第N次食「泰濃麵」~
點解成日都揀「泰濃麵」?
因為在尖沙咀食粉麵黎講,確實係相當經濟實惠嘅好選擇,
食物又keep得住水準!
🌟推薦❗️卜卜蜆冬陰功湯薯粉($88)
一碗有5隻好似半個拳頭咁大嘅蜆,肉質鮮甜,😍
冇諗過卜卜蜆同冬陰功湯咁match!
冬陰功湯底酸酸辣辣,
仲有好多海鮮配料如青口、蝦、蟹柳、菇菌等,好足料!👏🏻
薯粉幼身,口感幾煙韌~
牛肉有美國肥牛、安格斯牛肉、飛驒和牛三種選擇,
性價比最高嘅一定係頂級安格斯牛肉!
🌟推薦❗️頂級安格斯牛肉冬陰功湯金邊粉($88)
冬陰功湯底一如既往的好,
金邊粉香滑,比薯粉更吸湯,
安格斯牛肉比美國肥牛肉肉質更香更有嚼勁,果然一分錢一分貨!
鍾意食小食嘅小妹點會放過食小食嘅每個機會呀!😂😂
🌟推薦❗️泰式炸蝦餅($38)
一客有三件,份量都算合理,
蝦餅即叫即炸,外皮炸得香脆,蝦膠又夠口感爽彈,
蘸上泰式辣醬,惹味!
地址:
泰濃麵 (尖沙咀)
尖沙咀樂道7號嘉樂大廈地下A舖
營業時間:
星期一至日:11:00-00:00
留言
張貼留言