邊個話食雞煲火鍋私房菜只得「倫哥」一個選擇？
今次荃灣地膽帶左我去荃灣一家新開，
集雞煲、刺身、海鮮、私房菜、任食火鍋於一身嘅「鮮一夜」，
小編食完之後，
真心覺得「鮮一夜」同「倫哥」有得fight喎，
仲有幾個更可取嘅地方，值得一試！👍🏾👍🏾👍🏾👍🏾
「鮮一夜」地方寬敞
全部都是高級梳化卡位，
坐得比較舒適、私隱度又高。😦
至於套餐方面，
主要有兩個套餐，
一個係以蒸海鮮為主嘅蒸鮮之選海鮮套餐，
每位$228，
另一個就以雞煲、私房菜為主嘅一夜皇御套餐，
每位$268，
兩個套餐都係可以任食火鍋2.5小時，
19:30前離座或21:30後入座，
均可享有85折優惠，
不過我同小妹鐘情麻辣雞煲，
所以就揀左一夜皇御套餐～😏
紅燒花膠翅
嘩，真係有一大梳翅針同勁厚身嘅花膠，😍
老雞熬製而成嘅金黃色上湯，
口感濃稠，膠質滿溢，好滋潤呀！☺️
掌上明珠 溏心靚鮑魚
鴨掌幾大隻，絕對唔係便宜貨，炆得軟腍入味，
南非鮑魚腍得黎不失嚼勁，正！😎
五色刺身拼盤
是日刺身有三文魚、帶子、赤蝦、希靈魚、北寄貝，
款款新鮮，😍
三文魚魚油脂香，帶子肥美清甜，
赤蝦鮮甜爽彈，希靈魚魚春卜卜脆，魚肉鮮味，
北寄貝軟腍得黎又不失口感，
完全拍得上日式餐廳嘅水準，性價比高！👍🏾
即炒奇妙雞煲，份量十足！
我地兩個人，足足有半隻雞，
而且雞件非常多，件件都好厚肉，
肉質嫩滑入味，
沾上香濃惹味嘅秘製醬汁，
仲有香氣四溢嘅洋蔥和芫茜，好惹味呀！😋
火鍋湯底
有6款可選擇，
杏汁豬肺鍋、重慶麻辣鍋、藥膳養生鍋、養生椰子雞鍋、香濃豬骨湯、芫荽皮蛋湯，
加$30就可以轉鴛鴦鍋，
一次過可以試晒兩款湯底，哎喲不錯哦！😉
我地揀左比較特別嘅藥膳養生鍋，
除左豬骨之餘，
雖然見到有唔少嘅中藥材🌿係裏面，
但唔會有好重嘅藥材味，
反而味道清甜甘爽，覺得幾滋補！👍🏾
航空海鮮拼盤
有5-7款是令海鮮，
是日有基圍蝦、大蜆、黃沙蜆、龍躉片、廣島蠔、貴妃蚌和象拔蚌，
基圍蝦個子雖小，但勝在肉質鮮甜彈牙，
大蜆、黃沙蜆清洗得乾淨，鮮味十足，
龍躉片幾新鮮，沒半點魚腥味，
廣島蠔雖然不比美國桶蠔般大個頭，
但卻更鮮味，不錯吃！👍🏾
貴妃蚌有一個拳頭咁大，
蚌肉肥美厚肉，鮮甜彈牙，好抵食，值得encore！😍
象拔蚌肉質鮮美爽口，正！😋
安格斯肥牛肉味香濃，
唯略嫌份量只有4塊，唔係好夠喉！😝
唔夠喉仲有超過60款火鍋配料可以任食呢～
醬醋肉
帶濃郁但不膩的黑醋香氣，
結合埋其他調味料後，
更呈現出酸中帶甜的滋味～值得一試！😎
手打墨魚滑自家製，
加上卜卜脆蟹籽，
口感份外彈牙香口，不錯吃！😙
無諗過白鱔片都可以任食，
仲要質素相當唔錯👍🏾！
白鱔片不但沒有半點魚骨，
魚脂亦較脆鯇魚片突出，
口感爽脆彈牙，又有有嚼勁，正！😏
鮮蝦雲吞 鮮蝦水餃
皮薄餡靚，裏面均有大大隻鮮蝦係裏面，好足料！
牛栢葉爽口。
蘿蔔厚薄適中，容易吸晒湯底嘅精華。
鮮冬菇幾大隻，感覺都幾新鮮。
炸魚皮炸得香脆可口。
包仔豆腐豆味突出，
吸晒湯底嘅精華之後，軟腍入味！😌
飲品方面，
有超過10款飲品，
最重要係啤酒🍺都任飲，
啱晒我地兩個酒鬼！😎
食完火鍋，
仲可以食埋雪糕和糖水，都係任食架！
整體來說，
「鮮一夜」嘅私房小菜質素比「倫哥」更出色，
仲額外多左個刺身拼盤，😏
雞煲雖然唔係任食，但雞件更為厚肉，
火鍋湯底真材實料，
海鮮拼盤用料新鮮，貴妃蚌尤其美味，
其他嘅火鍋配料選擇比「倫哥」都豐富，
只係暫無其他分店，只此荃灣一家，
但幾遠都好，一定要黎食過返尋味！☺️
地址：
鮮一夜火鍋 (荃灣)
荃灣眾安街55號大鴻輝中心21樓B室
營業時間：
星期一至日：17:00-2:00
留言
張貼留言