跳到主要內容

超抵食隱世日式燒肉店,九宮格超值!😎

前排見到ig有好多foodie話筲箕灣新開左間日式燒肉專門店「激安燒肉工房」,
影個九宮格燒肉拼盤好吸引~😍
所以就專登同食肉獸小妹黎黎試下~
注意⚠️:餐廳只收現金!

餐廳位置係筲箕灣地鐵站和西灣河地鐵站嘅中心點,
從地鐵站行過嚟十分鐘左右,
唔想行嘅話可以搭叮叮,都算方便易找。
一睇門口嘅poster就知道餐廳有幾黃啦!



餐廳有跟足政府嘅食肆人流管制,
進入餐廳前先量度體溫,亦有提供消毒潔手液,枱與枱之間最少要有1.5米距離。👍🏻
環境都幾闊落,坐得幾舒適。


Scan QR code就可以落單,簡單又方便~

肉類嘅選擇豐富,
單講牛肉已經超過十幾種,
海鮮睇落好新鮮~
全部都只係$28一款,數量有限,售完即止。

而家SAPPORO生啤仲做緊買一送一優惠,
食燒肉梗係配啤酒啦!🍺😏


牛肉太多款式唔知食咩好?
就可以揀九宮格牛肉拼盤!
九宮燒牛盛合  ($288)
有齊9款不同部位嘅牛肉:
草飼牛牛肋肉、黑毛牛小牛排、一口牛梅花 (自信紫蘇漬)、美國頂級Prime牛小排、A4宮崎和牛牛頸脊、穀飼牛霜降、安格斯牛仔骨、厚切牛舌和安格斯牛三角,

不過強烈建議店家可以參考下日式居酒屋咁加返啲label比牛肉,
如果唔係都幾難估到咩部位打咩部位,
想再encore都唔知點order🙈😂

🌟推薦❗️ A4宮崎和牛牛頸脊
有着雲石般細緻嘅油花紋理,
筋肉間帶網狀細小脂肪,入口肉香軟嫩~

🌟推薦❗️厚切牛舌好重本,
厚切口感爽彈,肉香十足!

🌟推薦❗️一口牛梅花 (自信紫蘇漬)
紫蘇嘅口味幾鮮香,幾特別,值得一試!

我地仲因為期間限定優惠價追加左鹿兒島A4和牛西冷,
一客有兩塊,
雖然係薄薄兩片,但其肉汁豐腴,十足十係日本🇯🇵食嘅水準!


從活元貝 ($28/)嘅光澤就睇得出有幾新鮮!

有清酒、牛油、蒜蓉、明太子等口味選擇,
店家毫不吝嗇擠左一大pat明太子醬~☺️
明太子微辣惹味,更添鮮味~正!🌟推薦❗️


椒鹽雞軟骨($12
大大粒,口感爽脆,不錯吃!

最後,我地仲叫左芝士年糕($28)自己燒,
不過真係要好有耐性先燒得好!
為求佢燒得夠均勻,我地起碼反轉5次以上,😂
識食一定係配煉奶!🌟推薦❗️


地址:
激安燒肉工房 (筲箕灣)
筲箕灣新成街8號新成中心地下F號舖

營業時間:
星期一至日:18:00-2:00

留言

這個網誌中的熱門文章

Shisha、飲酒,傾計好地方!😏

跟 shisha 朋友去左一間隱世 shisha bar , 感覺幾清靜,適合談心又幾 chill , 想傾計,又唔想太嘈,呢到就啱晒啦! 😏 呢到有好多與別不同嘅 shisha 口味, 香港奶茶有、 fml 有、 polar bear 都有,好特別呀! 😍 我地要左 hong kong milk tea , 一開始食,真係有淡淡嘅奶茶味滲透出來,真的不錯喔! 👍🏾 Darren ( $98 ) 以四種烈酒做 base 嘅 cocktail , 加上兩款橙酒做配搭, 橙味十足,鍾意飲烈酒嘅 foodie 可以一試! 🤭 Annabelle ( $98 ) 呢杯啱晒女仔飲, 有椰子酒、 Bailey’s 等, 容易入口得黎,又夠晒 creamy ,正! 😏 地址: NU AER Shisha Lounge ( 尖沙咀 ) 尖沙咀赫德道 11 號利就商業大廈 2 樓 營業時間: 星期一至六: 18:00-04:00 星期日: 19:00-02:00

誰說只有長洲芒果糯米糍最好食?😏

糯米糍一直都是小編和肥妹的最愛 ❤️ , 因為我們最喜歡糯米糍煙煙韌韌的口感。 😙 近年,「長洲糯米糍 」衝出長洲, 全因長洲一間甜品店把這種街坊小食加以改良, 把每個糯米糍都弄得有如半個手掌之大, 😳 𥚃面還有一整片的芒果肉,大大件的造形招徠不少食客。 後來,市面更出現了多間標榜自己為「長洲芒果糯米糍」或芒果糯米糍專門店,遍佈港、九、新界, 如果問我邊間係來自長洲的原創店,真的是無從稽考! 🤔 來自長洲與否,其實不是很在乎,小編在乎的是那一家最好吃便是了! 😏 別看這「聰記」寂寂無名,幫襯的食客都不少! 😯 大部份食客都會買一盒 M size 的芒果糯米糍(原價 $12 ), 因為唯獨只有 M size 的芒果糯米糍買 5 送 1 ,即一個糯米糍 $10 就有,都算便宜。 不過因為第一次食,為了試下好唔好食,所以我們二人 share 一個 XXL size 的芒果糯米糍便好! ☺️🙈 XXL size 芒果糯米糍( $18 ) 不愧是 XXL ! 😍😍😍 竟然有一個手掌般大 🖐🏻 ,果然很吸睛! 👀 外皮口感煙韌軟糯, 雖然皮並不算薄,但個人來說,這樣的厚薄都算可以接受。 裡面包着一大片厚厚的新鮮呂宋芒果肉,吃起來果肉多汁可口。 😋 不過可能是秋季的關係,芒果吃起來不夠香甜, 但其芒果香倒是不假,沒有浸過糖水的虛偽感! 😏 整體來說, 「聰記」的芒果糯米糍都算值得一試! 小編認為芒果糯米糍最重要是貨真價實,要不然食客食過一次便會投奔第二家,畢竟這行競爭不少。 而「聰記」的糯米糍用料和份量絕不吝嗇, 吃起來啖啖芒果肉,確實不錯吃! 👍🏻 另外,店裡還有榴槤和奇異果等不同口味,味道創新,下次一定要再食過返尋味! 而家不用入長洲都可以吃到好吃的芒果糯米糍了! 🙈 地址: 聰記糯米糍 ( 灣仔 ) 灣仔軒尼詩道 289 號地下 B 號舖

轉角遇到三才,街坊價無味精魚蛋粉😋

銅鑼灣旅客區出名高消費, 食個麵都要分地區價, hea hea 地食都要 $40-$50 ,所以要食平野真係無咩選擇。 😞 有日係公司附近,見到有個「二奶架」介紹有間平價麵食係渣甸坊裡面,所以就和同事試試。 🙈 入到去比我想像中多食客, 明明已經下午兩點,早已過了打工仔食飯的黃金兩小時,都仍然差不多滿座。 😯 見有食客一來,唔洗點餐老闆娘就知佢食咩,可見食店都頗受街坊熟客歡迎呢! 見炸墨魚蝦條係「三才」的招牌當然要試下啦! 不過竟然兩點已售罄,看來想食的話,下次要早 d 黎啦。 😞 但老闆娘見我食唔到墨魚條,唔想我失望而回就推薦我不如試下炸墨魚片。 所以我們就叫了碗魚旦魚片河、韭菜餃炸墨魚片河、鮮炸魚皮和一杯凍檸茶(粉麵配熱飲加 $5 、凍飲加 $7 )。 魚旦魚片河( $33 ) 聽聞魚蛋是「三才」每日親自手打,果然是有些分別! 魚蛋魚味十足,口感爽滑彈牙,都算不錯呀! 湯底本身比較清淡, 而每碗都有少許蔥、蒜蓉及冬菜提味, 旁邊亦有辣椒油、魚露、醋等調味料自由添加。 韭菜餃炸墨魚片河( $33 ) 係餐牌上見唔到炸墨魚片,莫非是隱藏餐單? 😏 炸墨魚片真的是小編第一次見。 和魚片一樣,外皮有一層炸皮,裡面包着墨魚肉, 但不是魚片那種軟滑的口感,而是比較紮實爽口,都算值得一試。 自家製的韭菜餃皮薄餡料適量, 但重口味的我就覺得韭菜咬落不夠爽口,味道比較淡,可能是因為店家着重健康不加味精的關係?! 🙊 值得一讚的是河粉晶瑩剔透,口感滑溜,滑到我夾左好多次都夾唔起 😂 鮮炸魚皮( $15 ) 一吃便知道炸魚皮是自家製, 魚皮炸得薄身香脆,魚香味濃郁。 嘩,原來還有下午茶優惠時段( 14:30-18:00 ), 每位最低消費 $25 ,就可以免費送油菜一碟、魚皮一客或熱飲一杯。 下次來吃下午茶就更便宜了。 🙈☺️ 地址: 三才魚蛋粉麵 ( 銅鑼灣 ) 銅鑼灣渣甸坊 48 號采怡閣地下 6 號舖 營業時間:星期一至日: 11:00-21:00