上次跟過長沙灣地膽黎過保安道街市嘅市政大廈食蒸氣火鍋,性價比超高!
所以今次又黎食過返尋味啦~😎
而家疫情關係,
店家會入座前先幫我地量體溫,
再比熱水我地自己洗碗筷,感覺更衛生!
雞煲任食火鍋都只係$138/位,
蒸氣海鮮任食火鍋 $218/位,
支裝汽水任飲,
平時飲一支都要十幾廿蚊啦,
任飲青島純生啤酒都只係加$20/位,
啱晒一大班人聚會互劈😂😂,
餐廳仲要唔收加一,真係好抵呀!😍
先來一盤是日精選海鮮拼盤先~
有鮑魚、海蝦、大元貝、貴妃蚌、大蜆、桶蠔、蟲草滑雞、美國牛小排等,
我地仲額外加碼$20/位,每位多隻龍蝦~
果然係街市裏面,海鮮都好新鮮啲!
🌟推薦❗️ 龍蝦幾肥美,有好多蝦膏,
肉質鮮甜爽彈,正!
🌟推薦❗️海蝦新鮮,肉質爽彈,
重點係可以無限encore,必點之選!
鮑魚雖然上枱嘅時候唔識郁,但食落軟腍鮮味。
🌟推薦❗️貴妃蚌和大元貝大大隻,肉質爽甜,
🌟推薦❗️桶蠔好大隻,有半隻手掌咁大,味道鮮甜!
美國牛小排幾新鮮,肉香味美。
食完呢盤海鮮拼盤,
就可以追加其他火鍋配料啦!☺️
可以揀繼續蒸,或加粥底,或轉打邊爐~
有超過70款嘅任食火鍋配料,
海鮮如海蝦、沙白、帶子、大獅蚶、大魚頭、魚卜、鱔片、脆肉鯇魚片等都係任食,
🌟推薦❗️獅蚶幾大隻,肥美多汁。👍🏻
🌟推薦❗️帶子鮮甜,值得一試!
上次食過「林洪記」嘅海鮮呀魚呀,全部都好新鮮,
今次🌟推薦❗️脆肉鯇魚片,新鮮爽脆!
自家手打嘅墨魚滑,
味道鮮香,口感爽彈,必試!🌟推薦❗️
鐘意食蟹嘅不妨試下香辣炒蟹,
連殼都炸到超脆,甚至係可以食,
蟹肉都幾飽滿,味道亦幾惹味~
不過始終覺得有啲浪費左隻蟹,
因為蟹肉有啲炸得太過,冇晒蟹本來嘅味道和口感,
如果可以就咁提供生蟹用黎蒸煮,可能仲好!
🌟推薦❗️新鮮雞腸
超新鮮嘅雞腸,味道鮮香,正!
整體來說,
唔知係唔係始終近街市有近街市好,材料全部都新鮮過人,
價錢亦都好街坊價,性價比超高!👍🏻
地址:
林洪記 (長沙灣)
長沙灣保安道325號保安道街市3樓CFS4號檔
營業時間:
星期一至日:18:00-3:00
留言
張貼留言