近年因為新型屋苑發展,越來越多美食餐廳進駐大角咀~
今次我地就去左一間名為「賦湯稻火」嘅家庭式火鍋店打邊爐~
除咗可以單點之外,
仲有按人頭計份量嘅火鍋套餐,
或者冇海鮮。
我地倆口子就揀左精選套餐($238/位),
咁就可以一次過試多幾款火鍋配料啦!😏
原本套餐係包清湯底,
但係我哋就加咗$190升級為鮮椰青雞鍋,
椰青雞鍋完全無添加任何調味和水,
我哋親眼睇住店員倒咗三個椰青水落個鍋度,😳
保證100%純淨,貨真價實!
湯頭好清甜,
店員仲會刮埋啲椰青肉出嚟俾你食,
雞鍋本身包半隻雞,肉質厚而結實,
肉味香濃,甜而不油。
飲晒啲湯之後,就可以加雞湯打邊爐~
🌟推薦❗手切牛頸脊
好大碟!😎😎
有適量油花,肉質鮮嫩爽滑,肉味濃郁,
牛魔王必試!
🌟推薦❗美國黑豚腩片
雖然豚肉只係得4塊
不過每塊都有手掌咁大塊,肉香味美。
套餐本來跟日本雞頸肉,可惜當日冇晒貨,
所以餐廳幫我哋換左做農家雞件,
不過雞件都唔錯,都算新鮮。
自家製手打丸、餃子、炸響鈴
小編就好欣賞個手打墨魚丸,夠晒彈牙!☺️
手打牛肉肉味都幾濃郁,
自家製韭菜餃皮薄菜多,不錯吃!
不過如果可以多一款式就好啦~🙊
響鈴即叫即炸,就咁食都已經得啦!
如果配埋酸甜醬就更好。😂
田園雜菜盤
菜嘅款式都算合理。
飲品方面,
有啤酒、紅白酒、清酒、威士忌,
唔飲酒嘅話,有汽水同涼茶。
埋單嘅時候發現,
原來套餐價錢已經包咗茶芥同醬料,好抵呀!
午餐都只係$68起,
下次係附近返工,要帶埋同事嚟食~😜
地址:
賦湯稻火 (大角咀)
大角咀嘉善街36號福祥樓地下6及13號舖
營業時間:
星期一至日:12:00-00:00
留言
張貼留言