住黃大仙嘅小編梗係要發掘下黃大仙嘅美食啦!😏
最近有間新開小店「家常麵」,
主打手作餃子🥟、酸辣米線和擔擔麵,小編就最鍾意食餃子和酸辣米線,所以梗係要試吓啦!😏
仲有菜飯、燉湯、小食和健康花茶。
⭐️推薦❗️蟲草花燉乳鴿湯($39)
燉湯好抵飲!
足料補身!味道清香!
燉乳鴿滋補肝腎、調精益氣,老少咸宜~
⭐️推薦❗️炸雲吞($30)
同平時食開嘅炸雲吞有啲唔同,
呢度嘅雲吞皮比一般嘅更有咬口,而且炸到激脆,真係食到咔嚓咔嚓,脆到好似食薯片咁!☺️
配上微辣惹味嘅泰式辣醬,好惹味!
不過肉嘅份量只有一口,如果多肉啲可能會更好🤔,不過都係值得一試嘅!酸辣米線($28)
採用自家秘製辣椒醬作為湯底,
配上榨菜肉絲、黑木耳、生菜,
味道酸香微辣,幾惹味!
⭐️推薦❗️花生醬拌餃子🥟($38)
呢個配搭真係好新穎!味道意想不到地夾!☺️
鍾意花生🥜味嘅foodie一定要試吓!
一客有8隻餃子,性價比好高!
老闆娘自家包製嘅餃子🥟,包到好似一條金魚咁,優雅生動!
餃子皮薄而滑,餡料足,多菜少肉,正!😋
除咗招牌花生醬拌餃子,
馬太手作嘅餃子仲有4款口味~
白菜、韭菜、椰菜和芹菜豬肉餃~
餃子可以揀蒸、湯、拌、白灼4種烹調方法。
⭐️推薦❗️灼餃子🥟($28/6隻)
餃子皮薄餡靚,
韭菜豬肉餃香濃味美,
椰菜豬肉餃比較有咬口,味道清甜。
蘸上自家秘製辣醬一起吃,少麻多辣嘅辣菜脯,更添美味!
⭐️推薦❗️薄荷檸檬🍋茉莉花茶($15)
真係用新鮮薄荷葉和茉莉花沖製而成,淡淡嘅檸檬香,味道冰爽涼快,開胃又消膩。
豆漿($8)
香濃幼滑,甜度適中,飲到底都無渣,
Order任何一款主食,仲可以跟餐$5有杯豆漿。
星期一至五,仲有好多唔同嘅優惠,
下午茶(2:30pm-5:30pm)只係$20起,
學生餐都只係$45起,仲包埋嘢飲!好抵!😎
地址:
家常麵 (黃大仙)
黃大仙鳳凰新村環鳳街11號地舖
營業時間:
星期一至日:11:00-23:00
留言
張貼留言