聽中環返工嘅朋友介紹,
黎到「施心畢老撾餐廳 」,
當初一聽到老撾?邊到黎架?老撾菜,食咩架?😂
原來老撾係泰國、柬埔寨、越南嘅附近,
所以老撾菜都有呢兩個地方嘅風味,
睇menu先知原來「施心畢」係老撾皇朝嘅姓氏,
而老闆仲要係老撾皇朝嘅後代,
等我同小妹試下正宗嘅老撾菜啦!😏
是拉差醬牛油雞翼($48)
單骨雞翼食得好方便呀!
雞翼炸好之後,
塗上是拉差醬和灑上花生粒,
入口甜甜地,微辣幾惹味!😏
燒豬頸肉($48)
食落有d似越南菜!
豬頸肉幾厚切,幾入味,外皮燒得微脆可口,不錯吃!👍🏻
⭐️推薦❗️香芒鮮蝦米紙卷($58)
又係一到咁似越南菜嘅小食!
煙煙銀銀嘅米紙包着爽脆新鮮嘅生菜和青瓜、鮮蝦、香甜嘅芒果肉、米粉,
好豐富嘅口感和味道!
⭐️推薦❗️老撾豬肉碎生菜包($78)
挨近泰式風味嘅生菜包,
肉碎混合左好多香菜和香料,
拌上旁邊嘅脆脆,口感十足,
微辣惹味,好味道😋!
⭐️推薦❗️手打墨魚丸全米椰子湯粉($68)
完全係被椰子湯底吸引左!😂
奶白色嘅湯底,
雖然唔係好濃稠,
但勝在有椰子香,清甜味美,都幾特別!😏
配上爽滑嘅自家製米粉,都幾吸湯,正!
墨魚丸魚片爽彈,魚香十足,值得一試!👍🏻
青椰奶茶($30)
茶味唔係好突出,
不過勝在夠真材實料,
原枝椰奶比我地自己倒!👏🏻
荔枝冰($24)
其實一開始見到荔枝冰裏面好似擺咗乾冰,好有視覺效果,但心裏面有個疑問,
「乾冰食得架咩?」,上網睇原來真係得架!只係唔可以直接食用。
不過飲嘅時候真係有啲淆底!😂😂
值得一讚嘅係荔枝唔係用罐頭架!係新鮮荔枝黎架!真係好真材實料!
最後叫左一個泰式甜品⭐️推薦❗️芒果糯米飯 ($38)
糯米飯微暖,配上濃稠嘅椰汁,好香呀!
糯米飯食落煙韌軟熟,
仲有超多椰絲,口感豐富!
配上泰國正宗水仙芒,必試佳品!
地址:
施心畢老撾餐廳 (中環)
中環威靈頓街98號翡翠中心4樓
營業時間:
星期一至六:11:30-22:00
星期日:18:00-22:00
留言
張貼留言