冇諗過旺角都咁出色嘅甜品店~😎
係朋友介紹之下認識左「My Wish Dessert Shop」,
同埋知道容祖兒等明星都捧過場,
梗係要試下係咪真係咁出色啦!
咁啱小編8月個時要買散水餅,
又知道佢地有做散水餅,包裝精緻,價錢又相宜,
所以買散水餅之前,就黎試下佢哋嘅甜品先~☺️
我地兩個人order左兩份甜品,
Order完之後,每人都會有一件精美嘅餐前小食~相當有心思!
雪白豐盈泡沫,用薄薄嘅米紙包着,放進口中,係兒時嘅回憶~☺️味道神還原,一定估到!😏
我唔講係咩啦,到時候等店家會開估!😂
⭐️推薦❗️芒果拿破崙配自選雪糕🍦
雪糕係店家自家製,
時日雪糕有豆腐味和椰子🥥味,
芒果🥭配椰子,係相當唔錯嘅配搭!😏
由三層酥皮夾着兩層自家製香滑吉士醬,
拿破崙酥皮層次分明細密,酥脆甘香,
再配上香甜呂宋芒一齊食,正!😋
呢個雪山嘅器皿真係好靚,未食已經令人充滿期待!🤗
⭐️推薦❗️ 🍫特濃朱古力心太軟
一切開,暖笠笠嘅朱古力醬便湧出嚟!😍
朱古力香滑濃郁,應該係用上75%濃度以上嘅朱古力,
所以唔會太甜,又唔會死甜,
旁邊配上oreo,口感更豐富,
食嘅時候配上冰凍嘅豆腐雪糕或忌廉,冰火交融,口感刺激,
又可以中和一下心太軟嘅膩感~
✏️ P.S.散水餅超抵,我叫左30份迷你甜品組合($42/份)
(原諒我散水個日太忙,張相影得唔係好靚,只係同事回圖 😂🥹)
甜品款式6選3,
最欣賞係全部獨立包裝,分派方便,包裝精美,
而且店家用保溫紙箱📦,保證食物嘅質素💕,
我自己隔左成6個鐘先食,個拿破崙仲係脆😳
地址:
My Wish Dessert Shop
旺角通菜街34號地舖
營業時間:
星期一休息
星期二至日:14:00-23:00
留言
張貼留言