喱，香甜味美！ 雙重朱古力（$58） 朱古力味幾香濃， 沾上濃厚幼滑嘅70%朱古力忌廉一齊食， 加上朱古力Brownie嘅點綴，朱古力控必試！😏 英國伯爵茶（$58） 一打開蛋糕盒，已經聞到好香嘅伯爵茶味～😌 鬆軟嘅戚風蛋糕滲透着香濃優雅嘅伯爵茶香， 配上迷你馬卡龍裝飾，夠晒精緻！ 如果英式伯爵茶唔啱，仲有其他茶味如日本京都焙茶（$64）揀！🌟推薦❗️ 面層用左小山園宇治抹茶粉調配而成朱古力醬，和焙茶味嘅奶凍， 蛋糕入面仲有煙煙靭靭嘅黑糖麻糬，驚喜十足！🥰 🌟推薦❗️沖繩黑糖栗子蒙布朗（$58） 秋冬嘅栗子系列， 外面佈滿由日本🇯🇵丹波秋栗和法國栗子🌰製作而成嘅栗子蓉，口感幼滑，入口即化， 配上黑糖戚風蛋糕，味道好夾喎！ 地址： La Famille (沙田) 沙田港鐵沙田站SHT4-5號舖 營業時間： 星期一至日： 11:00-22:00

 冇諗過純素咖啡竟然咁好飲！別有一番風味！😳🥰 Crummy（$45） 其實即係Dirty， 不過與眾不同嘅係， Crummy以rice whipping cream取代左鮮奶， 不含麩質，不含乳糖，不含氫化脂肪， 味道比一般嘅dirty更有層次感， 先嚐到咖啡嘅微酸度及風味， 再來是陣陣嘅米香，和咖啡嘅融合～ 絕對值得一試！😼 凍嘅仲有Afternoon Pick Me Up（$68） Rice whipping cream製成嘅whipped cream， 配上espresso和梳打水， 攪勻左之後飲真係好似有陣爆谷🍿味！好特別！😳 地址： Flow Float （銅鑼灣） 銅鑼灣禮頓街95-97號地舖E 營業時間： 星期一至日： 8:00-20:00

 「Hakawa Chocolate」於2017年被加拿大《環球郵報》(The Global and Mail) 文章所評全球最佳朱古力的美譽， 更有黃秋生黎過加持， 不過到底係咪真係咁好飲？🤔 我好欣賞「Hakawa Chocolate」堅持Bean to Bar， 從選取可可豆（Bean）開始，到製作巧克力塊（Bar）的所有生產過程，在同一店家一貫進行的巧克力製法。 不過今次冇試到佢哋手造嘅朱古力，而係飲左佢哋製作嘅凍朱古力～ 製作過程係好open嘅，可以從玻璃窗外睇到， 不過唔睇由自可，一睇就….🌝🌝🌝 朱古力飲品可可含量，有74%或100%兩款選擇， 除咗鮮奶之外， 仲可以揀用豆奶、燕麥奶沖製。 因為朱古力係即叫即沖，所以每杯製作需時10-15分鐘， 不過weekend比較多人關係，所以等咗20-25分鐘。 74% Iced Chocolate ($50)  好奇之下，去咗睇佢哋點樣沖朱古力⋯⋯ 冇諗過佢哋嘅凍朱古力，竟然係會加水加糖‼️😰 用鮮奶，再加水‼️，然後加熱， 加熱完，加入朱古力粉，和糖‼️，所製成嘅熱朱古力奶， 再撞一杯冰‼️， 所以其實成杯凍朱古力，主要嘅成份，係用熱朱古力奶熱溶嘅（冰水）！ Erm，作為一個咖啡師黎講， 正常沖一杯凍嘅朱古力，應該係以鮮奶為主！ 應該用水溶性嘅朱古力粉， 或用少量嘅水和朱古力粉調配而成嘅朱古力漿， 注入凍奶，再加冰，調配而成， 而唔應該係熱朱古力奶撞冰‼️🙂， 咁仲係朱古力咩？咁係朱古力奶水吧？😅 雖然飲得到可可果酸， 不過其實味道一啲都唔香濃， 沒有預想中嘅濃稠口感，仲感覺好水⋯⋯ 可能飲熱朱古力會好啲？ 不過加水真係……，不了！ 🙌🏻🙌🏻🙌🏻🙌🏻 地址： Hakawa Chocolate (中環) 中環歌賦街49-51A號地下1B號舖 營業時間： 星期二至四：13:00-19:00（只提供朱古力售賣） 星期五、六：13:00-19:00（提供朱古力及飲品） 星期日、一全日休息