小妹生日，梗係要同小妹食個生日大餐啦！😂
上網做左research，
見到「三日月」鐵板燒性價比幾高！😏
晚市套餐$798/位起，包10道菜，
主角是北海道帆立貝、鮮活南非鮑魚，
自選項目也相當矜貴，
有深海野生白鱈魚、帝皇虎蝦、A4鹿兒島和牛薄燒卷或A5宮崎和牛西冷厚燒～
我地被安排坐係吧檯，咁就可以欣賞師傅即席為我們烹煮各款美食～☺️
我地要左兩份《三日月A5宮崎和牛鮑魚一人前套餐》～
酒鬼嘅我地仲叫左支清酒，平平地Chill下～😆
🍶加賀の月 三日月 本釀造 （$298/720ml）
原材料：五百万石
精米度數：65%
酒精度數：16
📝Tasting Note: 擁有優雅的香氣，微甜，清爽果酸口感，入口順滑，乾淨利落，完全沒有尾韻。
🔸前菜三小點：
明太子三文魚、味噌茄子、煙燻雞刺身
最特別係明太子三文魚，明太子大大粒卜卜脆，拌上三文魚，有豐富嘅層次感，微辣惹味！
雞刺身比較少食，煙燻過後肉香更突出～
🔹 時令宮城生蠔🦪生牡蠣
肉質肥美柔軟，味道濃厚爽口，鮮甜味美。
🔸 沖繩縣海葡萄沙律🥗サラダ
海葡萄其實是海藻，一看便知道是因為葡萄外形而得名。😂
配上雜菜沙律、車厘茄等，加上酸酸
甜甜嘅柚子醋，既開胃又美味。
🔹刺身五點
赤身、拖羅、油甘魚、帶子、牡丹蝦
全部刺身都好新鮮！☺️
最鍾意拖羅和油甘魚～～
拖羅入口即化；油甘魚厚切，魚油脂香～🤤
終於到鐵板燒環節啦～
店員先上個鐵板燒調味醬汁：酸汁、味噌（適合搭配和牛）、芝麻，
不過建議先試左菜式嘅原汁原味先～😏
🔸南非鮑魚 南アフリカアワビ
活南非鮑魚即叫即燒，保證新鮮，上枱嘅時候仲識郁～
鮑魚肉厚爽身，肉質軟韌細嫩，鮮味十足～
淋上新鮮紫菜及鰹魚湯自家調配嘅醬汁，
配上昆布一起吃，更提鮮～😋
🔹茶碗蒸し
加左松露油，味道更香，口感更嫩滑～
二揀一嘅菜式，我地各叫一份share食就可以試晒兩款～☺️
🔸 深海野生白鱈魚 きんむつ
只係用左胡椒、鹽簡單調味，
配上自家製白蜆汁，味道更鮮甜～
🔸帝皇虎蝦
師傅好有心機咁排返原隻蝦出黎！😂
虎蝦好大隻，肉質紮實，爽口彈牙，
配上自身嘅蝦膏製成嘅醬汁，味道更鮮香惹味。🤤
🔹A4鹿兒島和牛薄燒卷（+$100）
將薄切和牛輕輕一炙，再卷著金菇和香蔥，口感豐富！
Order左medium rare，熟成度拿捏得不錯，還有血水滲出來～
不過如果唔想咁油膩，最好食7成熟～肉香會更突出。
旁邊還附上香脆蒜片、配菜香菇、蕃薯和蘆筍等，
一啖野菜，一啖牛肉，就可以解一解膩。
師傅推薦之下，
我地仲額外追加左一份是日精選嘅香燒花魚，魚皮酥香帶脆，魚肉微鹹鮮甜，
配上蘿蔔蓉及香蔥嘅酸汁，美味しい～😋
🔸鐵板炒飯
特製嘅櫻花蝦炒飯加上酸梅製造嘅梅子醬，味道酸香開胃～
可以先吃一半炒飯，
另一半注入高湯變成茶漬飯，讓米飯吸收湯汁的精華，味道更鮮香美味！
🔸稻庭烏冬
昆布湯配稻庭烏冬，簡單而美味～
🔹味噌汁
🔸甜品
最後來個生日蛋糕🎂作完美嘅總結～☺️
地址：
三日月 (尖沙咀)
尖沙咀金馬倫道23號金馬倫廣場2樓B號舖
營業時間：
星期一至日：12:00-15:00，18:00-22:00
留言
張貼留言