$198嘆盡龍蝦海鮮拼盤和真材實料南瓜湯～😋

住在鑽石山的小編，

不時都會在區內搵食。🙈😏

之前食過「玫瑰餐廳陳儀興」（下稱陳儀興），

火鍋配料新鮮又抵食，真係讓人食過返尋味！

所以襯復活節假期，就孝順下家中兩老～😜

店裡裝修如普通茶餐廳，但絕對是簡樸實戰形！😆

座位大部份都是靠牆的卡位，

有電視高高掛在牆上供食客收看。

夥計依舊有親切感，

還會為我們介紹是日新鮮海鮮來貨。😏

餐牌除了有各式小炒選擇之外，

還有各種火鍋湯底或特式靚煲，選擇十分之多，

除了有傳統重慶辣雞煲，

又有花雕雞煲、豬肚雞煲、娘惹鴨煲、椰子雞煲等，

最近還有新出品－龍蝦拼盤配南瓜海鮮湯（$198）。

$198就包齊龍蝦拼盤和南瓜海鮮湯，

仲送埋時菜一碟，真係抵到爛！👍🏻😳

點可以走寶？🙈😆

南瓜海鮮湯材料豐富，

除了南瓜外，還有不少粟米、蕃茄等一起熬，

打邊爐前先喝一口湯，湯頭鮮甜味美，

南瓜味微微地滲透出來～😋

加上龍蝦海鮮拼盤原個和盒海鮮拼盤上陣，

擺設精美，未食已經讓人流晒口水。😍

😍材料很豐富，而且款款都是新鮮靚料！

足足有6款之多，

有原隻龍蝦、蟶子皇、海中蝦、本地蠔、新鮮青口和大蜆。😍

最令我驚喜的是原隻龍蝦，

斤兩十足，足足有一隻手掌之大～✋🏻

龍蝦被切開了一半，還看得見不少蝦膏呢！😎

涮5、6分鐘左右，

就可以品嘗到肉質彈牙，鮮味十足的龍蝦肉，正！😋

蟶子皇一如既往，鮮甜肥美，好味道！

食海中蝦蝦膏香甜，肉質彈牙；

本地蠔大大隻，洗得很乾淨，

食落沒有多餘的腥味；👍🏻

新鮮青口和大蜆都很鮮味，洗得乾淨，沒有半點沙，很不錯！

沒想到拼盤咁落足本，😳

一個拼盤有齊多款新鮮海鮮配料，

價格又便宜，性格比很高。👍🏻🤗

隨海鮮拼盤和南瓜湯附送的唐生菜鮮嫩爽脆，

吸盡了湯底精華，好滋味！👍🏻

一客份量還相等於一份單點蔬菜（原價$18），

所以話，呢個套餐真係超抵食！🤑

自家韮菜餃（$42）

一份有6隻，

每隻自家包製的餃子都皮薄餡靚！

從薄薄的外皮已經隱約透露了包在裡頭嫩綠色的韭菜，😳

食落啖啖菜肉，鹹淡又適中，值得一試！👍🏻😋

最值得推薦就是招牌手切本地肥牛（細）（$138），

份量十分足，😳

而且塊塊牛肉厚薄適中，脂肪分佈又平均，

絕對是上等貨色！😎

把牛肉涮到變色就食得～😏

嘩～一咬落去便吃到牛肉油香，軟腍多汁，牛味香濃，🐄

咁有水準的牛肉，價格仲要咁平，性價比非常高☺️！

除了牛肉正，🐷豬肉也相當不錯呢！

媽咪一見到菜單，便要求叫「豬面肉」，

原來「豬面肉」又叫「肉青」，

是豬的面珠和下顎之間至前腿前面條頸的肉～

鮮肉青（$42）

和平常豬頸肉的賣相差不多，肥瘦相間，

涮完嘗起來比普通豬頸肉更爽口鮮味～👍🏻

極品西班牙豚肉（$88）

薄切西班牙豚肉，像牛肉一樣涮至變色便可吃～

肉質軟嫩，肉味十足！🐖

響鈴卷（$32）

沒想過小店每樣都親力親為，

連響鈴都是自家製～😳

自家製響鈴即叫即炸，

而且自家製作一卷卷了多層，層次十分豐富，

浸一浸湯，外脆內軟，正！😎

蜂巢凍豆腐（$38）

不要以為豆腐只是普通配菜，

只要湯底正，吸湯的豆腐便是人間極品～😇

軟得像海綿、層次感極高的蜂巢豆腐，

吸盡了南瓜海鮮湯的鮮甜，

一咬落去，湯汁便在口腔中爆發～好食唔洗講啦！😌

西洋菜（$18）

所有蔬菜一律都是$18，

而且全都是大大份，好抵食！🤗

雞件（$42）全都是啖啖肉的雞柳片，

肉質鮮嫩入味，不錯吃！😋

脆鯇魚片（$42）新鮮爽脆，

愛魚之人不可錯過！👍🏻

咸檸碧（$21）

打完邊爐飲杯原個咸檸溝雪碧，即刻gur晒～😆

整體來說，

「陳儀興」的南瓜海鮮湯味道不錯，

龍蝦拼盤大份夾抵食，性價比非常高！👍🏻☺️

其他火鍋配料都很有水準，

尤其是肥牛🐮，更是上等質素～

下次要再黎試其他口味的雞煲或特色湯底火鍋至得。😏

地址： 玫瑰餐廳陳儀興 (新蒲崗)

新蒲崗爵祿街33A-37A號百勝工廠大廈地下

營業時間：星期一至六：07:00-00:00 

星期日休息