懷舊🇭🇰雞煲火鍋，推薦沙嗲牛肉餃、芫荽墨魚丸！

 外國朋友話想食啲港式風味嘅火鍋，

所以就帶左佢黎尖沙咀一間樓上港式火鍋店—「龍鳳呈祥雞煲火鍋」，

以七、八十年代舊香港🇭🇰為主題，

加入舊式屋邨和大排檔等元素：綠色通花鐵閘、金龍鳳、舊汽水販賣機、留聲機等，

餐廳更會播放懷舊金曲，

連餐具都用上🐓大公雞碗，充滿懷舊氣氛。

Openrice仲有訂座優惠，

星期一至四，連星期六、日都有全單88折，

9pm後更有75折，好抵呢！😎

餐廳主打雞煲火鍋，

除了傳統的麻辣雞煲，

亦有獨創秘製口味，如鹹蛋黃醬雞煲和期間限定榴槤雞煲等。

⭐️推薦❗招牌無骨鳳翼釀雞煲（$278）

雞翼份量都幾多，有1x隻！😳

雞翼已預先起骨，釀入甘筍絲﹑西芹絲及墨魚滑，

配上特製惹味醬汁，每件都好入味，食落啖啖肉，口感十足，

食完雞煲可以免費加湯打邊爐，可選擇雞湯或豬骨湯。

⭐️推薦❗ 龍鳳呈祥牛肉拼盤（$338）

一碟有齊6款牛肉：手切牛頸脊﹑雪花肥牛、骰仔牛肉粒﹑牛柏葉、牛舌片和及牛胸尖，性價比超高，牛魔王必點！

而且份量足，3個人share食都得！

最欣賞手切牛頸脊，肉味香濃！💕

冇諗過沙嗲牛肉用黎做餃子🥟餡竟然係咁正！

⭐️推薦❗ 經典沙嗲牛肉餃（6粒）（$78）

餃子皮好煙韌，沙茶牛肉幾惹味，

不過如果可以加啲菜，唔係淨牛肉，可能會更加有口感。

⭐️推薦❗ 手打海量芫荽墨魚丸（$78）

手打墨魚丸有粒粒墨魚粒係裏面，好有咬口，

仲有海量芫荽，每一啖都食到芫荽，芫茜控必試之選！😎

豐盛雜菜拼盤（$88）

種類相當豐富！

有蓮藕、金菇、蕃茄、心形🧡嘅蘿蔔、唐生菜、娃娃菜。

食雞煲最啱就係叫杯啤酒啤啤佢，解辣解油膩一流！🍻

醇滑嘉士伯啤酒（$68/杯）

地址：

龍鳳呈祥火鍋雞煲 (尖沙咀)

尖沙咀加拿芬道16號金輝大廈2樓

營業時間：

星期一至日：12:00-01:00