無限時任飲任食台式火鍋放題，必試自家製餃子！😎

 講到無限時任食台式火鍋，一定會諗起「鍋霸」！😎

無限時任食最大嘅吸引力，莫過於可以同朋友慢慢嘆慢慢傾偈！😏

全日供應三款套餐，每位$308起，

有超過60款火鍋配料，如安格斯肥牛、海鮮、鴨血、手工餃子等，

多款飲品🥤任飲～

仲可以選購酒精類飲品：啤酒、紅白酒都有，成班同事可以不醉無歸😂。

至於湯底，選擇都好豐富，共16款之多～想食鴛鴦湯底加$48就可以啦。

🔸藥膳椰子雞鍋

用椰漿代替椰水，味道香甜，

雞件全部都係🍗雞髀位置，肥美肉嫩。

🔹養生姬松茸什菌鍋

鍋內配料十足，有姬松茸、豆卜、冬菇、粟米等，味道清香健康～

打邊爐之前可以先調配個醬汁，仲可以試吓餐廳推薦嘅黃金比例～😏

自家製手工辣醬🌶️辣勁十足，嗜辣嘅人必試！

前菜麻辣手拍青瓜和秘製麻辣木耳，係可以無限追加。

每枱都會奉上一份自家製Shake Shake鹹蛋黃魚皮，

將魚皮放入紙袋，再加入調味粉Shake勻，

調味粉有海苔、芝士、梅子和香辣。

不過本身鹹蛋黃魚皮唔沾其他調味粉，都已經夠鹹香惹味！☺️

📌$308及$408最大分別在於牛肉和豬肉嘅級別！

$308餐嘅Prime Grade美國安格斯肥牛其實都相當唔錯，肉香味美！

⭐️推薦❗ Prime Grade安格斯牛頸脊

牛頸脊即牛頸與肩胛之間，這個部位運動量較多，所以肉質爽滑有咬口，甘香味濃。

至於豬肉片嘅味道，

雖說無激素豬肉片其實唔差，食落一啲都唔嚡口，仲有柔和嘅甘香，

但伊比利亞黑毛豬就更優秀！🤤

⭐️推薦❗西班牙伊比利亞黑毛豬

口感柔軟，肉汁豐富，回味甘香～

海鮮種類都唔少，

有海蝦、脆骨腩、脆鯇魚片、白鱔片、魚雲、深海魚柳等。

其他火鍋料都相當唔錯，

有幾款自家製手工丸及餃子🥟都幾出色！

⭐️推薦❗手工潮汕豬肉丸

採用新鮮豬肉手打而成，肉質鮮嫩，味道可口，一試難忘！

⭐️推薦❗手工梅菜豬肉丸

豬肉丸好食，但加埋梅菜就更鹹香惹味！朋友足足encore左3-4碟😂

⭐️推薦❗手工香菇雞軟骨餃

餃子皮煙韌，雞軟骨餡好有咬口！😂必試！

⭐️推薦❗足八吋長蟹棒

小編最鍾意食蟹柳，結實有韌性，極仿真，鮮味十足！

仲有芝士小籠包、墨魚腐皮條、濃芝豆腐燒、芫荽燒賣都值得一試！🥰

飲品選擇多，有多款汽水、台式果茶等，

亦有自家製樽仔冷泡茶和涼茶，

有凍有熱，

啱晒養生me😂😂，暖暖哋飲個薑母茶超正！☺️

甜品每人有Häagen-Dazs雪糕一份，作為完美嘅總結！😎

💰價錢：

成人$308/位起；小童$178/位起（無限時）

星期五、六、公眾假期及前夕則每位加$10

📌7:30pm前離座可享8折優惠、9pm後入座可享85折優惠

值得一提嘅係，

「鍋霸」嘅座位好闊落，坐得好舒服😌，

而且抽風做得好好👍🏻，食左幾個鐘都冇咩油煙味，

餐廳好細心，長期會放定兩壺湯底係旁邊方便加湯，

而且店員服務好好，收碟好快，

食物又有質素，價錢合理，性價比高！

地址：

鍋霸吃到飽台式養生火鍋 (創興廣場) (旺角)

旺角彌敦道601號創興廣場4樓

營業時間：

星期一至日：12:00-24:00