帶西貢小妹出城記🇭🇰

荃灣友一定唔會唔識「金坊」呢間泰國菜館， 每次去到路德圍， 都會見到好多人排隊等位， 究竟係咪真係咁正！？ 咁就要試下先知啦！ 😏 而家仲做緊優惠， 逢星期一至五 9:30pm 後宵夜優惠，指定菜式有七折優惠，都幾抵！ 不過我地今次黎太早啦，等唔到宵夜先食。 😂😂 齊心抗疫下， 6:00pm 後外賣自取仲可以全單八折， 最正係本身餐廳就免加一，公眾假期就除外。 「金坊」嘅海南雞係最出名， 不過其實燒雞名氣都唔弱架！ 😏 我地叫左半隻（ $98 ），兩個人食就啱啱好， 用明火炭爐燒烤， 外皮燒至微脆， 加上雞皮本身好薄，沒有太多嘅肥膏， 雞件厚肉得黎又夠嫩滑，肉汁豐腴， 蘸上自家製嘅酸辣醬汁，好惹味！ ⭐️ 推薦 ❗️ 小妹最鐘意食豬頸肉， 見到呢度豬頸肉好似燒得好靚咁，就試吓啦！ 果然冇令我地失望！ 😌 燒豬頸肉有兩種口味款式可以揀， 有淨燒和青檸汁燒， 唔想咁滯就要試下青檸汁燒豬頸肉（ $96 ）啦！ ⭐️ 推薦 ❗️ 嘩，豬頸肉堆砌到好似一座山咁，份量好足呀！ 豬頸肉肥美爽嫩，配上酸甜嘅青檸汁，好醒胃！ 仲有超多芽菜墊底，吸晒醬汁嘅精華，咁就冇咁膩啦！ 😏 平時我地倆口子去食泰國菜都係食炒金邊粉， 不過見到呢度嘅炒粉麵都幾多種類可以揀， 所以就試下香辣炒粉絲（ $90 ）， 可以任選一款肉類，雞、牛或豬， 同雞有仇嘅我地揀係揀雞啦！ 😂😂 配料好豐富，有好多時令菜蔬， 雞肉都算嫩滑， 炒粉絲炒得夠乾身，微辣惹味！ 😋 ⭐️ 推薦 ❗️ 馬拉盞炒椰菜苗（ $92 ） 份量都幾多， 馬拉盞炒得幾香幾惹味，不錯吃！ 👍🏻 最後，食完泰國菜梗係飲番個椰青啦！ 地址： 金坊泰國美食 ( 荃灣 ) 荃灣荃興徑 13 號地下 營業時間： 星期一至日： 7:00-2:00

仲記得之前第一次食「鬼金棒」嘅時候係銅鑼灣排隊入去食， 『麻』和『辣』嘅味道幾獨到！ 我諗香港冇咩邊到有咁重口味嘅拉麵 🍜 食架啦！ 😂😂 原來而家尖沙咀都開左分店～ 餐廳有跟足政府嘅食肆人流管制， 進入餐廳前先量度體溫，亦有提供消毒潔手液， 由於而家枱與枱之間最少要有 1.5 米距離， 所以有機會要排隊呀！要耐心等候。 小編就覺得尖沙咀店感覺更親民， 開放式嘅廚房和用餐吧檯完全沒有玻璃屏幕嘅阻隔， 今次師傅終於可以直接出菜啦， 😂😂 仲有日本人店長講好正宗嘅日文歡迎我地， 感覺真係好似返左鄉下咁！ 😌 而家餐廳真係好高科技， 可以用手機 scan QR code 自助落單，快靚正，超方便！ 食麵怕彈到自己件衫， 就可以着店家提供嘅圍裙，咁就唔洗需要擔心啦！ 真係好貼心呀！ ❤️ 店內提供 5 種麻度和辣度嘅拉麵 🍜 ， 由無到鬼增，無論食唔食得辣嘅 foodie 都可以滿足到～ 😏 上次食過特製辣麻味噌拉麵（ $120 ）， 覺得佢嘅特製辣麻味濃郁得黎又有層次，辣得超過癮， 上次因為係初嚐嘅關係， 保守地要左少麻少辣，不過唔係好夠皮， 今次梗係要升級，挑戰下中麻中辣啦！ 小編食開譚仔小辣，中麻中辣就啱啱好啦！ 有兩大件叉燒肉，肥瘦相間， 炆煮得軟腍入味，入口即溶，正！ 😋 配菜仲有玉米筍、豆芽菜， 麵條較一般拉麵粗，有啲似油麵， 口感爽彈有嚼勁，不錯吃！ 味玉半流心，蛋香十足！ 鐘意食菜嘅 foodie 不妨試下玉米筍辣麻味噌拉麵（ $100 ）， 可以食到叉燒之餘， 又有超多玉米筍，足足有十條之多～ 食完辣野，飲杯汽水就 gur 返晒啦！ 😌 食完拉麵仲未夠飽，仲可以追加個飯～ 小編上次食過肉飯，覺得唔夠汁撈飯， 所以今次就揀左肉碎飯（ $35 ）， 果然肉碎係會多啲汁，撈飯食一流！ 😌 地址： 鬼金棒 ( 尖沙咀 ) 尖沙咀金馬倫道 20 號地舖 營業時間： 星期一至日： 11:00-00:00

而家正值疫情嘅時期， 好多餐廳都各色其式， 務求可以吸引多啲食客黎幫襯～ 係 openrice 見到「 The Grill Room 」做緊安格斯牛扒套餐 5 折優惠， 平日 set dinner 二人同四人套餐都有做優惠， 連復活節都要有套餐優惠，真係好抵呀！ 所以就帶小妹黎食撐枱腳～ 最後我地叫左一份套餐同 a la carte 叫左份羊架～ 是日嘅餐湯係忌廉蘑菇湯， 入口 creamy ，菇味都幾濃郁，不錯！ 燒美國安格斯西冷扒配黑松露薯蓉 Angus Sirloin （ 12oz ）（ $378 ） 12oz嘅安格斯西冷扒有足足有1.5cm厚，可見斤兩十足！ 我地order左medium rare， 牛扒賣相呈炭燒格仔紋，外皮仲散發陣陣嘅煙燻香， 熟成度拿捏得還好， 不過切開唔係好夠juicy， 可能係牛扒都唔算太新鮮，但係肉味都算香濃， 附送小pot嘅自家製薯蓉，好精緻！ ☺️ 入口 creamy ，不過黑松露香唔算好突出。 上次食過香草燒羊架配烤蔬菜 Roast Lamb Rack （ Half ）（ $268 ），覺得幾好食， 所以今次要食過返尋味～ ⭐️ 推薦 ❗️ 4 枝羊架，燒至 7 成熟，斤兩十足！ 外皮烤得微脆，裏面嘅肉粉嫩， 肉質都算鮮嫩多汁，羶香味美， 配上香甜嘅醬汁，味道更勝一籌！ 配菜仲有烤得香口嘅薯仔和鮮嫩爽脆嘅 bb 蘆筍。 是日甜品為藍莓芝士蛋糕， 味道比較普通，但不過不失吧！ 地址： The Grill Room ( 尖沙咀 ) 尖沙咀堪富利士道 6-6A 號爵寓 2 樓 營業時間： 星期一至日： 12:00-15:00 ， 18:00-20:15 ， 20:30-23:00

每次想食奶奶麻糬，第一時間就諗起中環嘅「 Check-In Taipei 」， 😂 疫情期間，邊到去唔到， 台灣旅行又取消了， 就去「 Check-In Taipei 」打個卡，止住癮先啦～ 台灣小食點少得蛋餅， 不過「 Check-In Taipei 」嘅蛋餅全部都係好獨特嘅口味， 有日式鰻魚起司玉米、韓風嘅泡菜起司豚肉、泰式嘅冬陰功龍蝦、仲有中式嘅粢飯口味 😂😂 ， 而家仲有墨西哥口味呢！ 泡菜起司豚肉蛋餅（ $68 ） 金黃色嘅蛋餅包着泡菜、豚肉和起司， 加上紫菜絲嘅點綴， 味道配搭得不錯 👍🏻 ！ ⭐️ 推薦 ❗️ 香蒜三色台腸（ $65 ） 由台灣正送嘅香腸，炸得好香口， 份量都算合理，加上炸蒜片更惹味！ 鮮蟹肉麻婆豆腐撈麵（ $148 ） 如果蟹肉嘅賣相係一大團，感覺影相打卡會整齊更好！ 麵條份量好多，兩個人 share 人都得， 麵條口感爽彈， 加上秘製麻婆豆腐醬，鹹香惹味。 ⭐️ 推薦 ❗️ 綠豆沙牛乳（ $48 ） 在香港比較少見嘅台式飲品， 綠豆沙打得好柔滑，又不失口感， 味道濃郁，好有去左台灣夜市掃街嘅感覺～ 係禁酒令實施之前，梗係要盡興下先啦！ 去唔到台灣睇台妹，就飲返杯我愛台妹（ $95 ）～ 以中國普洱茶做 base ， 加埋自家製普洱茶 infused 嘅 gin ，茶味都幾香， 加上荔枝和檸檬汁嘅配搭，幾清新嘅感覺～ 最後登場嘅梗係唔少得奶奶麻糬啦！ ☺️☺️ 期間限定仲有同「 COOKIEDPT 」 crossover 嘅紅絲絨曲奇 🍪 奶奶麻糬， 鐘意食紅絲絨嘅 foodie 有口福啦！ 😏 不過我都係麻麻地紅絲絨， 所以都係食返花生口味最原始～ 麻糬選用日本 4.3 牛奶製作， 食之前將麻糬放係鋪滿花生粉、烤花生碎嘅圓碟上， 用雙筷拉起麻糬，將麻糬沾滿花生碎，再切開一舊舊，咁就食得啦！ 😏 鮮奶麻糬奶香濃郁， 雖然唔係好似糯米做嘅麻糬咁煙韌， 但就多左一種入口即化嘅感覺，口感Ｑ彈幼滑， 麻糬控不可以錯過！ 地址：