帶西貢小妹出城記🇭🇰

  「 Goobne Chicken 」一直以來都係我韓式烤雞名單中首選之一～ 因為咁多年黎，食物質素都保持得好好！ 對比起炸雞， 烤雞經烤焗而不經油炸，就比較健康，味道也相當好， 對於唔係好食炸嘢嘅小編， 覺得烤雞比炸雞更 juicy ，有過之而無不及， 簡直就係 perfect 池！ 👍🏻😏 「 Goobne Chicken 」烤雞口味多不勝數， 如比較大眾化嘅原味、韓式 BBQ 醬、甜辣、蜜糖， 仲有梗係唔少得「 Goobne Chicken 」 嘅 signature— 三重芝士烤雞！ 近年多左好多新口味， 例如鐵板芝士、 UFO 芝士火鍋、蜜糖蒜香…… 而家仲有一次過試晒兩款口味嘅 half & half ， 啱晒選擇困難症嘅 foodie 。 😂 烤雞可以揀有骨或無骨， 不過唔係款款都可以㗎，要留意喔！ 蜜糖和蒜香都係小編最愛嘅口味， 依家仲要兩種口味 merge 埋一齊，梗係要試吓啦～ 🌟 推薦 ❗ 蜜糖蒜香烤雞（ $205 ） 蜜糖 + 醬油嘅烤雞，配上炸脆嘅蒜片， 啱晒重口味嘅 foodie ！ 😋 烤雞即叫即烤，保證熱辣辣，仲熱到辣手！ 🔥 雞件幾厚肉，肉質嫩滑多汁， 不過呢款烤雞嘅蒜味主要來自炸蒜片， 所以如果鍾意蒜味嘅話， 就可以揀返果味醬油蒜香烤雞～ 「 Goobne Chicken 」除咗韓式雞蛋卷好食之外， 其實其他主食都相當唔錯！ 🌟 推薦 ❗ 鐵板芝士炒年糕 （ $165 ） 平時食炒年糕，最怕年糕唔夠熟透， 不過呢度嘅年糕炒得剛好，軟腍煙韌，又不失咬口， 配料仲有魚糕、半熟蛋、韓式泡麵， 配上熱溶、拉絲感十足嘅 Mozzarella cheese ， 芝味十足，微辣惹味，正！ 食炸雞 🍗 ，點可以唔配啤酒呀？ 「 Goobne Chicken 」 而家做緊 draught beer 買二送一，全日供應，抵呀！ 😆 地址： Goobne Chicken (The Hart) ( 尖沙咀 ) 尖沙咀赫德道 4 號 The Hart 2 樓 營業時間： 星期一至日： 12:00-00:00

 喺上環食 5 course 嘅西餐，竟然人均消費唔洗 $300 ？真係嚇到連眼眉都跌埋 😦 ， 仲要食物有返咁上下質素，性價比超高，真係極力推薦！ 👍🏻 我今次係跟上環返工嘅地膽黎， 如果唔係我朋友，我本身應該唔會自己邁出第一步去呢間西餐廳食飯 😂 ， 因為畢竟餐廳名唔係特別吸引我， 不過竟然有個喜出望外嘅體驗！ 😆 位於上環嘅「 Green Orange 」， 店鋪就喺地鐵站隔離，步行一分鐘便可到達，雖然係樓上鋪，但都好容易搵到！ 我哋入座時間大概晚上 7 點，當時都唔算好多人， 但後來未到 8 點就滿座了，估唔到小店都咁爆場！仲要好多食客係訂枱嚟食或者係常客，睇嚟真係好受歡迎喎 👏🏻 ！ 先說說超抵食二人套餐，只是 $498 ，加埋一都唔洗 $275/ 人，真係超值！ 如果會飲酒嘅朋友，加 $58 就可以要杯 cocktail ， 唔飲真係對唔住自己， 中環區飲一杯 cocktail 都要過百， 而家無疑係買一送一，抵！ 👍🏻 身為酒鬼嘅我哋，梗係唔可以錯過啦！ 店家仲可以 custom made ，自己揀想要嘅口味， fruity 、 refreshing 或 strong 都得，身為 gentleman 嘅我，梗係要揀返杯 old fashion 啦， 雖然賣相唔係特別吸引， 但味道卻是相當不錯 ，酒嘅份量也很足！ 雜錦麵包 好欣賞麵包上枱係熱嘅，外脆內軟， 可以蘸橄欖和黑醋來吃。 22 個月黑毛豬凱撒沙律 黑毛豬有 4,5 片，沙律份量適中， 仲有白酒啫喱嘅點綴，味道更清香，令凱撒沙律昇華不少。 南瓜湯 雜菌湯 兩個湯都好出色， 小編就比較鍾意雜菌湯， 因為菇菌香真係好突出！ 🌟 推薦 ❗ 煙燻蟹肉明太子忌廉汁闊條麵 Fettuccine with smoked crab meat and cod roe  cream 雖然其貌不揚，但卻很有內涵～ 有好多蟹肉係裏面， 每條闊條麵都沾滿啖啖蟹肉， 適量嘅明太子亦不會蓋過蟹肉嘅鮮香，好好食 😋 ！ 🌟 推薦 ❗ 美國頂級安格斯西冷牛扒   US Prime Angus Sirloin Steak 西冷牛扒火候拿捏得剛好， 大廚仲事先幫我地切好牛扒， Medium rare 嘅西冷表面煎得

  上次黎過「 Coti the Bistro 」食 lunch ， 今次就再黎食 dinner 先～ 不過而家門外比上次仲少左個餐牌係門口， 真係越嚟越難察覺到呢間係餐廳…… 😂 「 Coti the Bistro 」 嘅 lunch 或 dinner menu 款式和價格相若，最平 $78 起， 咁其實都幾抵呀！因為通常 dinner 會貴過 lunch ga ma 😆 另外，仲有一個較為豐富嘅一人餐， 有 4 個 course ，有是日餐湯及沙律、主菜、薯條 🍟 、甜品，仲包一杯飲品， $218 ，大胃王就啱晒啦！ 😂 不過我同小妹都冇咁大食， 所以只係嗌咗兩個套餐， 套餐可配是日餐湯及蒜蓉包， 是日餐湯為雜菜湯，味道不過不失啦！ 上次食過手撕蟹肉牛油果他他覺得好正，本來今次想食過返尋味，點知夜晚已經賣晒啦！ 所以唯有試下其他啦。 慢煮烤雞配霹靂葡汁、雜錦沙律（ $108 ） 烤雞都幾大隻，仲要好厚肉喎！ 😳 慢煮令雞肉熟成度剛好，肉質保持嫩滑多汁，配上源自於葡萄牙的霹靂霹靂醬汁 Piri Piri Sauce ， 食落辣辣地，幾惹味！ 上次食過羊膝覺得好好食，今次梗係要再 encore la ！ 😏 法式燉煮羊膝（ $128 ） 羊膝同上次一樣都係咁大份，不過意粉就少咗，因為上次真係太大份啦，兩個人都食唔晒，今次就係一個人嘅份量～ 羊膝味道一啲都唔會羶， 肉質炆煮得腍滑入味，柔軟多汁， 配飯或意粉都適合，如果可以選配薯菜便更好！ 烤棉花糖朱古力（ $58 ） 棉花糖燒至外脆內軟， 底下配以曲奇餅底，再加上朱古力醬的點綴， 鍾意食棉花糖嘅 foodie 可以一試喔！ 上次飲咗呢度嘅咖啡覺得唔錯，今次就試吓果茶啦！ 果皮冰糖檸檬 🍋 冷泡茶（ $36 ） 陳皮冰糖燉檸檬飲得多，冷泡茶就第一次試， 不過感覺幾健康，值得一試！ 😆 鍾意飲香甜味道嘅蜜桃茶（ $36 ）就最適合不過。 地址： Coti the Bistro ( 新蒲崗 ) 新蒲崗五芳街 31-33 號永顯工廠大廈地下 C 號舖 營業時間： 星期一至五： 8:00-21:00 星期六、日： 11:30-21:00