渡船街多美食就人人皆知,
只談串燒店已有好幾家,但咁多間食邊間好?真係諗到頭都大埋!🙄
為食媽話試過其中一家不錯,又有多年的口碑,
所以放工後便和同事來試試看。🙈
「渡船角」門面裝修樸素,並無花巧。
裡面坐位整齊有序,環境寬敞。
可能時間比較早,所以沒有太多食客。
餐廳主要以「蠔」為招牌菜,
即開生蠔和燒生蠔固然少不了。
亦有供應其他不同的海鮮美食;燉蠔湯、燒龍蝦、燒貴妃蚌、燒蟶子王、燒各種活蝦等。
還有各式燒肉和烤蔬菜,應有盡有!
經店家介紹,當天的日本厚岸蠔肥美多汁,就來3隻吧!😏
鹽燒日本厚岸蠔(3隻)($49)
原隻新鮮生蠔用上沖繩天然海鹽調味,
燒熟後其海水味更突出,令人齒頰留香,
蠔保持其鮮甜juicy,一咬就爆晒汁,正!😙
天山菌香蠔湯($25)
原盅燉湯用老人頭菌、牛肝菌及廣島蠔等熬成,乳白色的湯水入口鮮甜可口。😌
湯裡面還藏有一隻剛熟的廣島蠔,蠔有如豆腐般幼滑,真材實料,真的物超所值啊!🤘🏻
鐵板芝士焗蠔($68)
芝士迷必食的芝士焗蠔終於上場了!😳
一客有4隻,都算抵食!
雖然是鐵板,但蠔保持鮮嫩多汁,
加上鹹香拉絲的芝士,好「芝」味啊~!☺️
蒜油什菇包($39)
各式各樣的菇菌;金菇、雞脾菇、秀珍菇、香菇等,用錫紙包着來燒,什菇燒得剛好,1d都唔會太dry!
混合了香草和牛油,食落香口又惹味。😋
看似普通的什菇包,做得好食又唔馬虎,愛菇🍄之人不可錯過!
香燒Agu荔枝卷($33)
軟嫩的沖繩宮古黑豚肉包著荔枝,
雖然荔枝在冬天不當做,但仍然鮮甜可口。
荔枝去油膩之餘,鹹甜味道夾得剛剛好,食多幾串都唔會覺得膩!😌
原隻8吋大虎蝦($63)
一隻手掌咁長的新鮮大虎蝦,話有8吋真係絕不花假!😍
用料新鮮關係,店家沒有用特別的調味料,只用上最普通鹽和黑椒去燒,就能把虎蝦的鮮甜原味帶出。
蝦肉肉質結實,爽口彈牙,值得一試!😋
值得一提的是店家做緊推廣優惠,
食客可以優惠價$28享用原價$48的三文魚刺身一客,每枱限叫一客。
件件三文魚都肥美軟嫩,魚油脂香,
一客就有5片,真的很抵食!😎
整體來說,
「渡船角」主張不用花巧修飾或調味,
只用天然的海鹽,盡將新鮮海鮮食材的原味誘發出來。
各類海鮮價格都算親民,是適合跟朋友食個宵夜,把酒聊天食個下酒菜的好地方。😏
地址:渡船角海鹽燒 (佐敦)
佐敦渡船角文苑街17號地下
營業時間: 星期一至日: 17:30-01:30
留言
張貼留言