繼「打邊爐家族」之後,
少左好多人去打邊爐,
不過只要做好個人衛生,就唔洗過份擔心~
唔少火鍋店都為左增加食客嘅信心,
搞衛生都搞得份外用心,
入門口之前要量體溫🤒️,
又有酒精搓手液,
仲有提供紙袋放口罩等,方法層出不窮!
是日同同事收工之後去左荃灣大鴻輝中心嘅「18樓雞煲火鍋專門店」食雞煲火鍋放題,
餐廳環境大,整層樓都屬於餐廳嘅,
所以即使實施左政府新措施,
每枱最多只可坐4人,及每張餐桌間必需相隔1.5米或設下阻隔,
都坐得夠舒適!
價錢唔洗$200/位,
星期一至四 21:30前$178/位,21:30後$148/位,
任食2.5小時,
星期五、六、日就每位加多$10,都幾抵!
如果唔食雞煲,
可以任選一款特色湯底:鮮濃番茄湯、粟米蘿蔔豬骨湯、四川麻辣湯、花雕藥膳湯、鹹菜胡椒豬肚湯。
不過呢到嘅雞煲係最出名,識食一定係食雞煲!☺️
雞煲可自選大、中、小、BB辣或唔辣。
雞煲雖然唔係任食,
份量按照食客嘅人數,
兩人份量大概有一隻雞,
採用了三黃雞,肉質厚肉,爽嫩彈牙,
自家製嘅醬汁夠辣又有麻香,微辣惹味!
食完雞煲就可以倒入豬骨湯打邊爐~
Scan barcode就可以點配料啦~
蔬菜係自己鐘意食幾多就拎幾多,
全部火鍋配料有超過80款,無限任食,
款式都幾多,
豬牛雞、海鮮都有。
雪花肥牛 vs 特級肥牛
個人比較鐘意雪花肥牛,
選用美國肩胛位,
肉味更香濃,口感更有嚼勁!⭐️推薦❗️
特級肥牛比較肥美,紅白相間,口感軟滑。
頂級梅頭豬肉都幾軟嫩~
⭐️推薦❗️滋補花膠滑嘟嘟,滋補又養顏!😌
⭐️推薦❗️海中蝦好新鮮,肉質鮮甜爽彈!
是日海鮮推介為蟶子,幾肥美,
不過呢種蟶子真係好難洗得乾淨,所以食落有啲沙。
不過呢到嘅魚真係幾新鮮!
鮮魚頭雲新鮮,
鮮脆鯇骨腩鮮甜爽脆,
脆鯇片、白鱔片都很不錯!⭐️推薦❗️
⭐️推薦❗️豬膶厚薄適中,爽滑美味。
⭐️推薦❗️響鈴自家製,灼2、3秒之後,質感介乎于鬆脆和軟腍之間,正!
原個出前一丁,自己落粉落麻油最原汁原味!👍🏻
飲品都係任飲!
仲有乳酪雪糕任食!
地址:
18樓雞煲火鍋專門店 (荃灣)
荃灣眾安街55號大鴻輝(荃灣)中心18樓
營業時間:
星期一至日:17:00-3:00
留言
張貼留言