帶西貢小妹出城記🇭🇰

 煮出嚟嘅嘢食好食固然重要， 擁有一套靚嘅廚具，用嚟打卡更加唔少得！🥰 唔食得都只少睇得系列：🤪 @b.duckofficial 嘅廚具用品，包括不沾湯鍋、炒鍋、鍋鏟、煎鏟及湯勺和餐具🍴等， 如果配埋B.Duck🐤色嘅電磁爐就perfect match啦！😹 🌟22cm 不沾湯鍋： ✔️湯鍋好大，有4L容量，兩三個人打邊爐都得，今個冬天夠晒warm啦～☺️ ✔️耐磨不沾塗層，耐用又容易清洗 ✔️加長木手柄，貼心防燙，安全可靠 ✔️鍋夠深，食物唔會容易溢出 ✔️大部份嘅煮食爐都適用，適用於煤氣爐/ 電陶爐/ 電爐/ 電磁爐 🌟B.Duck 硅膠鍋鏟、煎鏟及湯勺： ✔️耐230°C高溫 ✔️舒適手柄，隔熱防燙 ✔️採用食品級硅膠，可以放心煮食☺️ ✔️ 高強度不鏽鋼內芯，鍋具防止變形，夠耐用！ 💪🏻 🌟高級陶瓷餐具 3 件套裝（$99） 包括7寸湯碗、8寸圓碟及大湯匙 簡簡單單嘅過橋米線，配上 B.Duck 餐具，都即刻加唔少分數！ 😏 ✔️適用於微波爐、消毒櫃、洗碗機及雪櫃 ✔️加厚碟壁，不易燙手 ✔️ 印有 B.Duck 圖案清晰可愛，不易掉色 🛒購買點: HKTVMall B.Duck 旗艦店： https://bit.ly/bduckhktvmall B.Duck   @hktvmall 香港天貓官方旗艦店： https://bit.ly/bducktmallhk

以前係佐敦嘅分店食過兩三次放題， 而家仲進駐埋銅鑼灣～ 今次港島人有口福啦！😏 餐廳長時間做緊多重優惠， 平日有午市套餐，有多款日式定食或燒肉套餐，啱晒附近嘅上班族。 凡惠顧晚市放題，每位敬送海膽魚子伴珍寶級日本宮城縣生蠔一隻， 如果生日當月惠顧，4人同行有1人免費，抵喎！ 2.5小時燒肉放題， 可以食盡澳洲和牛、海鮮、刺身、串燒、天婦羅🍤等， 星期六、日及公眾假期午市（11:30-16:00）惠顧午市放題，第二位客人可享半價優惠，折實$387/位！😍😍 晚市分兩個時段， 時段A：17:00-19:30，價格由$393起， 時段B：19:30-22:00，價格由$454起。 雖然晚市收費唔算好平， 不過勝在用料上乘和講究！ 除咗任食之外， 紅白酒、清酒、柚子酒、梅酒都係任飲， 絕對可以食到番本！😎 紅白酒、清酒、梅酒和柚子酒都有， 有原包裝放係隔離用以証明， 保證真材實料冇溝水！👍🏻 唔飲酒嘅話，仲有多款汽水、果汁或茶等。 刺身種類都幾多選擇， 有三文魚、油甘魚、劍魚腩、帆立貝、甜蝦、八爪魚、北寄貝等， 款款都好新鮮！ 😋 小編最欣賞帆立貝，鮮甜味美， 三文魚、油甘魚、 劍魚腩 厚切肥美， 甜蝦好大隻。 至於重頭戲海膽魚子伴珍寶級日本宮城縣生蠔， 生蠔口感濃厚滑溜， 配上一大瓣味道清甜嘅加拿大海膽， 和滿滿魚油脂香嘅三文魚子， 多重口感和味覺嘅衝擊☺️☺️ 燒肉有十多款， 🌟推薦❗️澳洲和牛胸腹和牛肉眼 大理石油花分布均勻，肉質嫩滑多汁。😋 🌟推薦❗️醬汁安格斯牛肩胛肉眼博燒 雖然薄薄一片比較容易燒燶， 不過調味鹹香入味，不錯吃！ 燒海鮮種類比較少， 個人推薦海蝦， 蝦雖然係冰鮮，不過都幾大隻，可以一試！ 其他日本料理如沙律、壽司、天婦羅、炸物、都有，選擇幾多樣化～ 天婦羅、炸物和串燒全部都係即叫即炸，即叫即燒， 保證上枱新鮮熱辣～ 其中最欣賞榴槤炸彈和芝士年糕，外脆內軟，🌟推薦❗️ 最後食返個烏冬暖身就啱晒啦！ 呢到嘅烏冬採用日本稻庭烏冬， 口感嫩滑煙韌，次次嚟都要食幾碗！😂😂 甜品方面， 除咗有蛋糕和慕絲蛋糕， 雪糕選擇有9款之多，仲要係任食，唔係人頭計， 有Mövenpick、Fruttato Gelato意大利雪糕、雪條和Dreyer’s甜筒。 地址： 響日本燒肉 (銅鑼灣) 銅鑼灣渣甸街66號亨環2樓 營業時間： 星期一至日：

 係公司附近，見到有一家新開嘅潮州菜館， 平時食潮州菜，打冷就食得多， 午餐食潮州菜，真係第一次！ 潮洲菜午餐係食咩架呢？ 菜單上食物款式不多， 有腸粉、海豐小米（外皮係粉果皮，內餡係大地魚溝豬肉，味道真係有啲似魚皮餃）、扁實（潮式雲吞）， 還有飯、粉麵等。 甫入餐廳，老闆娘就話今日有菜茶， 原來菜茶唔係菜單上，係隱藏菜式， 只係星期三、六先會有㗎！ 所以就叫咗一份～ 菜茶是汕尾的傳統小吃，屬於節日食品， 以前傳統節日「男丁節」， 只要有人家裏添了男丁， 來年的這個時間就會製作菜茶來宴請親朋好友，以表慶賀， 所以菜茶又稱壯丁茶、男丁茶。 菜茶裏有各式各樣的素菜如白菜、生菜， 加上蝦米、臘腸、魷魚、粟米、粉絲、豬肉等炒製而成， 淋上上湯，灑上花生、炒米（脆米），就大功告成了， 口感確實很豐富，不過味道就見仁見智， 最重要其實係粉絲好少，唔會食得飽， 個人來說， $4x一碗菜茶配一杯嘢飲，唔係好抵食。 地址： 潮滋味（九龍城） 九龍城獅子石道 15 號地舖

最近九龍城廣場對面新開左間「手作鮮芋站」， 顧名思義， 「手作鮮芋站」主打用鮮芋頭製作出各式各樣嘅台灣小食如爆餡芋泥吐司、芋圓和茶飲， 茶飲有超過50款， 除咗有人氣芋圓鮮奶茶外， 仲有冷泡茶、奶茶、蜂蜜茶、水果茶、芝士奶蓋茶～ 芋頭控一定要去試下啦！😏 🌟推薦❗紅柚菠蘿🍍金鳳茶王（$28） 茶味濃厚嘅台灣青茶金鳳茶王， 有着高山青茶嘅香醇， 配上新鮮紅西柚和菠蘿🍍果汁，酸甜度調配得剛好，香甜清爽， 加上滿滿果肉，口感十足！👍🏻 甜品好大碗好足料，兩個人share一碗都得！ 外賣包裝夠穩陣，十分鐘路程都完全冇倒瀉～👏🏻 招牌仙草芋圓（$38） 用料好足， 有齊手作三色芋圓、仙草凍、黑糖珍珠和蜜紅豆， 黑糖糖水底唔會甜度適中， 手工芋圓比坊間的較為大粒，一碗有成十幾廿粒，都幾多， 口感幾煙韌，不過味道就比薄弱， 🌟推薦❗楊枝芋圓甘露（$42） 楊枝甘露食得多， 楊枝甘露同芋圓crossover就第一次試～😂 楊枝甘露嘅芒果汁底好pure好true，香甜可口， 裏面仲有粒粒芒果🥭肉、柚子肉和西米， 加上有手作三色芋圓，咬口十足！ 「手作鮮芋站」 仲可以Whatsapp落單， 九龍城區內買滿$120，或區外買滿$300可以免費送貨， 唔洗用外賣平台比額外嘅運費和服務費。 地址： 手作鮮芋站 (九龍城) 九龍城賈柄達道113號17號舖 營業時間： 星期一至日： 12:00-00:00

台灣水果茶專門店「大苑子」終於登陸尖沙咀啦～☺️ 之前早幾個月已經見到《新假期》嘅預告～ 「大苑子」係台灣開店已經有20年之多，曾在台灣網民票選20大好喝水果茶中獲得第一位！ 「大苑子」主打以新鮮鮮搾天然果汁，製作多款水果茶，100%不含濃縮汁， 其中之一嘅招牌飲品愛文芒果特飲更在去年賣超過400萬杯，可見於「大苑子」台灣人氣極高！😏 飲料選擇都幾多， 有鮮搾台灣水果茶或沙冰、茶類、茶奶類及季節限定等。 不過因為仲係試業嘅關係，所以當日暫時只有5款茶飲。 我地揀左比較refreshing清爽系嘅台灣愛文芒翡翠（$38） 翡翠其實即係綠茶嘅意思，茶味香濃回甘， 加上紅愛文芒果嘅清香， 仲飲到粒粒新鮮芒果果肉，正呀！😎 據聞「大苑子」為咗確保香港店同台灣店品質一樣，仲將台灣水果直運香港！ 更嚴選屏東欉紅愛文芒果🥭，甜度品質要求達12度以上～ 唔怪得之芒果味道咁pure咁true！ 甜度適中，唔會死甜味， 不過果肉份量就唔係好多，但係可以encore嘅！😏 如果之後會有 double 果肉嘅愛文翡翠 Double 就好啦！ 地址： 大苑子 (尖沙咀) 尖沙咀河內道18號K11購物藝術館B1樓B101A號舖 營業時間： 星期一至日： 12:00-22:00

 因為出job嘅關係而第一次去到宏利金融中心， 嘩，原來因為上面係寫字樓關係， 所以呢到就好似一個商場咁，裏面又食肆，又便利店咁， 而其中我地見到間🇯🇵日本菜評語幾好，所以就試下啦！😝 「鶴崎居酒屋」裝潢設計十足十日本居酒屋， 甫入餐廳，便看到牆上陳列着一系列嘅日本清酒， 天花掛着燈籠和紙傘等，甚為日本🇯🇵風！ 仲有可以拉下窗簾嘅箱房雅座， 咁同閨蜜一齊黎悄悄話、談談心都得啦～😂 「鶴崎居酒屋」主打壽司、刺身、爐端燒等日式料理， 餐廳係自助落單，好方便～ 壽司🍣可以散叫，亦都有set～ 我地揀左個比較貴，但食材較豐富嘅特上壽司盛合（$198） 原本應該有齊8件壽司：拖羅、海膽、帆立貝、牡丹蝦、赤貝、鰹魚和日本直送鮮魚兩款， 不過好sad嘅係當晚冇晒帆立貝，但自助落單嘅我地唔知道😞。 不過壽司🍣整體都ok， 海膽比較大瓣，外觀味道較像加拿大海膽， 牡丹蝦爽彈，赤貝鮮甜爽口， 拖羅都幾肥美，鰹魚魚香十足， 不過日本直送鮮魚如果係赤身和熟蝦壽司就有點失望。 🌟推薦❗雲糖壽喜鍋（安格斯牛小排）（$188） 好有gimmick嘅雲糖壽喜鍋， 上枱之前會有個大大嘅棉花糖係鍋上面， 我地仲見到師傅係即叫即整，啱晒打卡！😏 安格斯牛小排有6大塊， 鍋裏面仲有好多蔬菜、豆腐、菇菌等， 不過傳統地跟返隻生雞蛋🥚，蘸牛肉吃，口感會更幼滑！☺️ 🌟推薦❗南蠻炸雞籃（$68） 炸雞即叫即炸，新鮮熱辣， 外皮薄脆，內裏雞肉嫩滑多汁， 蘸上南蠻漬，再配上粒粒蛋黃醬，佐酒一流！☺️ 地址： 鶴崎居酒屋 (觀塘) 觀塘鴻圖道78號宏利金融中心1樓7號舖 營業時間： 星期一至日： 12:00-16:00 ， 18:00-22:00