身為九龍人嘅我， 真係覺得入元朗屯門就好似企鵝 🐧 大長征咁， 不過有元朗人帶路， 帶我去左一家提供長達 5.5 小時嘅日式放題店， 仲有一次性頭盤，限量送出 derrr ， 有海鮮、岩石燒肉、釜飯、生蠔等， 加上，平時日式放題有得食嘅刺身、壽司、卷物、天婦羅 🍤 、串燒、一品料理都有！ ☺️ 雖然價錢比平時嘅放題貴少少， 不過其實等於食自助餐嘅價錢， 而且食物質素完全符合性價比，絕對值得一試。 👍🏾 餐廳裝潢花了不少心思呢！ ♥️ 天花板掛上日式嘅傘子， 加上牆上富日本風味嘅壁畫， 感覺身處於日本嘅居酒屋～ 🇯🇵 每位都會有以下頭盤： 大吞拿魚刺身（ 2 切）豐潤甘香～ ☺️ 三文魚刺身（ 2 切）厚切，食落魚油脂香，不錯吃！ 法國生蠔（ 2 隻）即叫即開，入口鮮甜又幾 creamy ，海水味適中 松葉蟹腳（ 2 本）幾有鮮味，值得一試！ 👍🏾 再另外自選波士頓龍蝦（半隻）或牡丹蝦刺身或活赤貝刺身。 波士頓龍蝦（半隻） 幾大隻，又多膏，肉質鮮美有嚼勁！ 牡丹蝦刺身個頭都唔細， 肉質爽彈，鮮甜味美！ 籠仔蒸大蜆（ 1 客） 因為無晒藍青口，所以轉左大蜆， 🙊 無加任何調味，味道更原汁原味！ 蜆肉都幾肥美，肉質鮮甜～ 蟹味噌原隻鮑魚釜飯（ 1 客） 一打開釜飯嘅木蓋，已經聞到陣陣撲鼻香氣～ 即時炆煮嘅釜飯， 木蓋讓木香滲入飯中，軟腍入味，又不失嚼勁， 仲有少許香脆帶韌嘅金黃飯焦，正！ 👍🏾 原隻鮮鮑魚鮮味十足， 加上不少蔬菜如紅蘿蔔絲、雜菇等， 口感和味道相當有層次！ 😋 岩石燒安格斯肉眼扒、黑豬毛豬扒 安格斯肉眼扒不會太肥或太瘦， 黑豬毛豬扒幾肥美， 帶獨一無二嘅榛果香味，濃郁且鮮嫩。 小編最鐘意食味噌甲羅燒， 見到有得食，梗係要試下啦！ 😏 甲羅燒已預先燒好上枱， 配上鮮蟹肉，入口帶蟹膏香，口感豐富，蟹味又濃郁！ 清酒煮大蜆 蜆幾大隻，肉質鮮味爽彈， 清酒味香又濃，加上蜆嘅鮮香，好味道啊！ 😋 生蠔、刺身梗係要無限追加啦！ ☺