帶西貢小妹出城記🇭🇰

經同事介紹， 見客公司附近有家頗有特色的咖啡店， 佢忙裡偷閒的時候，總會去抽個煙，有時候到「Smoko」飲杯提神咖啡。 果不其然，有不少附近office的打工仔都會黎抖個氣。 😏 「Smoko」裝潢型格， 紅磚牆令整間咖啡店更添復古味，岩晒我呢個偽文青！ 🤓 「Smoko」主打咖啡，其他飲品soda、tea和chocolate都有。 如果傳統咖啡唔岩？還可以叫駐場咖啡師特調杯專屬「你」的飲料。 經店員介紹下， 我就選了這杯入口似draught beer的咖啡——TAP Coffee (Large) （$45）， 把杯傾斜地飲，入口真的很像draught的氣泡， 卻散發濃厚的咖啡味， 可惜苦味比較重，缺乏咖啡應有的酸甜味和層次感，有點失望呢！ ☹️ 雖然口感和我熟悉的nitro coffee相似， 可味道卻飲得出只是用ice americano做 base，再加上espresso 打成的氣泡， 沒有nitro coffee深層的味道。 😞 以味道來說，今次可算是失望而回， 但我頗為欣賞店家對咖啡的魄力， 👏🏻 連sleeve都印有自家畫工的design，富有藝術感。 🎨 就這份誠意下次就比多次機會佢試下特調飲料啦！ 🙈🙊 地址： Smoko ( 北角 ) 北角炮台山宏安道 2-12 號宏暉商場地下 8 號 營業時間：星期一至五 ： 8:00-19:30 星期六： 10:00-19:00 星期日及公眾假期：休息

好多人話食煲仔飯要去油麻地廟街， 但港島人食煲仔飯梗係要去筲箕灣啦！ 有次去完表妹柴灣屋企打麻雀， 表妹就帶路去左筲箕灣愛民街後街的「祥囍煲仔小廚」。 「祥囍」裝潢和港式茶餐廳一樣，有內外座位， 晚市 8 點半來到都仍然滿場。 😯 而餐廳最出名的就是煲仔飯和小菜， 所以我和表妹就點了好幾個小菜和一個煲仔飯。 西檸汁煎雞（ $73 ） 西檸雞新鮮熱辣，炸粉厚薄剛剛好， 雞扒肉炸至香脆肉嫩，啖啖肉， 惟檸檬芡汁對個人來說不太夠味，有點兒失望。 ☹️ 薑蔥魚雲煲（ $85 ） 原煲上仍然相當有鑊氣，一上桌仲「唧唧唧」聲緊。 😯 魚雲份量十足，件件都大大舊好厚肉， 肉質又嫩滑肥美，香口惹味，值得一試！ 😏 三色蛋唐生菜（ $65 ） 一看便知道用料不馬虎， 上湯裡有不少鹹蛋、皮蛋、炸蒜頭和肉碎等， 令爽脆嫩滑的唐生菜相當入味，不錯！ 終於到重頭戲出場啦！ 👏🏻 滑雞潤腸飯（ $71 ） 「祥囍」出名的地方在於其煲仔飯主張用炭火燒，而且即叫即做， 所以需時較久，要耐心等候。 打開煲蓋，陣陣炭香味便傳來。 😌 雞肉嫩滑帶炭香，潤腸香味濃郁， 飯粒乾身，而且粒粒分明，微微散發着潤腸的臘味， 建議食法先把飯放到碗仔後才加豉油拌吃， 才不會浪費脆卜卜的飯焦。 喜歡吃飯焦煲仔飯的話，不可錯過呀！ 😏 地址：祥囍煲仔小廚 ( 筲箕灣 ) 筲箕灣愛民街 6-28 號新利大廈地下 4A-5A 號舖 營業時間：星期一至日 ： 11:00-15:00 ， 18:00-23:00

去灣仔見完客，就去附近食個晚餐先，夜晚再繼續努力 🙈 。 成日搭叮叮經過 HOKO Farm ，今次就入去試下啦。 😏 餐廳外觀以木屋為主題，裡面的裝潢也別具心思。 牆壁上印有不少卡通 🐔🐮🐷 的塗鴉， 又將中環的高樓大廈 🏙 融和在一起，有藝術感之餘又充滿香港情懷。 😳 見到menu上的北海道 3.6 牛乳炒蛋， 覺得好熟口面，就發現原來 HOKO Farm 也是北海道牧場餐廳的。 😯 除了主打All day breakfast外，還有意粉、意大利飯、Steak同Burger， 款式比北海道牧場餐廳多了不少呢！ 對自己好一點，梗係鋸個扒啦！ 😜 先來的是餐包，微暖軟熟，配上牛油，味道不錯。 美國西冷牛扒伴炸薯角（$138） 牛扒相當有份量， 肉質比較瘦和厚實，牛味突出， 蘸上餐廳特調的牛肉汁，更添滋味， 惟牛扒有8-9成熟，對我來說實在是太熟了。 😔 如果可以選擇熟成度就更好了！ 旁邊配上炸得香脆的薯角，惟薯角不太夠熱，有點遜色。 沙律加了少許 balsamic vinegar ，酸酸甜甜，都算開胃。 餐飲選了熱阿華田，味道不會太甜， 可惜有太多奶泡，不太是我杯茶。 😫 整體來說， 以金鐘、灣仔區來說， HOKO Farm 的價錢都算合理， 食物質素還算不錯，可以一試。 地址： HOKO Farm ( 灣仔 ) 灣仔軒尼詩道 8-12 號中港大廈地下 A 及 C 號舖 營業時間：星期一至五 ： 8:00-22:00 星期六、日及公眾假期： 8:00-21:00

最近凍冰冰，最適合梗係要暖笠笠打邊爐啦！ 🍲 得知曾經於網上瘋傳的「牛肉塔」， 就在朗豪坊附近的一家「 喜鍋 海鮮‧火鍋‧小廚 」（下稱 喜鍋 ）， 所以特意帶嗜牛的肥妹去試下。 😏 火鍋店麻雀雖小，但五臟俱全。 火鍋湯底選擇有 17 款之多， 😯 當中最令肥妹感興趣的莫過於女士至補的花膠鯊魚骨膠原鍋。 😂 花膠鯊魚骨膠原鍋（$168） 鍋內相當足料， 有斤量十足的花膠和鯊魚骨、少量豬骨和雞腳等， 熬出來的湯頭鮮甜可口，未落火鍋料打邊爐已經飲左兩碗，正！ ☺️ 花膠滑嘟嘟，鯊魚骨爽口， 很滋補養顏呢！ 👍🏻 叫呢個鍋仲送埋原價$28的甘香泡飯 😇 ， 把湯注入泡飯， 粒粒金黃的飯焦依舊保持香脆可口， 香口又吸湯，很滋味呢～ 😋 美國桶蠔（$148） 一份有 8 隻「巨型」桶蠔，每隻都半個拳頭咁大，好抵食呀！ 😌 桶蠔洗得乾淨，入口沒有多餘的腥味或酸味，肉質也鮮甜肥美。 😋 頂級安格斯牛頸脊（小）（$168） 本來愛吃牛肉的肥妹想叫大份的， 不過店員話細份兩個人食就已經剛剛好， 所以就叫了細份，果不其然，份量真係好足！ 😍 牛肉油花分佈均勻密集， 由於油花極多，只需涮一涮，涮至變色便可。 牛肉入口即化，肉質細嫩軟腍， 不用蘸上任何醬汁，絕對能夠充份享受其濃郁的牛味， 好吃到令肥妹食到停唔到口！ 🙈 以其上等質素，一份份量有幾十塊，性價比非常高 ！ 😋 自家脆響鈴卷（$38） 響鈴即叫即炸，香脆可口， 食落感覺沒有用太多油炸，感覺沒太油膩和飽濟。 唐生菜（ $28 ） 唐生菜鮮嫩爽脆，吸盡了湯底精華，好滋味！ 👍🏻 惟一客份量略嫌太少。 鮮肥鵝腸（ $78 ） 見枱枱都叫，所以我地都叫埋一份。 😂🙈 肥鵝腸就如其名，真係好肥美呀！ 😍 每一條鵝腸都滿佈肥脂，入口鮮甜爽脆，值得一試！ 👍🏻 整體來說， 「喜鍋」火鍋湯底和配料用料新鮮、份量足，價格合理，值得一試！ 🤗 地址： 喜鍋 海鮮‧火鍋‧小廚 (旺角) 旺角

在銅鑼灣返工，食乜野係一個好難的決定的問題！ 因為去邊到都人多，要排隊，又貴， 食飯又只有 1 個鐘，食乜好呀？！ 🙄 「台南阿豆仔」是一家很近我公司的台灣菜， 銅鑼灣的台灣菜不多， 平時近近地食個午市套餐，「阿豆仔」都不失為一個好選擇！ 😏 今次難得小妹接放工，又嚷着要吃台灣菜，就試下「阿豆仔」的晚市啦。 😂🙈 「 台南阿豆仔 」顧名思義主打台南料理， 中英對照的點餐紙上有着不少台灣地道菜餚和夜市美食， 不僅是食物款式台風，就連餐廳裝潢也不馬虎！ 懷舊鐵閘，啤酒箱座椅和掛在牆上的美食燈箱等，相當有台灣夜市風，很有特色呢～ 😳 小妹最愛就是吃 魯肉飯 ，梗係要叫一碗啦！ 古法魯肉飯（小）（$35） 肥瘦相間的豬肉手切成丁，豐腴鬆化，比一般肉碎更有口感， ☺️ 台式滷蛋滷得入味， 再配上油葱酥香的鹹香肉汁和香軟白飯拌着吃， 美味就是這麼簡單！ 😋 在香港不容易吃到好吃的 魯肉飯， 而小編就覺得 「阿豆仔」的 魯肉飯都算幾正宗，值得一試！ 😏 紅燒牛肉麵（$68） 所有台灣食物當中，小編最愛吃紅燒牛肉麵， 所以 🐮 牛肉麵也是我平時來這裡吃午餐之選。 先呷一口湯，湯底香濃，惟牛味不太重， 但最令佩服的就是 炆得軟腍的牛肉牛筋， 牛肉牛筋份量十足， 牛肉略帶軟筋，牛味十足， 牛筋腍滑味香，滑嘟嘟，富膠質感， 加上富彈性的麵條，確實不錯吃！ 👍🏻 如果嫌味道不夠， 還可試試店家特製的 🌶 辣醬，微辣惹味，愛辣者不可錯過！ 😏 食台灣菜，點少得最具台灣特色的蚵仔煎？！ 蚵仔煎（ $55 ） 蚵仔煎最重要的當然是蚵仔， 蚵仔份量都算多，而且粒粒肥美多汁，正！ ☺️ 加上配料小白菜鮮甜可口，令蚵仔煎口感更有層次， 值得一讚的是粉漿厚薄適中，軟腍 Q 彈， 再淋上特調酸甜醬，味道更香甜滋味！ 😋 滷水拼盤（ $48 ） 拼盤可自行挑選三款材料， 我們都愛吃內臟，所以就選了牛肚、大腸和肝連， 想不到一碟份量咁多！ 😲 厚切大腸滷水味濃， 牛肚同樣滷得入味軟腍， 肝連肉吃起來口感像半筋半肉