朋友係觀塘返工,
所以知道好多觀塘隱世工廈美食,
今次就去到佢介紹嘅泰國菜館「Add Some Thai Restaurant」~
裝潢以木系為主,簡樸舒適。
想一次過試晒所有小食或多人分享,
叫個小食拼盤、串燒拼盤就啱晒啦!😏
AST小食拼盤($148)
價錢合理,仲包左6款小食,
份量3-4個人分享都得,都幾抵食,
有自家製經典泰式手打蝦餅、春卷、泰式炸蝦片、酥炸一支骨雞翼、炭燒豬頸肉、迷你無骨酸辣鳳爪沙律,
小編最欣賞手打蝦餅和酸辣鳳爪,
酸辣鳳爪好入味,爽脆又惹味,
蝦餅外皮炸得香脆,口感爽彈,又微微滲透蝦嘅鮮味。
🌟推薦❗️泰式無骨海南雞(半隻)($128)
雖然係例牌,但係都幾大份,
仲要係雞髀🍗位,正!
肉質厚肉嫩滑,值得一試!😏
🌟推薦❗️酥炸軟殼蟹配金邊粉($118)
平時軟殼蟹金邊粉都只係得一隻軟殼蟹,
但呢到係有兩隻架!
軟殼蟹炸得香脆可口,都幾厚肉,
炒金邊粉酸甜度適中,不錯吃!
🌟推薦❗️原隻海蝦雜錦海鮮冬蔭功($92)
冬蔭功原鍋上陣,材料好足,
除左蝦之外,仲有好多海鮮如青口、魷魚等,
味道酸酸甜甜,有海鮮嘅清甜鮮香。
馬拉盞炒通菜($66)
都幾大份!
價錢唔貴,菜又夠新鮮爽脆,
馬拉盞微辣惹味!😌
整體來說,
呢度嘅泰國菜真係幾有水準,
價錢又唔貴,地方又夠寬敞
大夥兒黎聚餐就啱晒啦!
下次要再黎過!😏
地址:
Add Some Thai Restaurant (觀塘)
觀塘開源道62號駱駝漆大廈一座9樓D室
營業時間:
星期一至日:12:00-22:00
留言
張貼留言