帶西貢小妹出城記🇭🇰

疫情底下，上唔到深圳，想食川菜去邊到食好？ 尖沙咀就有一間主打川菜嘅中菜館 — 「麻辣派對」， 之前在銅鑼灣食過兩次，都覺得唔錯， 所以就再黎食過返尋味。 餐廳有別於一般中式川菜餐廳嘅傳統格調， 裝修以派對情調為主，環境優雅， 唔講真係唔知呢到係食川菜！ 😂 菜式分 4 大系列： 重慶銅盤烤桂魚、水煮系列、香鍋辣子系列和泡椒酸辣鍋系列， 每一款均可選配多款配料， 仲有各式各樣嘅家常小菜， 所有菜式都可選擇不同程度嘅辣度， 辣或走辣都得， 就算有朋友唔食得辣都唔緊要！ 😏 酸菜味型江團水煮魚（ $188 ） 鍋裏有不少酸菜、 胡辣椒、指天椒、乾青花和紅花椒等，味道酸辣惹味！ 江團嘅特點就是 肉質 嫩滑，多肉少骨， 不過略嫌魚肉唔係好新鮮，有啲失望， 配菜仲有大豆芽菜和滑嘟嘟嘅魔芋， 份量都幾足料！ 食酸菜魚，點可以冇水晶粉呀？ 欣賞 水晶粉煙韌嘅口感，而且吸湯力一流，必試！ 派對口水雞（$68） 口水雞有得揀辣或者唔辣， 醬汁味道香辣惹味，雞件肉質都算嫩滑， 不過可能係冰鮮雞嘅關係，肉質比較腍冇咩彈性， 有改善嘅空間！ 最後要左杯特飲 — 冰雪鮮檸 🍋 C 飲（ $38 ） 大大杯，有唔少青檸、檸檬係裏面，酸中帶甜，解辣一絕！ 😏 記得去 Openrice 訂座，有好多不同嘅優惠！ 地址： 麻辣派對 ( 尖沙咀 ) 尖沙咀加連威老道 29A 號瑞生酒店 1 樓 營業時間： 星期一至日： 11:30-22:30

之前在銅鑼灣謝斐道食過嘅「豐勝手丼」强勢回歸登龍街啦！ 現名「豊勝手丼」地方更闊落， 除咗保留傳統壽司吧檯之外， 仲增設左寬敞嘅卡座位，坐得更舒適～ 😌 餐廳環境充滿日本 🇯🇵 風情～ 一如以往，餐廳主打日式海鮮丼， 所有食材都由日本 🇯🇵 進口，保證新鮮有質素～ 仲有每日限量供應嘅九鼎丼， 由廚師挑選每日時令刺身發辦， 可以一次過試晒 9 款賣相精緻嘅迷你丼，啱晒打卡～ 😏 餐廳仲會定時定候推出新款式， 每日都會有是令佐酒小食， 抗疫期間， 新推出超抵食嘅混亂魚蓉丼三食系列，只係 $78 起。 海の幸丼（ $328 ） 由 7 款海鮮組成： 日本海膽、兩隻大赤蝦、炙燒比目魚邊、兩件油甘魚腩、兩件吞拿魚腩、三文魚子、三件松葉蟹鉗，材料好豐富！ 😍😍 建議先食松葉蟹鉗，因為味道較淡， 日本海膽外形飽滿完整，色澤金黃，表面乾身，顆粒明顯， 大赤蝦肉質鮮嫩甜美， 師傅仲好貼心剪左啲蝦鬚，防止食客刺到， ❤️ 油甘魚腩幾肥美，魚油脂香～ 吞拿魚腩軟滑，冇半點筋，魚香十足！ 三文魚子粒粒飽滿，送飯一流！ 😏 地址： 豊勝手丼 ( 銅鑼灣 ) 銅鑼灣登龍街 18 號 V Point 地下 3 號舖 營業時間： 星期一至日： 12:00-23:00

平時帶小妹出城多， 今次就等西貢小妹帶我入西貢搵食～ 😂😂 佢最近成日 loop Dear Jane 嘅一首歌「 2084 」， 「願我可花足一生和你甜蜜 再走到一百歲那誌慶場合…… 願你可不管出生在哪年份 每一生都會有個完美名份……」 ☺️️ ， 而呢個亦正正係小妹帶我黎呢間新間嘅素食餐廳「 2084 」打卡嘅原因～ 餐廳開揚設計，裝潢帶異國風味， 坐 outdoor ，望住街景飲杯嘢都覺得特別 chill ， 唔怪得咁多外國人幫襯啦！ 😎 黎得咁 chill 嘅地方梗係要飲返兩杯， 不得不提嘅係，在西貢飲酒真係好平！ 開支酒都只係 $150 起～ 第一次飲呢款 Strawberry Ale （ $70 ） 味道真係好士多啤梨 🍓 架！ 仲勁似一隻士多啤梨果醬嘅味， 士多啤梨控不可錯過！ 除咗 menu list 嘅 draft beer 之外， 仲有其他 secret menu ，可以叫店員介紹下～ 😏 餐廳主打素食，菜式大多數都融合多種亞洲元素。 🌟 推薦 ❗️ 北京填菌 Peking Tacos （ $75 ） 顧名思義就係參照北京填鴨嘅素菜式啦！ 😏 店家事先用自家滷汁將蠔菇滷至完全入味， 蠔菇即叫即炸，炸至酥炸口感， 真係好似北京填鴨一絲絲嘅肉質口感， 配上青瓜、青葱和海鮮醬，味道幾何亂真～ ☺️ 聽店員介紹， order 左餐廳嘅招牌菜「 Momos 」（ $75 ）， 原來係尼泊爾餃子，味道好特別，真係第一次試！ 餃子皮厚薄適中， 餡料用左 Beyond Beef 素肉碎、香菜、椰菜和蘿蔔等，全部都係好有咬口嘅配料， 醬汁由印度香料、洋蔥、小豆蔻和番茄醬等調配而成， 味道好異國風情，幾惹味！ 絕對值得一試！ 😋 🌟 推薦 ❗️ Rajistani Sausage （ $110 ） Beyond Sausage 香腸口感似到十足十， 咖喱汁質地較輕身，但味道幾香口惹味，送飯一流！ 對於食開辣嘅小編黎講近乎唔辣，如果可以有得揀再辣啲就好。 地址： 2084 ( 西貢

「金記冰室」近年擴展迅速， 之前主要集中於港島區發展， 而家九龍區都有好多分店啦！ 九龍人有口福啦！ 「金記冰室」屹立於香港 🇭🇰 已經有 50 多年， 餐廳貫徹懷舊冰室嘅裝潢， 保留着七十年代舊香港嘅味道～ 連食物款式都「港式港味」， 「荷蘭唂咕」、「保衞爾牛肉汁」、「滾水蛋」等。 而家茶餐廳仲可以用 scan code 落單，真係好先進， 仲有好多 custom 嘅選擇， 麵淋麵硬冇難道！ 食健康啲少鹽少油都得！ 👍🏻 唔想煮飯或出街食？ 而家晚市外賣自取仲有 88 折優惠～ 🌟 推薦 ❗️ 招牌鮮豬潤通粉 配香滑炒蛋、牛油多士（ $52 ） 要求左爽啲通粉真係爽啲！ 😂👍🏻 湯底出乎意料之外地好！ 😯 完全唔係普通嘅清湯或雞湯， 而係有杞子、薑絲嘅補身湯，可以飲埋都冇問題！ 鮮豬潤雖然唔係話真係好鮮嫩個種， 不過都叫做鮮香味美， 炒蛋炒得幾香滑，不錯吃！ 跟餐加 $13 可以試埋懷舊特飲 — 綿滑蛋白杏仁茶 真係有一整個蛋白係裏面！ 杏仁茶杏仁香十足！媽咪好滿意 lol 😂 好少茶餐廳咁好可以少鹽少油！ 梗係要試下健康版金牌干炒牛河（ $58 ） 「金記冰室」就做得到啦！ 河粉炒得都算幾均勻幾乾身， 牛肉大大塊，夠晒足料！ 整體炒得幾有鑊氣 ！ 🌟 推薦 ❗️ 🌟 推薦 ❗️ 金磚風沙炸豆腐（ $65 ） 外皮超薄又炸脆， 一咬落去，超軟滑嘅豆腐就要滑出嚟！ 真係要讚一讚師傅嘅功架！ 梅菜扣肉（ $68 ） 梅菜夠多，吸晒扣肉汁嘅精華，鹹香味美，拌飯一流！ 唯扣肉偏瘦，小編略嫌唔夠肥唔夠軟熟， 不過就夠健康！所以兩睇啦～睇你追求咩？ 最後仲要左個金粒西多配雪糕（ $38 ） 🌟 推薦 ❗️ 一口西多，遵循傳統，裏面有一層花生醬， 仲要配埋朱古力雪糕，會唔會係太邪惡？ 地址： 金記冰室 ( 黃大仙 ) 黃大仙正德街 103 號黃大仙中心南館地下 G9 舖 營業時間： 星期一至日