有日同小妹係大角咀打完泰拳🥊之後,諗住係附近搵食~
見到「越旺美食」嘅晚市套餐幾抵食,就入去試下啦。
包自選越式小食、炒時菜各一款,兩款自選炒粉麵飯,和兩杯飲品。
因為小妹想食豬頸肉嘅關係,
所以我哋就揀咗C餐($240)~😂
成個餐嘅份量都好足,3個人share食都得!
越式豬頸肉(原價$60)
豬頸肉外皮微脆,唔會太熱氣,味道不錯,
勝在足料,一份有20塊切片豬頸肉!😳👍🏻
馬拉盞炒通菜(原價$63)
嘩,份量係平時坊間食嘅1.5倍!真係好抵食,
通菜新鮮爽脆,馬拉盞炒微辣惹味,正!
越式炆牛腩(原價$68)
味道冇我想像中咁越式(蕃茄香茅),比較似港式的柱侯醬味道。😂
不過勝在份量足!一碟有2x件牛筋腩!😳超抵食!
特式金牛河(原價$71)
配料好豐富,好似火車頭咁,鋪滿成碗河粉!😎
有生熟牛肉、牛腩、牛筋、牛丸等,
最正係生牛肉,肉香嫩滑,
牛骨湯頭清香,一啲都唔油膩,值得一試!
套餐包兩杯嘢飲,凍飲加$3,升級特飲半價。
椰汁綠豆冰(原價$28)
椰汁香濃,配上開邊綠豆,清熱解毒,更添咬口。
紅豆冰(原價$28)
味道正常,紅豆有三份一杯,都算合理。
最後,我地仲追加左一份印度薄餅($15)配印度咖喱汁($18)🍛
薄餅酥軟,配上風味馥郁嘅印度咖喱,夠晒惹味。
地址:
越旺美食 (大角咀)
大角咀中匯街37-39號地舖
營業時間:
星期一至日:11:00-23:45
留言
張貼留言