媽咪係奧運返工,
所以附近嘅美食都已經逃唔過佢嘅手指罅😂😂,
我同媽咪兩個人食「靚煲皇」係第一次,
實情係我媽已經同朋友黎過好多次,
每次都話火鍋湯底正,配料大份夾抵食!😏
星期五佢話要休息下,唔想煮飯,就黎打個邊爐啦!
『打邊爐家族』洗乜驚?
其實大家平時多注重衛生就得啦!同心抗疫!
靚煲皇有大($268)有細($198),
不過我地兩個人食,
所以嗌個細,再搭配其他火鍋配料就剛好,
因為呢到每份配料都好大份好足料!😏
🌟推薦❗️靚煲皇材料十足,
有扇貝、豬骨、軟骨、蝦乾、吊片、粟米等,
雖然扇貝唔係好大隻,
不過勝在豬骨、軟骨都好足料好正,
都算加返分數,
有靚湯底,打邊爐之前梗係要飲返啖湯先啦!
清甜味美,越熬越入味!☺️
雙拼餃($68)
揀咗韭菜餃同鮮蝦雲吞,
每款有四粒,份量都幾抵!
餃子同雲吞都係自家包製,
雖然個頭唔算大,
但皮薄餡靚,不錯吃!😋
🌟推薦❗️手打蟹籽墨魚丸($88)
自家製手打墨魚膠,
拌入蟹籽,口感更豐富,
墨魚丸爽口彈牙,值得一試!
🌟推薦❗️響鈴($48)
全部自家製,即叫即炸,
一客有9件,好抵食呀!
淨食又夠酥脆,
蘸湯食又得,必試之選!
$28嘅油麥菜超大份,
又夠新鮮爽脆,好抵食!🌟推薦❗️
小編好鐘意食粉絲,
$28大大份,
仲要加埋蟹籽,正!🌟推薦❗️
「靚煲皇」雖然唔係任點任食,
但價錢都好相宜,份量又足,值得推介!
更重要嘅係老闆都會落手落腳,
會推薦食客今日有咩新鮮靚料同了解意見,好專重客人意見呢!與時並進!😏
地址:
靚煲皇 (旺角)
旺角塘尾道18號嘉禮大廈地舖
營業時間:
星期一至日:18:00-4:00
留言
張貼留言