是日為小編嘅生日,
小妹就為我預訂左如心酒店集團嘅「香港旺角薈賢居」嘅房間同我慶祝,
嘩~仲要係最高層20樓嘅M.SUITE 雙人大床套房,
真係好大好正呀!❤️
首先要讚下酒店嘅貼心嘅服務和配合,
小妹在check in嘅時候,
酒店好配合地幫佢保管住個蛋糕🎂先,
然後安排在夜晚十二點之前送個蛋糕去房間比surprise我,
在開門個刻,小編真係好驚喜哈哈😆。
另外,酒店仲好細心地延長左我地嘅退房嘅時間,
咁我地就可以訓晏啲,享受耐啲~😌
酒店仲幫我地預訂左酒店二樓餐廳「canton pot」,
Upgrade左我地去私人廂房,
咁就可以享受二人世界啦!
真係好好嘅服務呀!👍🏻
套房裏面有私人嘅用餐桌,好有家嘅感覺~
除咗有張超大嘅雙人床外,
電視機前面仲有張沙發床,
咁就可以攤係到睇電視,
或者可以開party住多個人都得啦!😏😏
浴室裏面除咗有沐浴間,
有日式温泉風格嘅浴池,
咁就可以浸泡泡浴啦!☺️
整體來說,
「香港旺角薈賢居」真係性價比高。
四星級嘅酒店,最平$400有交易,價錢優惠,
交通方便,步行往旺角港鐵站只需約五分鐘,
附近亦都有好多美食~
地點:⭐️ ⭐️ ⭐️ ⭐️ ⭐️
清潔與衛生:⭐️ ⭐️ ⭐️ ⭐️
服務:⭐️ ⭐️ ⭐️ ⭐️ ⭐️
划算度:⭐️ ⭐️ ⭐️ ⭐️
地址:
香港旺角薈賢居 - 如心酒店集團管理
(Lodgewood by L'hotel Mongkok Hong Kong)
留言
張貼留言