帶西貢小妹出城記🇭🇰

見到好多 foodie 去「媽咪雞蛋仔」都係食馬介休雞蛋仔， 今次終於鼓起勇氣食一次， 果然有驚喜喎！ 雞蛋仔全部即叫即整，新鮮熱辣出爐， 拎上手嘅時候熱辣辣，正！ 馬介休雞蛋仔（ $32 ） 去澳門成日聽到馬介休， 其實馬介休即係鹽醃鱈魚乾， 本來覺馬介休做雞蛋仔嘅餡好古怪， 但原來都幾夾架喎！ 鹹香味美，值得一試！ 抹茶紅豆雞蛋仔（ $29 ） 其實抹茶同紅豆係幾夾嘅， 不過抹茶味唔算係好濃郁， 紅豆亦唔係好多，有待改善。 叫一底雞蛋仔加配飲品，可當套餐價減 $4 ～ 凍鮮榨檸檬 🍋 茶（ $20 ） 檸檬係鮮榨嘅關係， 所以比一般檸檬 🍋 茶更酸更 refreshing ，解膩一流！ 紅豆冰（ $21 ） 冇諗過紅豆冰係和冰打在一起， 雖然好冰涼，但唔係小編杯茶！ 太冰嘅關係， 所以有點紅豆冰還紅豆冰味， 冰還冰味，有點失望呢。。 地址： 媽咪雞蛋仔 ( 油麻地 ) 油麻地文明里 11-13 號地下 2 號舖 營業時間： 星期一至日： 12:30-00:00

由 2016 幫襯至今，冇一次令我失望過嘅「玫瑰餐廳陳儀興」， 最近見到佢上左蘋果新聞「米芝蓮大廚工廠區開茶記」， 先知原來老闆係前米芝蓮大廚， 唔怪得一直以黎嘅食物都咁有水準，真係失敬失敬。 🙏🏾 作為附近居住嘅街坊， 區內真係冇咩港式茶餐廳係稱得上為好食， 而「玫瑰餐廳陳儀興」一直都係我茶餐廳名單中排名三甲之內， 見到新聞之後，又想心思思黎食過返尋味。 😂 茶記晚市都離不開小菜和火鍋， 不過小編鐘意打邊爐， 而「玫瑰餐廳陳儀興」真係好真材實料， 所以每次黎都係打邊爐。 先黎個好事成雙～ 😏 叫半隻滋補花雕雞煲（ $138 ）就可以 $38 優惠價換購原價 $108 嘅安格斯牛肉（細），抵喎！ 湯底有齊紅棗、杞子、淮山等，花雕酒香濃，香甜暖胃！ 半隻雞浸泡在花雕酒裏面， 雞件肉厚，肉質嫩滑入味。 😋 🌟 推薦 ❗️ 🌟 推薦 ❗️ 安格斯牛肉（細） 份量合理， 牛肉雪花均勻， 涮熟後入口爽嫩多汁，肉味豐腴！ 「玫瑰餐廳陳儀興」大部分火鍋配料都可以雙拼， 倆口子都可以試多幾款野食啦！ 響鈴卷、蟹籽丸（雙拼 $40 ） 響鈴卷即叫即炸， 就咁食得，吸湯食都得！ 蟹籽丸係標準蟹籽丸嘅味道。 鮮豬潤、鮮肉青（雙拼 $50 ） 鮮豬潤厚薄適中，都幾新鮮，口感爽得黎又夠嫩滑。 鮮肉青和平常豬頸肉嘅賣相相似，肥瘦相間， 嚐起來比普通豬頸肉更爽嫩鮮香～ 👍🏻 上次食過「玫瑰餐廳陳儀興」嘅松露墨魚丸（ $98 ）覺得好好食，今次要再 encore ！ 😏 自家製嘅墨魚丸， 仲有粒粒墨魚肉係裏面，口感爽彈，墨魚香十足， 黑松露亦毫不吝嗇，味道香濃， keep 得住水準！ 🌟 推薦 ❗️ 最後要杯火鍋限定嘅大飲特飲， 加 $18 就可以追加原價 $31 嘅特大杯裝汽水， 雖然都只係得一罐汽水， 不過自己倒感覺冇偷工減料。 地址：   玫瑰餐廳陳儀興 ( 新蒲崗 ) 新蒲崗爵祿街 33A-37A 號百勝工廠大廈地下 營業時間： 星期一至六： 07:00-22:30 星期日休

在銅鑼灣行街， 想搵間 cafe 坐低傾下計， 「 HeSheEat 」真係不二之選！ 環境坐得舒適， 食物又係水準之作， 最重要係無時間限制，唔會傾傾下計被人趕走！ 😂 逢星期日至四 18:00-22:00 仲有 dinner combo 供應， $92 起， 叫一個 main 可以追加小食或飲品，抵呀！ 今期個 combo 好吸引～ 😍 係牛油果控嘅口福啦！ 😂 🌟 推薦 ❗️ 牛油果蟹肉牛角包配薯條（ $98 ） 原個香軟嘅牛油果， 加上「 HeSheEat 」嘅招牌蟹肉沙律，再配上蕃茄，呢個配搭好健康～ 配上香脆嘅牛角包，層次感十足， 配菜仲有炸脆嘅薯條和沙律菜，好豐富呀！ 鮮牛肉香草 🌿 燴扁意粉（ $128 ） 香草扁意粉軟硬適中， pesto 醬拌得均勻，味道鹹香， 牛肉熟成度拿捏得不錯，七成熟嘅賣相好吸睛～ 唯口感有點韌。 跟餐 +$25 要左杯原價 $38 士多啤梨奶昔 飲得出真係真材實料， 要用士多啤梨雪糕和鮮奶調配而成先可以做到咁幼滑咁香濃嘅口感， 不過飲完真係好飽！ 😂 嘩，原來而家「 HeSheEat 」多左好多小食選擇，啱晒一大班人 sharing 食！ 😏 🌟 推薦 ❗️ 炸珍寶蟹棒和芝士年糕（ $48 ）配搭一流！ 朱古力迷必試！ 🌟 推薦 ❗️ 朱古力三重奏（ $72 ） 有齊朱古力慕絲雪糕、朱古力心太軟和凍朱古力特飲， 凍朱古力特飲比我想像中濃郁！ 心太軟一如既往地做得出色！ 一切開就見到朱古力軟心緩緩流出來，覺得治癒～ ☺️ 配埋朱古力慕絲雪糕一齊食，冰火交融，正！ 拖肥香蕉配焦糖雪糕厚焗鬆餅（ $58 ） 鬆餅足足 3-4cm 厚，外微脆內軟熟， 配楓糖漿 Haagen-dazs 雲呢拿果仁雪糕一齊食，味道更加夾～ 地址： HeSheEat ( 銅鑼灣 ) 銅鑼灣記利佐治街 2-10 號銅鑼灣地帶 2 樓 201 號舖 營業時間： 星期一至日： 12:30-23:30

在 openrice search 尖沙咀有咩食嘅時候， 總會見到「 CHEF STAGE de Eddy Chu 」呢間西餐廳私房菜名列前茅，好評甚多， 所以今次就帶小妹黎撐枱腳～ ☺️ 餐廳擺滿不少嘅獎項和相關報章雜誌報導， 原來老闆 Eddy 曾於多間五星級酒店和會所擔任總廚， 擅長炮製多國菜、 fusion 菜， 唔怪得呢到咁受歡迎啦！ 餐廳大部分嘅座位用餐時可以見到維多利亞港嘅景色， 所以有好多人都會揀黎呢到慶祝紀念日或生日～ 我地當日見到十枱有八枱都係。 😂 除咗 a la carte 單點之外， 仲有套餐供應， 5 course set dinner 五道菜套餐由 $468 起， 精選二人晚餐 $1488 。 我地叫左一個 5 course set ，之後就散叫其他。 店員知道我地 share 食， 仲主動幫我地將餐湯和小食分兩份，幾貼心！ ☺️ 乳酪鮮蝦芒果沙律 沙律菜配上鮮蝦、芒果、車厘茄、粟米粒，加上乳酪，酸甜開胃～ 黑松露蘑菇湯 好多蘑菇粒，口感豐富，仲帶有啖啖嘅松露香～ 清酒蟹肉日本年糕 年糕沾滿用清酒、蟹肉、忌廉煮成嘅自家製醬汁，入口 creamy ，不錯吃！ Slow Cooked US Beef Rib Eye 慢燒美國牛肉眼（ $578 ） 因為係慢燒嘅關係，本身已經係五成熟， 所以唔洗再揀熟成度架啦！ 😜 牛扒有 2cm 厚，肉質粉嫩， 因為慢煮嘅關係，肉汁鎖住晒係裏面， 腍滑鬆化，肉香味美， 平時食肉眼少不免會遇到肥膏或筋位， 但原來筋位慢煮之後口感軟腍得黎，仲會愈嚼愈香～ 🌟 推薦 ❗️ 套餐可以加 $288 升級享受 seafood platter 海鮮盤（原價 $498 ），幾抵喎！ 有生蠔、鮑魚、日本鮮帶子、鮮蝦和鮮蜆， 配上店家自家製嘅醬汁，味道更上層樓！ 紐西蘭生蠔肥美爽甜，配上檸檬香草汁，少少辣，鮮味更突出～ 磯燒鮑魚軟腍入味， 日本鮮帶子配上冬蔭功沙律醬， 好似食緊泰國菜咁，味道幾新穎有趣！ 大蝦和大蜆蘸咩醬汁都好夾～ 🌟 推薦 ❗️ 呢