和朋友係信德中心搭船過澳門之前,梗係嘆個「華星」早餐啦!😏
🎄聖誕假期周圍都好多人,
當然有不少人襯假期「過大海」去轉個運啦。
所以成個信德中心都人山人海,
知道正正係搭船的信德中心開左間「華星冰室」的分店,
懶得周圍「騰」的我地,一於就係到食盡佢啦~😜
我地搭11:45am船,
所以1小時前左右到「華星」,好彩無人係門口等位,即刻有得入座。✌🏻
裡面差不多座無虛席,我地被安排坐在餐廳中間的位置。
裝潢設計依舊地走懷舊冰室風,
空間都算大,有靠牆卡位和適合大夥兒坐的方桌。
12點前都係只售早餐,就來兩份吧!
平時「華星」伙記一向出手快、靚、正,
可惜宏觀整間餐廳,店員只有兩個,真係明符其實的「炒場」😅,睇到都心酸。
見店員快來快去,我地都唔忍心催促落單。
不過整體來說,今次落單上菜的時間的而且確比平時慢得多,趕船的食客要留意下時間呀!
我地分別叫了兩份早餐,
要留意火腿通粉係無得轉其他配料,只可轉粉麵,
可選擇煎雙蛋或炒蛋和餐飲乙杯。
火腿通粉
一向以史雲生清雞湯做的濃湯底,
今次做得不錯, 鹹淡適中,
通粉保持爽滑牙的質感,
估唔到繁忙中仍能維持其食物質素,值得一讚!👍🏻
🍳炒蛋厚多士🍞
食過「華星」和「澳洲牛奶公司」的炒蛋當然會比較下,
不過小編就覺得各有所長,無話特別鐘意食邊間,
「華星」的比較軟滑,「澳洲牛奶公司」的比較重奶味,就視乎各人口味吧。😏
微暖的香烤鬆軟厚多士,中間抹了層牛油,
和炒蛋一起吃便有另一種口感。😋
熱奶茶茶味都算濃郁,不過奶味比較重。👌🏻
整體來說,
$35有這樣質素的早餐算是不錯了,
有人話「華星」係明星效應,
我就覺得總比無名的茶餐廳有固定的食物水準。😊
值得一提的是上環分店比灣仔分店平$1,
本來以為信德中心作為港澳碼頭旅客區應該會比較貴,真係喜出望外呀!😯
地址:華星冰室 (上環)
上環干諾道中168-200號信德中心3樓澳門廣場3018號舖
營業時間: 星期一至日: 07:00-19:00
留言
張貼留言