帶西貢小妹出城記🇭🇰

之前喺荃灣如心廣場見到呢間餐廳已經好想試， 原來佢而家開左係K11 Musea basement， 九龍人都有口福啦！😊💕 食店以簡約木系裝潢，灰白色、木色為主調，幾有文青feel～ 餐廳主要供應台式麵食、小食、飲品。 ⭐️推薦❗半筋半肉麵（$86） 有3款湯底口味可選擇：紅燒、麻香、蔥燒， 仲可以挑選搭配陽春麵或台灣刀削麵， 小編揀咗紅燒湯底， 紅燒湯底香濃，帶有少許中藥嘅甘醇， 牛腱肉和牛筋大大件，每款有3-4件，份量十足！滷得軟腍入味。😋 刀削麵口感嫩滑爽彈，薄薄的食落有太大罪惡感。😂 家常焢肉拌麵（$80） 焢肉以冰糖、甘蔗及滷汁等滷至入味，味道香甜味美， 仲有原隻滷蛋、原條玉筍做配菜，係台灣嘅味道～ 陽春麵淋上了焢肉滷汁，鹹香味濃～ 不過一定要趁熱即刻食，如果唔係就會黐埋一舊舊。🤭 ⭐️推薦❗最佳拍檔（$68） 即係鹽酥雞排台灣香腸， 雞排炸皮夠薄，裏面肉質厚肉多汁， 台灣香腸肉香惹味。 所有嘅奶茶類嘅台式飲品都有熱有凍， 並採用明治鮮奶調配而成～☺️ 我地叫左兩杯熱飲，都勁大杯，好抵飲！ 紅豆🫘奶茶（$30） 紅豆綿密，份量適中，唔會太甜。 烏龍珍珠奶茶（$30） 烏龍茶底夠香濃，鮮奶唔會蓋過茶香👍🏻，味道清香，不過珍珠有啲腍。 地址： 饞。台式食堂 (尖沙咀) 尖沙咀梳士巴利道18號Victoria Dockside K11 MuseaB2樓201號舖 營業時間： 星期一至日： 11:30-21:00

 大角咀真係越嚟越多好野食！🥰 上次上完yoga之後，見到有間西餐廳🍴—「RuRu Tapas Restaurant 」係附近，睇落幾好，就入去試下啦，果然唔錯喎！😎 ⭐️推薦❗金槍魚他他Tuna Tarter（$168） 平時啲他他就只係切粒，然後一層層疊上去， 不過呢度嘅金槍魚他他比較特別， 金槍魚切粒，用青瓜粒、自家製微辣惹味嘅醬汁預先拌勻和調味， 面頭再用油浸鯷魚圍住，賣相更精美，味道更豐富！ 金槍魚肉嫩無筋，鮮甜味美， 配上火箭菜、法包🥖一齊食，好開胃！ 西班牙辣椒仔 Padrón Peppers （$88） 雖然叫做辣椒仔，其實係唔辣嘅！😂 辣椒仔係西班牙嘅經典小食， 只係用上海鹽簡單嘅調味，襯托出辣椒仔嘅鮮甜，佐酒一流！ ⭐️推薦❗紅蝦意大利麵 Red Prawn Pasta（$188） 每條意粉掛滿紅蝦汁， 加上籚筍、蕃茄仔、彩椒等，更添口感。 紅蝦雖然唔係好大隻，但勝在肉質鮮甜。 ⭐️推薦❗西班牙燒乳豬 Spanish Roast Suckling Pig (Cochinillo Asado) （$288/Reg） Regular份量兩三個人share都夠食， 乳豬幾厚肉，肉質嫩滑多汁，肉香味美， 配上蘋果蓉，味道更清香！☺️ 順帶一提， 半隻燒乳豬係會原整乳豬半隻連頭上枱，勁chill！😎下次有機會同多啲朋友一齊黎試下。 Hennessy Sunset（$98） Hennessy V.S.O.P 加上青檸汁和梳打水，味道香濃清新， 龍舌蘭蜜嘅點綴完美呈現出sunset嘅感覺～😌 Around the World（$98） 比起Long Island Iced Tea 中的4大基酒：Rum、Gin、Vodka、Tequila， 仲加埋Brandy、Whisky， 因為溝埋青檸汁、菠蘿汁， 酒勁強，但好易入口。 📝Openrice而家做緊全日訂座優惠～😳 8:45pm前主餐牌85折 8:45pm 後主餐牌 8 折 地址:   RuRu Tapas Restaurant (大角咀) 大角咀杉樹街11號德安樓地下1號舖 營業時間： 星期一至五：16:00-2:00 星期六：12:00-2:00 星期日及公眾假期： 12:00-22:00

有日同朋友係尖沙咀想食🇹🇭泰國菜， 就見到海港城原來開左間Nara Thai Cuisine 嘅姊妹品牌「Lady Nara」， Nara Thai Cuisine 連續十年被選為最佳泰國食府，名聲甚大， 可想而知「Lady Nara」應該都有返咁上下質素。😏 每枱都會有碟蝦餅（$15）作餐前小食。 ⭐️推薦❗香脆蝦餅（$68 /3件） 蝦餅即叫即炸，熱辣辣，香口爽彈，蘸上酸辣醬勁惹味，必試！ ⭐️推薦❗泰式豬肉炒河粉（$118） 寬河粉薄而煙韌，炒得又夠鑊氣，豬肉唔嚡，正！😎 加啲糖、辣椒粉撈埋一齊食，味道夠正宗！ ⭐️推薦❗泰式鴛鴦豬手（$238） 一豬手兩味，滷水和脆炸， 秘製滷豬手滷得入味，炆得軟腍嫩滑， 配上泰式香蒜辣汁，感覺一啲都唔油膩！ 燒豬手外皮燒得香脆可口， 肉質保持嫩滑多汁，蘸上泰式酸子醬，微辣惹味！ 泰式鹹魚炒芥蘭（$88） 芥蘭比較老，不過味道還可。 地址： Lady Nara (尖沙咀) 尖沙咀廣東道3-27號海港城港威商場3樓3303號舖 營業時間： 星期一至日： 11:30-22:00

外國朋友話好掛住係英國🇬🇧唐人街食嘅中菜， 所以上網research完之後，就帶左佢黎位於上環嘅「1908bc British Chinese」～ 顧名思義，British Chinese就好比老闆娘從英國回流香港， 而1908bc靈感源自於英國🇬🇧第一間中菜館在1908年開業。 1908bc給人一種高級私房菜的感覺～ 門口嘅孔雀畫🦚氣勢富麗豪放， 餐廳裝修華麗優雅，中西融合， 加上昏暗浪漫嘅燈光，令人倍感舒適， 不過價錢上卻比私房菜平易近人。 餐廳主打西式中菜， 外國人比較鍾意食香口野，所以有多菜式都偏向香口/酥炸。 ⭐️推薦❗香酥鴨跟薄餅Crispy Aromatic Shredded Duck（$200）其實係片皮鴨嘅變奏版， 香酥鴨油炸後手撕成一絲絲，皮脆肉酥，乾身得黎又有口感， 用薄而煙靭嘅餅皮包着青瓜條、京蔥、海鮮醬一齊食，外國朋友超like！😋 ⭐️推薦❗豬腩肉割包Belly Pork Bao（$140） 割包即是「刈包」，意思和讀音都是「割」，顧名思義即是割開一半的包；是台灣著名小食， 半圓形刈包甘香鬆軟，夾入豬腩肉、韓國泡菜等餡料，惹味juicy！ ⭐️推薦❗ 1908BC 招牌炸魚薯條Fish and Chips（$230） 炸魚炸皮薄而香脆，青衣魚柳厚肉結實， 薯條配上印度咖哩汁，冇諗過原來外國人鍾意咁嘅配搭。 ⭐️推薦❗集會脆麵 Special Crispy Noodles w/everything （$170） 集會真係名副其實嘅everything，有蔬菜、燒腩仔、魷魚、鮮蝦仁， 麵底煎得超香脆可口，淋上芡汁就要趕快食用啦～ 所有cocktails都係$95，價錢合理，而且相當有質素。 Suzie Wong好靚，整杯都是粉紅色💖， 加上中式粉紅色紙傘作裝飾，感覺好elegant～ 以gin為基酒，加上荔枝、紅石榴、玫瑰🌹，味道香甜易入口，啱晒女士～ 🌿Lemongrass Mojito以Light rum為底，加入檸檬草、薄荷葉，味道清香refreshing～ 最後食個fortune cookies，作為完美嘅總結。 整體來說， 所有菜式都有讚冇彈，佐酒又啱，就咁黎飲酒都夠晒Chill～ 地址： 1908bc British Chinese (上環) 上環文咸東街22-26號柏廷坊5樓 營業時間： 星期一休息 星期二至四