講起韓國🇰🇷燒烤,
一定要講下「喜來稀肉」,
仲記得當初「喜來稀肉」登陸香港嘅時候,大排長龍,
當時提供爐邊烤蛋嘅韓燒店不多,而「喜來稀肉」正正係屈指可數可烤蛋嘅,
所以大家都為左爐邊蛋、護心肉去潮聖~
餐廳以地道韓式油桶燒烤風格,
打開油桶蓋,裏面可以放私人物品,
圓形燒烤板上配有獨立抽氣扇,
環境都幾闊落,坐得幾舒適。
餐廳有跟足政府嘅食肆人流管制,
進入餐廳前先量度體溫,亦有提供消毒潔手液,枱與枱之間最少要有1.5米距離。👍🏻
每枱都會有四碟配菜 :
醬醃大豆芽生菜、特製泡菜、醃蘿蔔、醃青瓜,味道都算不錯。
原來而家多左套餐可以order,
我同小妹二人套餐就啱啱好啦!😏
兩人拼盤套餐有一頭豬、一頭牛或者韓牛特殊部位可以揀,
我地揀左一頭牛,連價錢$520都好sweet😂😂,
一頭牛有齊招牌喜來烤肉、牛五花、特級牛頸、牛肋骨肉和烤調味牛排骨。
🌟推薦❗️喜來烤肉
牛肉砌到好似朵玫瑰花咁,好有心思,☺️
色澤鮮紅,肉質軟嫩。
包上醋飯一齊食,感覺有啲日式tim~
🌟推薦❗️牛肋骨肉肉味最香濃!
牛頸肉厚切,肉味雖比較淡,但嚼勁十足!
牛五花紅白相間,肥瘦適中。
烤調味牛排骨本身已經用醬料醃好,味道鹹香。
食韓燒,梗係要用蔬菜包住食啦!
仲可以加埋蒜片和蘸上辣椒醬,更添惹味。
最後梗係唔少得爐邊蛋啦!
一邊係芝士味,一邊係泡菜味,
仲可以無限refill任食,正!
套餐仲包埋兩罐韓國果汁。
地址:
喜來稀肉 (旺角)
旺角廣華街3號百利達廣場地庫
營業時間:
星期一至三、日:12:00-00:00
星期四至六:12:00-1:00
留言
張貼留言