小編好少何去到銅鑼灣出job，所以我就跟住銅鑼灣地膽同事去左time squares食好西！ 冇諗過時代廣場都可以食到性價比咁高嘅星馬菜！😳 食物味道有水準，價錢又合理， 唔怪得同事佢哋成日黎lunch，當左呢度係飯堂啦～😂 「花漾」不論係餐廳名或裝修，都好難令人聯想到係食星馬菜，😂 路過嘅時候見到佢嘅裝潢係好grand， 唔睇真啲仲以為會係食高級嘅西餐。😂 不過呢度嘅主食都係$82起，係銅鑼灣黎講算係咁啦！ 呢度有口罩圖同埋消毒濕紙巾提供！ 座位亦都有適當嘅距離，或隔板，保證食得安心！ 🌟推薦❗️海南雞飯拼白胡椒肉骨茶（$128） 白胡椒肉骨茶好足料！ 又有排骨又有豬肚，飲落熱辣辣暖笠笠，微辣暖身☺️👍🏻， 另外，海南雞例牌好大份！ 雞肉嫩滑，雞皮又夠爽滑， 肉厚零脂肪，即使係雞胸都絲毫不嚡， 旁邊配上三款秘製醬汁： 新加坡黑醬油、辣椒醬和蒜醬， 蘸上雞肉更加惹味！😋 不過其實唔蘸任何醬汁，都夠晒雞味！😂 平時食炒通菜炒椰菜苗多數都係食馬拉盞居多， 不過「花漾」竟然有得揀用蝦頭膏炒！😳未食已經覺得會好惹味！ 🌟推薦❗️蝦頭膏炒椰菜苗（$82） 椰菜苗份量合理，嫩綠爽脆！😋 🌟推薦❗️參峇醬燒豬頸肉（$96） 豬頸肉好大塊， 厚切肥美，肉質爽嫩多汁， 配上酸甜醬汁，好醒胃！ 🌟推薦❗️半熟蛋配㗎吔多士（$52） 跟馬來西亞一樣，用麥包做多士，正宗又健康， 多士烘得香脆，配上㗎吔醬和鮮牛油，甜中帶鹹， 再配上兩顆半熟蛋，香滑無比！ 地址： 花漾 (銅鑼灣) 銅鑼灣勿地臣街1號時代廣場6樓625-626號舖 營業時間： 星期一至五：11:00-22:00 星期六、日： 11:00-21:30