有日去尖沙咀中港城搞保險嘅嘢, 就諗住係附近食埋嘢~😆 見到平台有間上海菜館「大川滬」,座無虛席,梗係跟大隊啦!😏 原來之前係土瓜灣轉戰過黎尖沙咀,有返咁上下名氣,唔怪得咁多人幫襯啦! 老闆娘好貼心,見到我地第一次黎,就介紹左幾款撚手小菜, 食完又真係幾好食喎!🤤 上海燻魚($98) 店家採用鯇魚腩製作燻魚, 魚腩外皮炸到酥脆,肉質厚實,吸滿焦糖般嘅 醬汁,香甜可口~ 平時唔係好鍾意食魚嘅我,對燻魚完全改觀!下次可以再encore~😏 食上海菜,梗係要嗌籠小籠包啦~😆 ⭐️推薦❗️上海小籠包($55) 小籠包摺紋清晰,包皮都算薄,有韌性,夾起都唔會咁容易穿底, 肉餡鬆化,肉汁飽滿~ 小編就最欣賞歌落山辣子雞($258)⭐️推薦❗️ 辣子雞最大嘅特色就係喺辣椒🌶️裏找雞😂, 不過呢度嘅改良版, 雞肉好多,起碼有20大粒, 完全唔需要花力氣去翻滾辣椒,就食得,完全啱晒食肉獸嘅我地~😎 最欣賞係店家用上雞髀肉,啖啖肉, 酥炸之後,外脆內軟,酥香可口,内裏保持嫩滑多汁, 加上花椒和辣椒嘅雙重刺激,夠晒惹味!🤤 ⭐️推薦❗️回鍋肉炒年糕($148) 五花腩煸炒至油而不膩, 加上豆乾、椰菜、年糕和秘製醬汁一起燜煮, 味道辣中帶甜,肉香四溢。 年糕軟糯入味,正! 整體來說, 所有食物質素相當唔錯,而且份量十足,啱晒一家大細黎食! 地址: 大川滬 (尖沙咀) 尖沙咀廣東道33號中港城2座平台4號舖 營業時間: 星期一至日: 11:00-23:00