通常燒肉放題唔係90就係120分鐘, 但原來尖沙咀iSQUARE竟然有間隱世高質嘅燒肉放題, 可以‼無限時‼️任食🇯🇵日本A5和牛、米澤豚、澳洲和牛,😳 仲有刺身、海鮮、甜品等, 每人有一客Movenpick雪糕, 仲包埋任飲‼️, 價錢都只係$348/位起,另有加一服務費。 每位加$78,仲可以享用埋酒類飲品飲み放題‼️, 有日本清酒🍶、梅酒、柚子酒、紅白酒、啤酒🍺等。 性價比超高!😎 而家仲有個快閃優惠, 星期一至日7:30pm前埋單,最平$268/位就得啦!😳 餐廳環境好闊落,有好多卡座位, 大廳有個蔬菜、前菜小食、飲品、甜品自助區, 其餘肉類🥩等手機落單好方便,食物種類一目了然。👀 🔸刺身 選擇唔算多,不過勝在夠新鮮, 有帆立貝、甜蝦、八爪魚、吞拿魚、三文魚、油甘魚等, 最欣賞油甘魚,新鮮厚切,魚油脂香。 ‼️推薦‼️ 🔹日本和牛西冷、日本和牛肉眼 ‼️推薦‼️ 大理石紋路般嘅油花分布勁靚,入口即化, 肉質柔軟,肉味香濃, 要比較的話, 西冷相對地會有口感啲,肉眼就肥美啲~各有所長~😎 🔸其他肉類如澳洲和牛西冷、和牛肉眼都好正! ‼️推薦‼️ 米澤三元豚西冷及腩片鮮嫩甘香, 小妹最like🍖骨付雞肉腸,小朋友最愛😂 不過略嫌羊鞍有啲臊味,肉質又有啲韌。 🔹海鮮 有蝦、魷魚、帶子等。 🌟必試🌟重量級原隻日本帆立貝(連殼),好大隻,鮮味十足! 食多幾轉已經可以輕鬆回本!😎 🔸炸物如榴槤炸彈、紫心香芋丸,熱辣辣新鮮炸起,美味しい😋 🔹和食 蕃茄湯烏冬 雖然蕃茄味唔係好突出,不過稻庭烏冬口感滑溜。 豆腐雜菜鍋 有我哋最鍾意食嘅葛粉~☺️ 🥗前菜有中華沙律、泡菜、螺肉。 🥬蔬菜自助區有菇類、粟米、菠蘿🍍、翠玉瓜等, 菠蘿超甜,我哋仲encore左好多次~ ‼️推薦‼️ 最欣賞金菇係用獨立錫紙裝,可以自加牛油🧈,都算衛生。 🍢仲有少量熟食如咖喱魚蛋、台式香腸。 🧃飲品最正係有台式鳳梨或荔枝烏龍茶、韓式白提子汁、忌廉梳打等。💕 🧁甜品有多款一口蛋糕、泡芙, 仲有牛奶公司雪糕🍦,韓國🇰🇷蜜瓜🍈、西瓜🍉雪條等, 好玩又好食!👍🏻 地址: 燒肉牛蔵 (尖沙咀) 尖沙咀彌敦道63號iSQUARE國際廣場7樓701號舖 營業時間: 星期一至四:11:30-16:00,17:30-22:00 星期五至日: 11