耀華街是銅鑼灣數一數二的酒吧街,
那裡的食店也比較多,
其中百樂中心是不少餐廳的匯聚點。
知道媽咪鐘意食上海菜,得知百樂中心有家名為「京.花朝」幾出名,就帶媽咪來試試吧!😏
店內裝潢相當雅緻,
有不少盆栽和古色古香的陶瓷玉器作擺設,
實木餐桌椅為餐廳打造成富有古裝庭園的感覺,
和這個主打京滬菜的👲🏽中菜廳相呼應。
餐廳食物款式都算多,
其中比較抵食的就係多人套餐,
見邂餚宴(兩位用$388)有冷盤,有燉湯,有菜有肉幾抵食,就呢個套餐啦。😏
先來的是特色小食和茗茶,
值得一讚的是合桃炸得香脆可口,鹹甜滋味,
連小食都不馬虎,主菜真的令我很期待呢!😳
京式兩小碟,
雞絲粉皮Shredded Chicken in Crystal Flour Noodles
粉皮厚薄切得剛好,口感軟滑又帶少少煙韌,雪得又夠凍,
再配上爽脆青瓜和雞絲,
作為雞絲粉皮愛好者的媽咪表示大愛❤。
北京醬蹄 Peking Style Sliced Pig's Knuckle
香軟滑膩的醬肘子,讓人看一眼就食慾大增,
忍不住想要咬上一口~😍
別以為豬蹄很肥!其實豬蹄皮厚筋多,
膠質重,瘦肉多,肥而不膩!😋
而且營養價值也很豐富,
豬蹄含有大量的膠原蛋白質,具有補鈣美容的功效。🤗
配上特調的酸甜辣汁,作為前菜十分開胃。
吃過冷盤,原盅燉靚湯便送上來~
燉湯內的材料豐富,有蓮藕、瘦肉等,
味道鮮甜可口,完全真材實料,唔覺有味精,
極像平日媽咪平常煲的老火湯。😙
最深得我和媽咪歡心的🤗就是這碟花鵰話梅醉蟹腳 Drunken King Crab Legs with Plums
賣相很吸睛👀呢!未食已經覺得流晒口水。
店家標榜其蟹腳是用上亞拉斯加皇帝蟹🦀,
蟹腳都算大隻,只要用膠剪左右剪2刀就開到,非常方便。🤘🏻
蟹肉結實鮮甜,花鵰酒味不算太強烈,沒有蓋過蟹腳肉的鮮甜味。
啖啖肉啖啖酒香,真的很入味!😌
而且店家還用上話梅來調味,細嚼時會滲透出微微的梅香,酸酸甜甜,幾開胃!
紅燒獅子頭 Braised Pork Balls in Soy Sauce
獅子頭肥瘦比例剛剛好,
經過油炸後,肉汁盡封在丸子裡,
而且獅子頭裡應該還加了吸味的豆腐,令到口感更軟嫩,
肉丸燜煮得軟稔入味,如果有碗白飯真係一流!
配菜的津白吸收了汁料的精華,啖啖都令人停唔到口。😚
蟲草花翡翠苗 Sautéed Jade Sprouts with Cordyceps Flowers
小編最喜歡的蔬菜就是翡翠苗,😍
有人可能會覺得翡翠苗有草青味,
但其實只要炒至剛熟,草青味就唔會再有,仲會有獨特的青香,😌
而且咬落爽口又有嚼勁,
配埋口感q彈的蟲草花就更清新。😋
上湯水餃 Beijing Dumpling in Supreme Soup
水餃葷素搭配,餡料十足,鹹度適中,
配以鮮甜上湯,清一清味蕾不錯啊!
但不知道北京水餃是不是餃子皮會比較厚,
我個人就不太喜歡。🙊
是日的甜品為杏仁豆腐,
杏仁豆腐呈半透明狀,
口感軟嫩有彈性,散發淡雅的杏仁香,
配以雜果,更添口感呢!😳
整體來說,
「京.花朝」環境優雅舒適,食物又幾出色,
其中的花鵰話梅醉蟹腳更是一試難忘,
值得一試呀!😋
地址:京.花朝 (銅鑼灣)
銅鑼灣耀華街3號百樂中心9樓
營業時間: 星期一至日: 12:00-22:30
留言
張貼留言