帶西貢小妹出城記🇭🇰

 講起蕃茄🍅濃湯，一定要試下「蕃茄仔」～ 「蕃茄仔」嘅蕃茄湯底以新鮮蕃茄熬出來， 加上豬骨、洋葱、西芹等，茄湯鹹甜適中，濃稠健康！☺️ 配料選擇多，豬、牛、雞、鴨、魚都有， 而且仲可以要套餐，包小食、湯麵、飲品、甜品。 Scan QR code 落單好方便～ 特級牛魔王 有特級安格斯牛肩胛、慢火澳洲和牛𦟌、和牛肉丸、牛骨髓， 牛肩胛肉質細嫩； 牛𦟌肉味濃郁，肉中間帶幼筋，口感十足！ 牛丸口感爽彈，肉汁豐富； 最欣賞係牛骨髓，牛味十足！😎 加$8轉做烏冬，口感爽彈。 另外仲加咗隻65℃有機溫泉蛋（+$12），配蕃茄湯底，perfect match！🤤 忌廉蟹肉薯餅 一客有兩件，外皮炸得金黃香脆，裏面塞進滿滿蟹肉忌廉，不錯吃！👍🏻 甜品係提拉米蘇，雖然賣相平平無奇，但味道非常好！😳酒味香濃，估唔到咁好食！ 飲品有汽水、花茶、冷泡茶， 汽水就唔使額外再加錢。 大滿足豚三寶（$96） 豚三寶有豚肉片、豬扒、豬軟骨， 豬軟骨炆得軟冧入味；豬扒有半塊，切開有4件，肉質鬆軟唔嚡口， 豚肉片用上梅頭肉，肉質柔軟多汁，肉香味美； 加$6轉葛絲， 葛絲來自日本🇯🇵，口感超煙韌！🤤掛湯力驚人！😳 每一條葛絲都吸晒蕃茄🍅濃湯，超正！ 鍾意食粉絲嘅，一定試下葛絲！😏 不過食葛絲，啲湯會冇得好快，因為被葛絲吸晒，😂 但店家好好，佢見到我冇晒啲湯，仲幫我加多碗湯添～😎 媽媽紫菜豬肉餃（+$24） 一份有三隻，皮薄，紫菜香十足。 地址： 蕃茄仔 (新蒲崗) 新蒲崗太子道東638號Mikiki LG層7A號舖 營業時間： 星期一至日： 11:30-21:00

 九龍城唔止泰國菜出名， 其實仲有其他好野食～😏 今次我哋去咗1996年創立嘅「新城潮州飯店」，開業至今27年，係區內嘅潮州菜老字號， 以招牌反沙芋和糖醋麵而聞名， 平民小店格局，入夜後座無虛席。 潮州春菜（$58） 傳統潮州春菜，與腩肉同煮， 春菜味道獨特，帶少許甘澀， 剛好中和一下五花腩嘅潤感，加上腩肉肥瘦適中，配白粥或佐飯皆宜。☺️ 韭菜豬紅（$58） 豬紅鮮香嫩滑無腥味，不過韭菜份量就比較少。 花生豬手（$68） 一碟份量都唔少，豬手炆得鬆化，味道香甜味美，不錯吃！ 食潮州菜，梗係要食滷水鵝！ ⭐️推薦❗ 潮州滷水鵝 （$98/例） 用嘅滷水係幾十年嘅滷水膽， 鵝肉吸收了滷湯的日月精華，肉嫩入味。😋 ⭐️推薦❗ 馳名蠔仔餅（$88） 蠔餅以半煎炸炮製， 蠔餅外層香脆不膩，內裏保持軟綿， 採用大粒珍珠蠔，蠔味香濃，軟硬適中，唔會一夾就散。 椒鹽瀨尿蝦（時價） 有差不多半隻手臂咁大，肉質肥美， 打冷點少得啤酒🍻～ 呢度嘅啤酒價錢合理， 青島都只係$25/大支裝，抵！😎👍🏻 地址： 新城潮州飯店 (九龍城) 九龍城衙前塱道30號地下 營業時間： 星期一至日： 18:00-4:00

去完D2 Place行市集， 見到附近有間新開嘅西餐廳， 主打採用石爐烤焗特色手工30吋長薄餅🍕，😳就即管試吓～😏 餐廳以粉藍色和米白色為主調，樓底高，帶歐陸風情，環境舒適寬敞。 ⭐️推薦❗ 焗金文拔芝士（素） Baked Camembert（$138） 芝士淋上蒜香蜜糖，味道香甜芝味， 加上山核桃一齊食更添口感， 配上酸種包一齊食都好夾，好正！😎 如果有多兩塊包就好！😂 烤斧頭豬扒Pork Tomahawk（$298） 烤斧頭豬扒上塗上厚厚一層辣肉腸醬，微辣惹味！ 斧頭豬扒超厚肉，有成5-6cm厚，斤量十足！ 配上忌廉菠菜拌蒜香蜜糖汁，好食又解膩。 終於到主角出場啦～ Pizza 有中或大size，分別係15”和30”， ⭐️推薦❗愛鹹豬薄餅 Meat Lover 15” Medium Pizza（$198） 每張枱都有刻度供食客量度參考，😂 15吋好誇張，足夠三至四人食😂， 自家製薄餅好鬆軟，材料亦很豐富， 有肉丸、火腿、意大利辣肉腸、巴馬火腿、煙燻水牛芝士、車打芝士等， 真係全部都係肉同芝士，名副其實meat lover🥰。 ⭐️推薦❗榛子朱古力醬香蕉薄餅 Banana Nutella Pizza（$88） 原來甜品嘅薄餅同pizza係同一款！😳 所以口感好鬆軟又煙韌， 淋上榛子朱古力醬，perfect match！ 飲品款式多， 有生啤、樽裝啤酒及蘋果酒、Sangria、紅白酒、ROSÉ、Sparkling Wine、以Prosecco為主題嘅Cocktails。 我地唔鍾意太甜，所以就叫左兩杯refreshing嘅Bubbly Mojito（$88）， Prosecco配上Rum，加上薄荷葉和青檸，清新解渴。😏 地址： The Pizza Pig (荔枝角) 荔枝角長順街15號D2 Place二期地下G02號舗 營業時間： 星期一至日： 12:00-22:00

 見到佐敦新開左間車仔麵—「將神車仔麵」， 覺得餐廳裝潢簡單乾淨企理， 見到又做緊優惠， 凡2:30pm後惠顧套餐就有88折， 就諗住試吓啦～😏 個人黎講覺得套餐幾抵食， 最平$48就有5個餸， 比起散叫$10起/餸更抵！😎 ⭐️推薦❗將神招牌八寶（$58） 有豬腸、豬皮、豬紅、咖哩陳皮魚蛋、瑞士雞翼、糖心蛋、蘿蔔、辣魷魚，款式多，份量足！👍🏻 個人最欣賞雞翼，大大隻，厚肉入味； 糖心蛋夠流心，蛋香十足，如果有全隻就更好！😂 豬紅口感嫩滑，蘿蔔夠甜，陳皮魚蛋有咬口， 湯底要左沙嗲濃汁，加左成匙羹嘅沙嗲醬，味道香濃惹味～ 加咗$3將麵底轉做讚岐烏冬，口感滑溜煙韌。 小妹另外散叫左個車仔麵， 麵底本身跟韭菜、芽菜， 加左生菜（$10）、墨魚腐皮卷（$12）、美味酸齋（$12）、秘製牛腩（$14）、滷水腩片（$14）， 湯底要咗腩汁，不過唔係好夠濃味， 可以加辣菜脯一齊食，更添惹味。 個人比較推薦墨魚腐皮卷和滷水腩片， 自家製墨魚腐皮卷$12有一大條，有粒粒墨魚肉係裏面，口感十足！ 滷水腩片紅白相間，滷得幾入味。 酸齋唔係好夠酸，不過因為炸過，所以口感幾好。 跟餐更可以半價追加小食和飲品～ 凍檸賓都只係加$12。 炸鮮蝦雲吞（$32/4粒） 即叫即炸，香脆可口，餡料足，味道不錯，值得一試！ 地址： 將神車仔麵 (佐敦) 佐敦上海街13號地舖 營業時間： 星期一至六：11:00-21:00 星期日休息