帶西貢小妹出城記🇭🇰

 「美味棧」小卷花膠 + 紅燒鮑魚 + 極品椎茸 = 家的感覺～ ☺️☺️ 之前係網上平台見到「美味棧」而家搞埋網店， 疫情之下唔洗親身去採購同拎返屋企， 就咁坐喺屋企等送上門，夠晒方便啦！ 😏 而家買 $400 仲可以免運費！ 👏🏻 小卷花膠（ 454 克）（ $140 ） 唔好以為 454 克好少， 其實浸發之後好大塊，又厚身，有成隻手掌 ✋🏻 咁大！ 花膠含豐富膠質及蛋白質， 入口腍溜彈牙， 簡直係廉價珍品，性價比高！ ♥️ 極品椎茸 ( 直徑 4-5cm) （ $58 ） 椎茸為冬菇嘅品種其中之一， 含豐富蛋白質、氨基酸、碳水化合物及礦物質，營養價值高！ 菇味濃郁，口感夠爽身！ （題外話， 🐱 麻薯さん，你係到做緊咩呀？ 呢罐唔係你食開嘅罐罐喎，唔洗咁肉緊喎！） 紅燒鮑魚 (4 隻裝 ) （ $78 ） 一罐有 4 隻，都幾大隻， 開蓋加熱就食得，好方便！ 👏🏻 鮑魚肉質爽彈， 紅燒鮑魚係用真材實料熬出來， 淨返嘅濃縮高湯唔好嘥！ 我仲拎左佢啲鮑汁去煮花膠和椎茸～ 😏 好多打工仔都唔得閒煲湯飲， 不過而家有好多即飲湯包，咁就可以補補身啦！ 最近天氣開始轉涼，飲健脾開胃、去濕消腫嘅胡椒豬肚燉雞湯 ( 即飲湯 ) （ $40 ）就啱晒啦！ 將湯包放熱水加熱或將湯料倒入微波爐加熱即可食用～ 一包有好大碗， 而且好足料，有雞肉、豬肚、腐竹、胡椒根、杞子等， 豬肚燘得軟嫩又不失口感， 湯頭微辣香濃，胡椒香十足，飲完好暖身～ 由即日起至 11 月 13 日，於美味棧網店消費滿 $400 即免運貨 詳情 : https://bit.ly/3mBnxHc U Blog Facebook  美味棧 Facebook  美味棧 Instagram

 講起深井， 相信不少人嘅第一個反應就會聯想到深井燒鵝， 不過有幾多人會專誠走入深井食燒鵝？ 但係而家唔洗山長水遠入深井啦！ 超過 60 年歷史嘅深井老字號裕記燒鵝「裕記大飯店」， 原來在尖沙咀開左間年輕化嘅新副線 — 「裕．鵝莊」。 黎得「裕．鵝莊」，梗係要食深井燒鵝啦！ 燒鵝可原隻上， 亦都有半隻 / 例牌 / 下庄等選擇， 2-3 人一份例牌燒鵝供享用，餐廳會隨機供應上庄（鵝胸）或下庄（鵝髀）。 製作方法跟深井總店一樣， 燒鵝選用約 90 日大（重 9.5 斤）嘅清遠黑鬃鵝， 以數十載獨特嘅炭燒烤法經驗， 明爐烈火烤製， 做到色、香、味俱全。 先講燒鵝有幾正！ 🌟 推薦 ❗ 炭燒燒鵝 下庄（鵝髀）（ $190 ） 原隻鵝髀上陣！ 鵝髀肉質肥美嫩滑，肉味濃郁， 脂肪經明火燒製後逼出油份， 皮脆甘香，第一次小編會連皮食！真係好正！ 😂 我地仲叫左兩個小食～ 🌟 推薦 ❗ 滷水鵝肝配意大利黑醋（ $68 ） $68 有三個鵝肝，價錢都算合理， 鵝肝滷得幾入味， 雖說係意大利黑醋，但一啲都唔酸，反而似係濃調嘅滷水汁，蘸着吃更惹味！ 🌟 推薦 ❗ 豉油皇灼鵝腸（ $138 ） 份量都算幾多， 而且鵝腸好肥美爽口，又好掛汁，正！ 金柱伴秋葵（ $48 ） 雖然話係凍小食， 但其實上枱嘅時候仲係暖，秋葵未鎮得夠凍， 不過味道係唔錯， 配上炸過嘅金柱，感覺矜貴～ 地址： 裕鵝莊 ( 尖沙咀 ) 尖沙咀亞士厘道 37 號九龍中心地下 C 號舖 營業時間： 星期一至日： 11:00-23:00

想開間房同伴侶或者朋友 gathering 下？ 一定要試下薈賢居「打氣加油」住宿套餐，大家一齊加加油 💪🏾 ！ 😏 Package includes: 🌟 6 支免費少爺啤手工啤酒及迎賓小食 🌟 於 1 樓酒店大堂全日免費享用鮮製咖啡 🌟 於 1 樓酒店大堂全日免費使用 MacBook 電腦 📌 訂房前先登記成為 Vivva 會員，仲有訂房優惠，仲可以延遲退房至 1pm ！ 會員在官網訂購才有以上 package ～ ⚖️ CP ： 8/10 ✔ 價錢算幾抵，包埋 6 支啤酒同小食 非會員：平日 $473 起，星期五六日 $545 起，不含加一服務費 Vivva 會員：平日 $459 起，星期五六日 $531 起，不含加一服務費 小編係慳得 $1 得 $1 ， $14 食到兩串魚蛋架啦，梗係做會員抵啲啦 😂 Location ： 7/10 ✔️ 地理位置好方便，在旺角及太子的中心點，鄰近港鐵旺角站 A1 出口 Cleanliness ： 7/10   Facilities ： 7/10 ✔️ 房間有無線充電器和藍牙音響提供，唔記得帶充電線都得，得左！ ✔ in-room dining 都幾方便，有枱有 sofa Services ： 10/10 ✔️ 酒店職員好 nice ，見到我哋係會員，仲免費幫我地升級至 corner 房（大啲架！） 整體來說， 平時買 6 支少爺啤手工啤酒都要百幾蚊啦！ 而家包埋，仲要 $600 有找，簡直係平價之選！ 地址： 香港旺角薈賢居 - 如心酒店集團管理 (Lodgewood by L'hotel Mongkok Hong Kong)

  講開食牛扒套餐， 大家對「 La Vache! 」或「 Top Blade Steak Lab 」應該不會陌生， 但原來灣仔新開左一間樓上扒房， 都係提供單一牛扒套餐，每位只需 $298 ， 選用美國 🇺🇸 1855 黑安格斯肉眼牛扒，相等於 U.S. Prime 等級， 由美國空運到港， 嘩，咁正，梗係要帶西貢小妹去撐枱腳啦！ 餐廳環境唔算好大， 不過勝在裝潢華麗，四周以酒架作陳列裝飾， 加上燈光效果，營造出浪漫氣氛～ 落完單之後就會送上餐包和沙律～ 餐包上枱前早已開邊方便食用， 欣賞餐包新鮮熱辣出爐！ 😎 面頭金黃微脆，內裏軟熟， 第一次食餐包配以餐廳自家製嘅肉桂牛油和鹽，味道幾特別～值得一試！ 😏 沙律菜配搭自家調配嘅蛋黃醬很醒胃！ 加上脆麵包粒和 1/4 隻半熟蛋嘅點綴， 感覺比其他扒房餐廳更高 lv ！ 牛扒可自選生熟度和配搭醬汁， 有洋蔥汁、黑椒汁和餐廳自家製嘅辣醬。 Main course 8oz 1855 黑安格斯肉眼牛扒 Size 有一隻手掌咁大，有 1-1.5cm 厚， 網狀烤紋很吸引呢！ 😍 Medium rare 熟成度算係拿捏得不錯， 肉香味美，肉汁都算豐富，不錯吃！ 黑椒汁感覺好似 KFC 蘑菇飯嘅醬汁，其實係幾好味嘅！ 😂 不過洋蔥汁就更驚喜！ 感覺好 fresh ，真係似自家烹調個種。 任食薯條 🍟 係比較幼身個種， 即叫即炸，保証脆口！ 套餐唔包飲品嘅， 難得咁啱遇上 6pm-8pm 嘅 Happy Hour ，梗係要 chill chill 佢～ Moo Moo’s Margarita （ NH$98 ， HH$65 ） 第一次飲 Margarita 會有 cream 係面， 仲要係橘子 🍊 和柑橘造嘅 cream ， 飲嘅時候就好似奶蓋咁， 加上杏桃味嘅 liqueur ，味道香甜，容易入口。 地址： La Moo Moo' s Steak and Fries ( 灣仔 ) 灣仔軒尼詩道 239 號 18 樓 營業時間： 星期一至日： 12:00-14:30 ， 17:30-21:30

  小妹最鍾意食 🇯🇵 日本菜，男朋友梗係識做啦～ 平時連鎖壽司店食得多， 今次就試下以卷物聞名嘅「古今」啦！ 之前在 ig 見到啲 foodie 推薦， bookmarked 左好耐～ 😜 餐廳裝潢和日本居酒屋相若， 菜式和居酒屋相近， 除咗主打嘅壽司 🍣 卷物外， 還有天婦羅、串燒、鍋物等。 胡麻豆腐沙律 原磚豆腐、沙律菜， 配上香甜嘅日式芝麻醬，加上魚籽嘅點綴，簡單又好味 😋 ！ 雜錦天婦羅 🍤 （ $58 ） 有日本 🇯🇵 蕃薯仔、茄子、蝦和香菇， 炸皮薄而脆，不錯吃！ 呢到嘅卷物配搭新穎，取名有趣， 有鼎鼎大名嘅日本富士山、火山， 仲有意想不到嘅忘不了你、午夜牛郎、忍者雙辣等， 係咩配搭真係估佢唔到！ 午夜牛郎 以為叫做牛郎就會有牛肉係裏面？ 原 來唔係牛肉，而係牛油果， 😂😂 呢款係炸左嘅反卷， 外層炸得和吉列豬排一樣，相當香口， 配上軟滑嘅三文魚和芝士，外脆內軟， 作為卷物，都算係幾新穎嘅口感～ 蜘蛛 唔通蜘蛛卷又有蜘蛛係裏面咩？ 😂 原來所謂嘅蜘蛛， 裏面有軟殼蟹、青瓜、牛油果和蟹柳， 唔通卷物取其名為蜘蛛，係以軟殼蟹作比喻？ 不過軟殼蟹配牛油果，青瓜配蟹柳，確實係無懈可擊嘅配搭！ 地址： 古今 ( 銅鑼灣 ) 銅鑼灣軒尼詩道 525 號澳門逸園中心 21 樓 營業時間： 星期一至日： 12:00-16:00 ， 18:00-23:00