小編一直都好想食大名鼎鼎嘅「一鍋堂」,
因為出左名性價比高,抵食,值得推薦!👍🏾
而家終於係荃灣開出分店,
係九龍人嘅口福呀!☺️
成人$168,小童$88,
17:00-19:00前離座全單8折,
90分鐘內結帳全單9折。
每人$200都唔洗有找,真係超值!😎
例牌湯底有16款之多,
仲有不少特色湯底,如馬來喇沙、冬陰公、沙參肉竹鯊魚骨、潮汕湯,
而且不時有期間限定湯底,
不過選擇兩款湯底就要另加$50。
食火鍋之前先混個醬,
基本調味醬汁都有:炸蒜、生蒜、蔥花、指天椒、麻醬、辣醬和沙茶醬。
如果想開胃去油,就可以試下柚子醬油!😏
我地叫左藥膳湯,
內裡有不少藥材:杞子、黨參、當歸、紅棗、圓肉等,
湯頭清甜香醇,不錯啊!☺️
火鍋配料豐富,
有不少於80款選擇,
包括海鮮、肉類、自家製、配菜類、素食和熟食等。
有其他火鍋店不常出現嘅配料如牛骨髓、薑汁皮蛋貢丸,
還有不少自家製食材,
如胡椒麵、粟米餃、手打孜然雞丸等。
⭐️⭐️⭐️推薦⭐️⭐️⭐️
生猛海蝦真係好新鮮!
肉質爽彈,鮮味十足,可以無限encore!♥️
女士們最愛嘅花膠,名為「真係花膠」!😂😂
花膠厚身嫩滑,又吸晒湯底嘅精華,正!👍🏾
白鱔片
魚油脂香,口感既嫩又不失嚼勁,
平時係單點嘅火鍋店都好貴,
呢到仲要任食,可以食返夠本!😎
脆鯇魚片都算新鮮爽脆,哎喲不錯啊!😆
是日推介海鮮(沙白)、帆立貝
沙白有少少沙,不過都幾鮮甜,
帆立貝個頭雖不大,但口感十足!
美國肩胛肉眼
脂肪分布平均,肉香嫩滑,不錯吃!
與牛肉比較,小編就比較鍾意豚肉~
西班牙黑豚肉肉質爽口得黎,又唔會太嚡,
肉香十足,好味道!😋
豬肺洗得乾淨,口感又滑又爽,值得推薦!😏
芝士迷絕對不可錯過!
超流心芝士餡嘅炙熱芝心包、芝士獅子狗真係好正,芝味十足!😋
至於芝士豆腐也相當不錯👍🏾,
雖然無咁流心,但芝士味也相當突出!☺️
好奇心驅使下,點左薑汁皮蛋貢丸:
內有薑汁和皮蛋碎,是十分驚喜的配搭可以一試!😂
小編最鍾意韭菜餃,
次次打邊爐必食!
而「一鍋堂」嘅韭菜餃為自家包製,
多菜少肉,鹹香味美,正!👍🏾
呢度嘅菇菌好齊全,
有鮮冬菇、秀珍菇、雞髀菇、金菇等,
款款都新鮮,不錯喔!
自家製胡椒麵
入口微爽,食到濃郁嘅胡椒味,好特別!
蜂巢豆腐吸晒湯嘅精華,啖啖滋味~😌
響鈴卷雖然不是自家製,
但絕對是水準之物!😏
頭盤、蔬菜、飲品放係出面嘅雪櫃比食客自己自取,
蔬菜全部都好新鮮,擺設乾淨又企理。👏🏻
除左汽水、茶,
還有自家製蝶豆花茶、冰糖燉檸檬🍋
甜品方面,
有雪糕機自己唧,要幾多唧幾多,
仲有朱古力碎、棉花糖等topping,增添口感。
另外仲有甜品櫃,涼粉、果凍、布丁都有。
整體來說,
「一鍋堂」食物質素好,
環境簡潔衛生,每位$200都唔洗仲有找,
物超所值,性價比超高!😎
地址:
一鍋堂 (旺角)
旺角旺角豉油街104號Loft by20 2/F 東翼
營業時間:
星期一至日:17:00-02:00
留言
張貼留言