係openrice搵尖沙咀嘅火鍋店,
「云手工火鍋店」就算係數一數二嘅粵式火鍋,
自家熬製嘅湯底有招牌頂級花膠雞煲翅鍋、金湯花膠雞鍋、松茸雞翅冬瓜魚鍋、火焰三椰雞鍋、火焰沙白蟹鍋、藥膳醉雞鍋等。
話明火焰就梗係有火🔥啦!😎
先用牛油炒香雞件,
然後注入料理酒後點火~
熊熊火焰🔥視覺效果滿分💯!打卡一流!
三椰指椰青、椰皇、椰子雞湯,將原個椰青、椰皇倒入鍋中🥥 ,再加入椰子雞湯煮滾 ,
每樣嘢都係真材實料,非常足料!煲滾後先飲一碗,湯頭清甜滋潤,超正!
打邊爐之前飲多幾碗😂
「云手工火鍋店」嘅火鍋配料勝在可以叫半份半份咁叫,
咁就可以試多啲唔同嘅款式。😏
🔸秘製蝴蝶腩($128)‼️推薦‼
蝴蝶腩是連接兩邊肺葉及豬肚的部分,每隻豬只有一塊,
中間筋膜嫩滑,肥瘦恰到好處,久煮不硬,口感十足,肉香味美,
用嚟配火鍋湯底,更添湯底清甜肉香☺️。
🔸香煎鵝肝墨魚丸($68/半份)
半份有4粒,
手打墨魚丸幾有咬口,真係食到有鵝肝係裏面。
🔸自家製黑松露蟹肉餃($68/半份)
自家製嘅餃子🥟皮薄餡靚,
一咬開,黑松露香氣四溢,啖啖蟹肉,
不過如果裏面加少量菜或會更有咬口。
🔸極茜豚肉餃($48/半份)
比較鍾意豚肉餃皮嘅質地,幾煙靭,
芫荽加豚肉,perfect match!👍🏻
🔸黃沙豬膶($68)
豬潤切成薄片,煮後爽嫩帶脆,口感如細沙一般。
🔸自家製響鈴($68)‼️推薦‼
即叫即炸,薄脆可口,
一份有6件,性價比高!
🔸豆腐($38)‼️推薦‼
百福豆腐豆味濃郁,超嫩滑~
有滋補嘅湯底,食豆腐就最啱啦!
地址:
云手工火鍋店 (尖沙咀)
尖沙咀加連威老道20號瑞生尖沙咀酒店3樓
營業時間:
星期一至日:17:30-02:00
留言
張貼留言