帶西貢小妹出城記🇭🇰

前排見到佐敦新開左一間人氣急升嘅日式燒肉店「響 - Hibiki 日本燒肉」， 主打海鮮、和牛燒肉日式放題， 仲有長達 2.5 小時嘅任食， 建議要早幾星期訂位， 因為真係好多人！ 😂 收費都唔平， 不過如果你見到佢高級嘅日本和牛牛肉， 就知道點解唔可以收太平啦。 😆 星期日至四 （ 20:30 前結帳離座） 成人 $408/ 位、小童 $198/ 位 （ 20:30 後入座） 成人 $458/ 位、小童 HK$228/ 位 星期五、六、公眾假期及前夕 （ 20:30 前結帳離座） 成人 $448/ 位、小童 $218/ 位 （ 20:30 後入座） 成人 $508/ 位、小童 $248/ 位 刺身 刺身排得好整齊， 有三文魚、甜蝦、油甘魚、帆立貝、呑拿魚、八爪魚和海膽， 刺身款款都非常新鮮！ 😍😍😍 三文魚、油甘魚都十分肥美，魚油脂香； 吞拿魚算係喺放題中見過最出色的，甘甜鮮美； 甜蝦幾大隻，甘甜嫩滑，不錯吃 👍🏾 ！ 帆立貝鮮甜美味，嚼勁十足！ 海膽入口鮮甜味美，可見其用料新鮮， 旁邊仲伴隨着脆口紫菜可一起吃， 除左海膽之外，其他刺身全部都可以 Encore ！ 海鮮 每天供應最少 5 款時令海鮮， 款式包括日本喜之次、鮑魚、生蠔、螺、海老等， 其中海老可以無限追加！ 👍🏾 全部海鮮都好新鮮， 建議燒海鮮時，可以淋上日本清酒， 令海鮮鮮味更突出～ 😌 大蝦肉質爽彈結實； 鮑魚和螺肉鮮嫩彈牙； 生蠔個頭不大，但都算肥美， 最驚喜的是原條喜之次， 肉質嫩滑，入口鹹香味美。 😋 燒肉 無諗過放題竟然可以食到和牛， 仲要咁高質素～ 😍😍😍😍 而且仲有 label 介紹返，等 foodie 可以比較下肉質大不同。 👏🏻 😎 私心推薦 😎 澳洲和牛西冷、胸腹和牛肉眼， 雲石般細緻的油花紋理， 筋肉間帶呈網狀嘅細小脂肪， 肉香軟嫩，入口即溶～ 😌 美國牛肋骨肉香十足，肉質爽嫩！ 仲有米澤三元豚西冷， 肉質爽口，一啲都唔嚡口！ ☺️ 骨付雞肉腸鹹香惹味，真是一個不

又到秋冬季節， 最好嘅活動梗係打邊爐啦！ 同牛魔王黎「牛精皇」， 梗係要食佢個招牌湯底 — 招牌牛精湯， 集牛內臟於一身，牛精必試！ 😎 原來仲有二人套餐優惠， 有經濟實惠嘅 「優惠 2 人餐」（$398） 或 「精選 2 人餐」（$548） ， 分別包 6 款食物或11款食物 和 一款$68湯底（沙嗲、清湯及芫茜馬蹄皮蛋）， 我地兩個人比較細食， 所以點左 「優惠 2 人餐」就夠晒啦！ 🤭 不過 牛精湯梗係必試啦！ 所以補差價都要殺！ 😎 一上枱，佢個牛骨湯底已經香氣四溢～ 裏面材料十分豐富， 有金錢牛肚、牛肺、牛尾、牛腩、牛孖筋、牛膀等， 全部都洗得乾淨，都幾新鮮， 牛肺腍滑，牛膀爽口，牛肚軟腍有彈性， 鍾意食牛雜嘅 foodie 不妨一試！ 😏 美國 🇺🇸 特級肥牛卷 份量雖不多， 但勝在肉味香濃！ 鮮雞件半隻 不愧為鮮雞而唔係冰鮮雞， 肉嫩味鮮，正！ 😋 即炸響鈴 4 件 即叫即炸，炸得酥脆可口， 蘸甜醬就咁食得， 浸湯食都得，得左！ 👍🏾 蔬菜籃 款式多，有通菜、生菜、油麥菜等， 款款都夠晒新鮮爽脆。 手打稻庭烏冬纖巧細緻，柔軟爽彈！ 滑豆腐無晒貨， 所以轉左冰豆腐， 其實仲開心！ 因為冰豆腐比滑豆腐更吸湯底精華！ 👍🏾 值得一讚嘅係店員服務好周到， 隔油隔得好仔細。 地址： 牛精皇 ( 九龍城 ) 九龍城福佬村道 60 號地下 營業時間： 星期一至日： 18:00-2:00

食過幾次都覺得「 Hesheeat 」係一個同朋友食飯傾計嘅好地方， 所以今次又約左同事一齊黎食過返尋味！ 😏 蟹肉蕃茄牛油果沙律   ($95) 係小編每次黎都必點！ 沙律賣相精美！ 😍 最底層係軟滑 creamy 嘅牛油果醬， 第二層係已拆骨嘅啖啖鮮甜蟹肉， 之後就係酸甜清新嘅蕃茄粒， 加上矜貴嘅黑魚子醬， 味道和口感都相當豐富，好味道！ 😋 又可以將沙律塗係香脆多士上面一齊食， 是另一番風味！ 覺得太膩，可以食下以黑醋、檸檬汁和橄欖油調味嘅雜菜沙律，都幾開胃架！ 😏 炸雞翼韓式辛辣醬（ $52 ） 炸雞翼即叫即炸，熱辣辣～ 外皮炸得香脆，裡面嘅雞肉保持嫩滑多汁， 蘸上辛辣醬微辣惹味，值得一試！ 虎蝦 意大利 🇮🇹 飯 （ $128 ） 一客有三隻大蝦，份量都算合理， 大蝦煎至金黃色，鮮味爽彈， 意大利飯炆煮得入味，軟硬適中，又不失嚼勁， 加上熱溶芝士嘅調味，味道更上一層樓！ 焗龍蝦仔黑魚子牛角包（ $102 ） 嘩，份量超足！ 黑魚子超多，鹹香得黎，又有口感！ 😎 牛角包焗得香脆可口， 特製龍蝦仔沙律夾係牛角包中間， 份量一點也不吝嗇，肉質鮮味彈牙， 薯條 🍟 外皮炸得香脆，薯肉軟腍， 旁邊嘅雜菜沙律還可以解一解膩呢～ 拖肥果仁心太軟（ $62 ）係小編最愛 derrr ！ ☺️ 每次切開呢個心太軟都覺得好治癒～ 😍 朱古力軟心緩緩流出來，好濃郁嘅朱古力味！ 加上冧酒提子雪糕和開心果碎襯托， 更添口感～ 😋 之前試過牛油果乳酪沙冰，覺得唔錯， 所以今次就試下綠茶柚子沙冰（ $45 ）， 柚子味突出得黎又不會過甜， Haagen-dazs 綠茶味雪糕茶香軟滑～ 更可中和一下柚子嘅甜膩感，配搭得相當不錯！ 地址： HeSheEat ( 銅鑼灣 ) 銅鑼灣記利佐治街 2-10 號銅鑼灣地帶 2 樓 201 號舖 營業時間： 星期一至日： 12:30-23:30

之前去過荃灣「豚道樂」食拉麵，回味無窮， 咁啱去黃埔新天地買野， 發現「豚道樂」開咗分店， 梗係要食過返尋味啦！ 分店坐落於濃厚日本氣氛嘅九號水產裏， 日式的裝潢設計配和商場嘅設計融合～ 座位方面， 除了有拉麵店常見的吧檯外， 還有幾張 2 人枱，都算寬敞舒適。 ☺️ 「豚道樂」主打九州豚骨拉麵， 湯底以大量豬脊骨、筒骨和蔬菜熬成， 配低鹼水直身幼麵，香濃黏嘴易入口。 設白、黑、綠、橙四色湯底， 分別為原味、黑蒜油、日本芥末和辛辣味噌， 平日限定特上魚介豚骨湯拉麵， 逢周末更推出限量供應的海老湯拉麵。 全部拉麵都可選經濟或特上之選， 特上之選會包括配料： 🐷 豬肩肉、豬腩肉兩種，溏心蛋半隻和紫菜； 而經濟之選只可從豬肩肉、豬腩肉任選其一； 拉麵可選直 /  曲麵，其軟硬度，蔥，辣度都可自選，富彈性！ 😏 上次食過特上魚介豚骨湯拉麵（$98）， 覺得相當唔錯，所以今次再推薦朋友食！ 😆 湯底豚骨香濃郁中帶魚介嘅清新， 拉麵選了比直麵較粗較為彈牙的曲麵，掛湯力相當高！ 😙 豬腩肉香軟肥美，口感嫩滑， 豬肩肉偏瘦，彈性中帶爽口，豬羶味比腩肉更重， 雖然溏心蛋流心程度不高， 但勝在溏心蛋白醬油味濃，蛋黃咬下去微微黏口，蛋黃油香，好味道！ 😋👍🏾 配料竹筍、芽菜和翡翠苗吸收了湯底精華， 口感豐富，味道清新爽口～ 😌 松露迷嘅小編梗係要試下季節限定的黑松露醬油豚骨拉麵（ $108 ） 黑松露配搭矜貴，香氣馥郁， 濃郁嘅松露香為湯底添加層次感， 大粒又厚肉的北海道帆立貝， 炙燒後半生熟，口感鮮嫩爽彈， 附上半邊溏心蛋， 軟嫩蛋白包着晶瑩剔透嘅蛋黃，滿溢蛋香， 九州系直麵幼細又不失嚼勁，正！ 😋 黃埔嘅小食款式比荃灣多， 所以今次就試吓新野啦！ 炸軟殼蟹（ $45 ） 即叫即炸，炸 至金黃香脆， 咬開爆汁juicy，鮮香味美，值得一試！ 😏 蜜糖咖喱雞中翼（ 4 件）（ $40 ） 用咖哩粉醃好嘅雞翼， 炸完再塗上蜜糖， 無諗過咖哩和蜜糖可以配搭得咁好， 香甜又