講開香港🇭🇰地道打邊爐,
小編就鍾意去深水埗搵食~
之前食過幾間出色嘅火鍋店,都盡在深水埗~😏
今次就去左openrice好評甚高嘅「鍋居火鍋專門店」~
朝着店招牌椰青礦泉水走地雞鍋慕名而來~😆
椰青礦泉水走地雞鍋(半隻)($168)
就咁睇個名,已經覺得好講究,
湯底唔用白開水,而係用礦泉水,
再加上兩個新鮮椰青水,
真係要好pure好true!👍🏻☺️
有啲人會問有咩咁特別?
小編時不時都會用礦泉水去沖咖啡,
以手沖咖啡嘅概念黎講,
因為水嘅礦物質係會影響咖啡沖出嚟嘅味道,
所以用礦泉水去沖咖啡,
係可以減少水喉水嘅鐵鏽味或雜質,
湯底應該會純啲甜啲~😆
成個鍋我地都有專人服侍!☺️
最欣賞嘅係店家會即場表演將椰青內嘅椰青肉掘出來,
好細心,又好方便食客!👍🏻和走地雞一拼放到鍋裏,
大火煮4分鐘,熄火再焗3分鐘,
就係雞最滑嘅時候啦!☺️
獨有嘅煮法令肉質保持嫩滑多汁,
椰青雞湯如預期般清純鮮甜~
食完鍋裏雞和飲完湯,
就可以落其他火鍋配料啦!
雲吞水餃仲可以雙拼,
啱晒倆口子黎,又想食多幾樣款式~😂
🌟推薦❗大蝦雲吞拼水餃皇($58)
雲吞水餃皮薄餡靚,大大隻鮮蝦肉,搭配豬肉和清香韮菜,正!
水餃皇都係有原隻鮮蝦,不同嘅係配料係豬肉、筍絲和黑木耳,味道較清新和更有口感!
魚皮同響鈴都可以雙拼!
魚皮拼響鈴($48)
全部都係即叫即炸,入口酥脆,又唔會太油,
如果有埋酸辣醬就更惹味啦!😜
肥牛有三款級別:分別為普通、頂級、至尊,
普通嘅油花冇咁靚,而且會肥少少,
所以我地就揀左頂級手切肥牛(大)($248),
其實即係牛頸脊,
有適量油花,肉質鮮嫩爽滑,肉味濃郁,
牛魔王必試!🌟推薦❗
自家製手打,味道鮮香,口感爽彈!
花雕雞件($68)
份量係例牌,不過有雞髀位,價錢都算係合理!
不過花雕味唔算係好突出。
手打芝士牛丸($65)
牛丸加左黑椒嘅調味,
芝士餡係小編食過咁多次芝士牛丸最流心嘅~
而家打邊爐好少做有$28價位嘅萵筍片,仲要份量都唔少!☺️
黎打邊爐,最啱飲啤酒啤啤佢!🍺
從來唔知道Hoegaarden原來係有大支裝😂,
以啤酒來說,小編最鍾意Hoegaarden,因為小麥夠晒香醇濃郁,清爽易入口。
地址:
鍋居火鍋專門店 (深水埗)
深水埗福華街 191號地下
營業時間:
星期一至日:17:00-3:00
留言
張貼留言