見到銅鑼灣開左一間新嘅泰國🇹🇭菜,
就同朋友試新野~😏
卡位寬敞舒適,
比起平時的泰菜館,
色彩繽紛嘅塗鴉噴畫更添活力朝氣~😎
生蝦刺身(6件)($98)
一份有6隻草蝦,以銅鑼灣區來說,
份量和價錢算是便宜~
生蝦肥美肉厚,爽口彈牙,味道鮮甜美味,
夾着蒜片和辣椒🌶️一起吃,
再蘸一蘸泰式生蝦醬,正啊!😋
泰式串燒(半打)($88)
我地要左豬、牛、雞各兩串,
全部肉質都唔會太乾身,嫩滑多汁,
蘸上秘製沙嗲醬,幾惹味,值得一試!
椰青焗海鮮($158)
有鳳尾蝦、青口、帶子、斑塊等,材料好豐富呀!
海鮮用咖喱炒香後,放入椰青中焗,
海鮮都幾新鮮,椰青香完全滲入海鮮中,不錯吃!
不過要襯熱食呀!☝🏾因為炸皮腍得好快。🙊
值得加分嘅係,
原個椰青水會用杯比返你,
清甜滋潤~☺️正!
平時開個椰青都要$40以上啦!
所以呢個有海鮮食,仲有椰青水飲,好抵呀!😎
飛天炒通菜($58)
炒得幾有鑊氣!
蒜蓉辣椒🌶️炒得微辣惹味,
份量同價格都相宜。
青檸酸辣明爐烏頭($168)
烏頭斤兩十足,
魚肉白滑鮮嫩,
加上酸辣惹味嘅湯汁,幾醒胃!
仲有底部嘅粉絲吸晒魚和湯汁嘅精華~☺️好味!
連唔太鐘意食魚嘅小編都覺得不錯啊!
大頭蝦冬蔭功湯(細)($118)
無諗過細都有咁大煲,
仲要原煲上陣,仲有明火保溫,
唔會飲飲下凍左影響味道質素,
好貼心呀!♥️
正宗冬蔭功湯
2人份量 1人飲到2碗湯同每人有半隻蝦
蝦的鮮甜完全被迫出來,所以湯頭甘醇美味,
店家應該用了不少蝦頭蝦殼熬製才有這種效果,😏👏🏻
再加埋其他不可或缺的配料如蕃茄、菇類、香茅、檸檬葉、南薑 、指天椒等,
味道正宗,香甜酸辣,正!😋👍🏻
由於我們追加了兩款配料,
所以店家十分細心地一早準備用來加湯的冬陰功湯底,
一個價錢差不多就可以飲兩煲,
三個人食都夠晒,好抵呀!😂
地址:
Milu Thai มิลู่ไทย (銅鑼灣)
銅鑼灣耀華街3號百樂中心2樓
營業時間:
星期一至日:12:00-23:00
留言
張貼留言