燒~雞~翼~我鐘意食!😆
BBQ一定要食雞翼,食日式串燒一定要食雞翼,打邊爐都要食雞翼~😂
身為雞翼控嘅我,
知道銅鑼灣開咗一間新嘅雞翼專門店,
梗係要黎試下啦!
叫得「Wing It!」,
顧名思義就梗係同Chicken 「Wing」有關啦~😏
店舖面積不大,只有十多個吧檯座位,
但都算坐得舒適。
這裏的食物主要以小食為主,
主售雞翼、薯條🍟和期間限定的小吃如炸芝士和洋蔥圈。
雞翼有兩款口味:Original 和 Crispy ,
即是原味和脆炸,
份量可選 4 隻($40)或8 隻($75),
如果決定唔到邊款口味,
仲可以要求店員half half,一次過試晒兩款添~👍🏾
個人來說,兩款雞翼都相當美味,
原味的,外皮煎至微脆,但一點也不油膩,
脆炸的,炸脆之餘又不會太熱氣,
仲有一粒粒crispy口感。
最重要係每隻雞翼都大細均一,肉嫩多汁,
其實唔蘸任何醬汁都夠晒滋味!
不過有咁多醬汁喺度,點可以錯過呢?😂
有多達15款醬汁和3款調味粉,
其中推薦自家製水牛城雞翼,
比普通嘅水牛城雞翼更香辣惹味!😋
蜜糖是拉差味道獨特,又甜又辣,很有趣!
其他如芥末蛋黃醬、蒜香蛋黃醬、蜜糖芥末醬、日式燒烤、甜香蒜味都相當不錯👍🏾,值得一試!
個人覺得混醬可能會更出色,😎
我地試左個combination,
灑上美式孜味粉,
加埋鹹香藍芝士和香辣惹味嘅自家製水牛城雞翼,
雖然幾重口味,但又幾夾喎哈哈!😜
食雞翼加$30的話,就可以有一個combo,
有埋薯條和汽水,
都幾抵喎!
不過我地本身飲左好多野,
所以都係散叫一份薯條🍟($25)算啦。😂
無諗過一份$25嘅薯條可以咁大份,
薯條炸得香脆可口,
粗身得黎,薯肉又夠厚,夠晒咬口,
又可以無限蘸醬汁,
蜜糖芥末醬就啱晒我啦!😎
炸芝士條 Mozzarella Sticks ($20)
係即叫即炸架!😍
外皮酥脆得很,
咬開滿滿芝士,又夠晒拉絲效果,
十分「芝」味,性價比高!
地址:
Wing It! (銅鑼灣)
銅鑼灣禮頓道106-126號禮信大廈地下3號舖
營業時間:
星期一至日:11:30-21:00
留言
張貼留言