每次想食餃子🥟,第一時間都會諗起「豐信」~ 因為食過咁多間餃子店, 「豐信」一直都係我心目中穩居榜首!☺️ 隨著名氣,「豐信」真係好多人去食, 平日Lunch去食都大排長龍, 所以今次就收工黎食,多啲時間黎排隊。🤣 餃子有18款之多, 除咗較傳統嘅韮菜餃、椰菜餃、白菜餃, 仲有咖喱椰菜餃、雲耳椰菜餃、西洋菜餃、紫菜餃、素餃、芫茜餃、香菇餃、麻辣白菜餃、梅菜粟米餃、南瓜粟米餃、芝士粟米餃等, 個人最鍾意❤️ 湯餃之選:芫茜鮮肉餃、麻辣白菜鮮肉餃 煎餃之選:芝士粟米鮮肉餃、香菇鮮肉餃 🌟雙拼都只係加$2,以較高價錢作計算🌟 🔸雙拼湯餃 —— 【最健康之選】紫甘藍粟米鮮肉餃 ($38/7隻,$45/10隻)及 【最惹味】麻辣白菜鮮肉餃 ($40/7隻,$50/10隻) 湯餃沿用自家煲製嘅老火湯—椰子海帶鮮雞豬骨湯,味道鮮甜~ 紫甘藍營養豐富,食落爽脆有口感! 麻辣白菜麻香十足,辣度大眾化,唔算好辣,但夠惹味! 🔹【半溶拉絲芝士🧀】芝士粟米鮮肉餃($43/7隻,$53/10隻) 食過煎嘅和湯嘅,都係覺得煎係最夾!💕 半溶拉絲芝士芝味十足,加上粟米🌽又有咬口。 「豐信」嘅小食都幾正架!😏 🔸涼拌藕尖($30) 鍾意食泡椒口味嘅,一定唔可以錯過! 藕尖鮮嫩爽脆,酸香微辣,超開胃! 🔹香煎豆腐($18/3件)煎得又香又滑~☺️ 🔸自家煲製嘅羅漢果甘草茶甘甜滋潤,好健康!☺️ 如果買生餃子🥟都係早買早享受😎, 因為都係當日賣晒就冇, 生餃 都係一樣價錢! 最後我地都買左芫茜餃返屋企慢慢歎~😂