講起 wasabi 手撕雞嘅始祖, 一定會諗起沙田禾輋「陳根記」, 因為呢道招牌菜真係深入民心, 好食到小編曾經好幾次專登入去禾輋食。 不過而家唔使去咁遠啦, 因為喺大埔墟地鐵站附近, 就開咗一間分店 「饑落亭」, 用左老闆兒子嘅名字嘅諧音取名, 亦有「肚餓就落亭食飯」嘅意思~ 😂😂 由大牌檔轉到店鋪會都冇特別加價, 只係多左收加一服務費,真係好有人情味! 🌟 推薦 ❗️ wasabi 蟹籽手撕雞(例牌)( $90 ) 嘩,例牌都好大碟喎! 😯 有手撕雞肉、海蜇、火腿、青瓜、蟹籽, 好豐富! ☺️ 手撕雞肉嫩滑, 海蜇、青瓜爽脆, 卜卜脆嘅蟹籽更添口感, 加上特調嘅 wasabi 醬,香辣惹味。 😋 不過而家除咗 wasabi 手撕雞外, 仲有好多同樣 wasabi 風味嘅菜式, wasabi 廣島蠔、 wasabi 沙拉醬燒骨、 wasabi 沙拉蝦球等, 真係 wasabi ,全部都係 wasabi ! 😂 有機會下次試下。 鴛鴦椒炆䱽魚( $92 ) 䱽魚好大條,係炆煮之前煎封過, 將魚嘅肉汁鎖住, 加上青椒紅椒汁微辣惹味,不錯吃! 🌟 推薦 ❗️ 金銀蛋浸時菜( $68 ) 上湯加上皮蛋、咸蛋,配上菠菜, 菠菜好清甜,鹹香味美。 🌟 推薦 ❗️ 西檸軟雞( $80 ) 無骨雞扒外皮炸得香脆可口, 新鮮炸好熱辣辣,炸皮夠薄,雞扒肉嫩滑, 沾上酸香嘅西檸汁,送飯一流! 😋 所以我就點左碗臘味糯米飯( $18 ) 糯米飯大大碗, 好足料,好多臘味,好惹味。 👍🏻 🌟 推薦 ❗️ 店家仲做緊倒瀉籮蟹大贈送, 每張單只要夠 $320 ,就可以加 $1 有凍蟹一隻或乳鴿一隻, 乳鴿即叫即燒, 熱辣辣,肉香多汁,好味道,小妹激讚! 🌟 推薦 ❗️ 地址: 饑落亭 ( 大埔 ) 大埔大明里 12 號儲金閣地下 12-14 號舖 營業時間: 星期一至日: 11:30-16:30 、 17:30-01:0