去竹園搵朋友打麻雀, 就到附近搵食, 無諗過竹園變了這麼多, 街市翻新了, 穿越街市後便發現一間新開嘅連鎖車仔麵 — 「臨記車仔麵 」, 無諗過屋村中竟然有如此不平凡嘅車仔麵檔, 不論湯底、餸菜都相當優秀, 真心要私心推薦比大家! 😏 車仔麵可自選餸菜、湯底、粉麵, 平日裏有五款特色套餐:唐三藏、豬八戒、牛魔王、化骨龍、大隻佬, 款款都有 5-6 款餸, 由 $35 起,價錢相宜, 14:00-17:30 仲有下午茶, 由 $24 起,好抵食喎! 👏🏻😯 湯底有 4 種:傳統湯、咖喱湯、麻辣湯、鮮茄湯, 小編揀左咖哩湯, 香濃惹味,質感濃稠,唔會水溜溜, 麵條也很掛湯, 仲可以額外加秘製辣醬, 辣醬辣得過癮! 😎 咖喱魷魚( $13 ) 炆煮得入味,厚肉爽彈,推薦! 自家製鮮竹卷( $10 )相當特別, 無諗過鮮竹卷可以作為一個車仔麵餸呢! 😂 外皮炸得香脆, 內餡混合了豬肉、蝦、木耳等, 口感和味道豐富,值得一試! 🌟 必試 ❗️ 溏心蛋( $10 ) 超好食,超流心,半熟蛋黃緩緩流出,蛋香十足! 😋 回味豬大腸( $8 ) 厚肉有嚼勁, 洗得乾淨,沒有多餘嘅內臟味。 🌟 必試 ❗️ 秘製豬軟骨( $8 ) 雖然份量只有一件, 但勝在炆煮得軟腍入味, 軟骨位骨膠原感十足,又有口感! 🌟 必試 ❗️ 油炸鬼雞翼( $19/3 隻) 炸皮超脆, 口感和味道真係有種食油炸鬼嘅感覺, 莫非真係用油炸鬼包着雞翼一起炸! 😂 裏面嘅肉質保持嫩滑多汁,好味道! 😋 車仔麵可加 $7 配飲料呢~ 都相當合理呀! 整體來說, 套餐嘅價錢超抵, 雖然逐個餸去點的話,價格就貴多了, 不過可以食晒自己想嘅餸, 再加上每款餸都看得出店家嘅用心, ♥️ 每款餸都有自家調味, 這份別出心裁倒是對得起價格,符合性價比! 絕對要食過返尋味! 😏 地址: 臨記車仔麵 ( 黃大仙 ) 黃大仙竹園道 15 號竹園南邨竹園商場地下 S002 號舖