尖沙咀咁多酒吧,應該點揀好呢?
如果你想搵一間環境優雅,情調好,飲品、野食又夠晒特別,與眾不同嘅酒吧,
咁「Time Park Lounge 」就啱晒你啦!😏
沿樓梯落去,
便到達以英倫鐵路為主題嘅一邊,
牆上以英國火車月台風嘅塗鴉,
唔鐘意太靜嘅朋友,
可以到beer pong區,和朋友耍樂,
亦不時有DJ打碟,氣氛熱鬧。😎
越過拱門,
便到達另一邊以森林為主題嘅區域,
整棵巨樹延伸至屋頂,
從天花垂下滿滿嘅乾花,
攀爬在牆上嘅樹根、藤枝,
仿製嘅火爐、瀰漫書卷氣息嘅書架,
猶如歐式大宅嘅客廳,
環境幽靜,可以同伴侶或朋友have a secret talk。♥️
「Time Park」嘅主打,當然係雞尾酒🍸!
調酒師自創一系列以果汁、果酒調製嘅signature cocktail,
每杯嘅cocktail除左有個大rock杯盛載住spirit,
隔離仲會有個特別處理過或煙燻過嘅果汁,
比食客按照自己嘅口味,
去調配適合自己嘅味道。
Foggy($118)
用rock杯盛着Bourbon威士忌,
配上用鮮榨檸檬🍋汁、蛋白、百里香等調製而成嘅果汁,
入口清新,酸甜中滲透着威士忌嘅韻味,幾refreshing!😌
Gold Smoke($118)
Rum on rock,
上枱時附上一支以蘋果木煙燻過嘅蘋果汁,
食客可隨個人口味,
以滴管把蘋果汁滴進Rum中,玩味十足!😎
飲落會散發出幽幽嘅蘋果木煙霧香,
酒味較強烈,
飲落仲有濃郁嘅煙燻香,和蘋果嘅酸甜味。
除左多款賣相吸引嘅Cocktail,
仲有精緻嘅fusion佐酒小吃和分子料理。
低溫慢煮雞胸配中式腐乳意大利飯($158)
從賣相睇落完全唔似意大利飯,
我一開始仲以為上錯菜,以為係鮮海膽~😂😂
意大利飯包着由腐乳、雞胸燴成嘅意大利飯,
外層炸脆,
咬開嘅時候有d似炸薯波,
細嚼感受到腐乳嘅鹹香,
但又唔會太鹹,
係好創新嘅配搭!😏
西班牙紅蝦,蟹肉,牛油果沙律配自家製泰式汁($98)
小編最鐘意就係食牛油果,
所以一見到牛油果沙律又點可以錯過呢!😆
用新鮮蟹肉和鮮牛油果製成嘅沙律,
蟹肉鮮甜,牛油果幼滑,鮮味非常!😋
加上西班牙紅蝦刺身,鮮甜爽彈,
配上自家製泰式汁,微辣惹味,幾開胃!😏
低溫慢煮半生牛叉燒配米型粉($198)
安格斯牛肉做嘅叉燒,
外皮煮得微脆,內裏則保持着半生熟嘅樣子,
熟成度拿捏得剛好,
肉質鮮嫩多汁,慢煮後入味得很!
小編第一次食意大利米型粉,口感真係好似飯!😂
但食落無食澱粉質咁有罪惡感,
淋上自家調製嘅甜豉油,幾夾喎!😋
Time Park 特製乳豬配薄餅及蜜糖芥末魚子($138)
薄餅裝飾成食鬼嘅賣相,真係好得意呀!♥️
烤乳豬外皮脆卜卜,肉香嫩滑,
配上特製嘅蜜糖芥末醬魚子,
一咬開,香甜惹味嘅蜜汁就係口腔裏爆發,
口感相當新穎,是一個不錯的嘗試!👍🏾
地址:
Time Park Lounge (尖沙咀)
尖沙咀棉登徑13-15號棉登大廈地庫
營業時間:
星期一至四、日:15:00-2:00
星期五至六:15:00-3:00
留言
張貼留言